▓ هو مش كدة متور المية ممكن يتحرق !! ▓ ( سؤال لو سمحتم )

مساء الخير يا شباب
دلوقتي انا مركب متور حصان ونص كالبيدا

http://t2.gstatic.com/images?q=tbn:A...917jyQ2knO-6P8

ومركبلو عوامتين

http://3.bp.blogspot.com/_elAD4Rh9C_...0/newpic13.jpg

وطبعاً مركب اتوماتيك .... المهم دلوقتي انا بسمع صوت المتور. بيشتغل ويفصل يشتغل ويفصل بسرعة بسرعة كان واحد عمال يلعب في حنفية المية. ويفتحها ويقفلها يفتحها ويقفلها ويفتحها ويقفلها بسرعة بسرعة وحاسس ان المتور هيتحرق .... فهل ده طبيعي. ولا في واحد من السكان بيلعب بحنفية المية في شقتوا وكده ممكن يحرقلي المتور ...

فهل موضوع انو يشتغل ويفصل ورى بعض ورى بعض عشرين مره في الدقيقة. ده صح وطبيعي .... ولا في وحدة عمالة تشطف معلقة معلقة ،وبتحب تقتصد في المياه وتحرقلي المتوررررر .
ولا المتور بايظ ارجو الافادة من واقع خبراتكم يا غالين

@@@@@@@@@

وتحياتي وشكراً مقدماً

دي المشكلة الأزلية في موتور المياة
البالونة
الكاوتشة اللي جواها لما بتتخرم مش بتعمل ضغط مناسب
فبتبقى عايزة تتغير أو تتنفخ بس غالبا بتبقى مخرومة وعايزة تتغير لان اغلب الانواع اللي موجودة زي الزفت

الحلول كالتالي:
* تفك البلالين وتشوف الكاوتشة أخبارها إيه، لو عايزة تغيير تتغير وتتنفخ وتتابعها كل فترة، وممكن تظبط الاوتوماتيك بحيث إنه يشتغل على ضغط أقل شوية بس وانت بتعمل القصة دي راعي أنك تكون متابع حد من الادوار العليا عشان ممكن المياة ما توصلوش لو الاوتوماتيك ما اتظبطش كويس.
* في بلالين جديدة نازلة لونها بيج فاتح كدة، الميزة فيها ان الكاوتشة منها فيها مش محتاجة تغيير وبتقعد فترة طويلة، وكل اللي هاتعمله انك هاتظبط الهوا فيها كل فترة انما مش هاتحتاج تغير الكاوتشة.

والحل الأسلم والأصعب والأكثر تكلفة(اللي أنا مش قادر أعمله لحد دلوقتي) انك تعمل عداد ووصلة خاصة بيك وتظبط موتورك وحاجتك وتتابع الحنفيات عندك إن مافيش حاجة فيها تكون بتنقط

الاتوماتيك محتاج ضبط علشان هو الموتور من المفترض يشتغل عند وصول الضغط الي بار معين انته محدده وكذلك في حاله الفصل برضه بيفصل عند ارتفاع الضغط الي بار معين ولما تكون النسبه قريبه من بعض معناه انه هيفصل ويشتغل بسرعه حتي لو حنفيه او سيفون فيه تسريب هيخلي الموتور يفصل ويشتغل باستمرار بمعني لو مخلي الفصل عند ١١ بار مثلا والتشغيل علي ١٠ بار دي تعتبر نسبه قريبه من بعضيها وهتخلي الموتور يفصل ويشتغل بسرعه ولكن لو كانت النسبه بعيده ذي مثلا ١٠ بار للتشغيل و٢٠ للفصل مثلا كده تبقي نسبه بعيده وهتخلي الموتور يشتغل علي فترات متباعده

ملحوظه ؛ الارقام الي ذكرتها دي ارقام علي سبيل المثال فقط ولكن صاحب البنايه والسباك ادري بمدي تحمل المواسير وبقيه التمديدات للضغط المناسب

سيبك من البالونة والاتوماتيك. وهات جهاز فلوماك افضل بكتير

البالونه هتتفك ووخلى بالك انها هتبقى مليانه مياه
وخلى معاك مفتاح تقريبا 13 مشرشر
فضى الميه وبعدين جمع اللى فكيته
روح عند بتاع كاوتش وانفخ البالونه على 28
وبالهنا والشفا

احنا مركبين مفتاح للموتور عادى جدا نشغله و نطفيه وقت الحاجة علشان المية بليل مثلا بتبقى جامدة و الصبح بدرى فملهاش لازمة يشتغل عمال على بطال

و ازاى اظبط الاوتوماتيك عشان الموتور هيجننى مش بيتشغل غير لما المياه تقطع من الحنفية

بس هو لمؤخزة انتوا بتهزروا ولا بتتكلموا جد ههههه بلووونة ايه الي انفوخها.
انتو بتتكلموا بجد وربنا .... وهيا البلونة لما تتنفخ طب هو فين البلف بتعها ؟
معليش اصل انا مليش خبرة خالص في موضيع المواتير. دي خالص جبت المتور من شارع الجمهورية ورحت جبت واد سباك بس شكلو سباك كوفته لانوا لمن ركبلي المتور كان بينقط قعد يقولي عادي يابيه بكرة هتنشف ههههههه. فمسكتوا بستفتوا. .. وفعلاً طلع معاه حق انو تاني يوم بطلت المواسير تنقط طب .... حد يعرف واد بتاع مواتير فنان. يكون في الشيخ زايد او اكتوبر ينفخلي حتى البلونة اتفرج عليه اول مره اشوف بتتنفخ ازاي .... واشكركم يا شباب جزيل الشكر والتقدير

البلف هتلاقية من فوق (هتلاقى بلاستكايه لونها اسود شيلها هتلاقى البلف )

طب انا لو نفخت البلونة. هرجع ادخلها جوه الحلة ازاي ؟؟
مفيش فيديدو على اليو تيوب طريقة فك البلونة ونفخها وتركيبها ولا هيا عملية سهلة ... طيب دلوقتي في حالتي دي ممكن اصبر على الموضوع ده ولا ولا ممكن يبوظ المتور ويحرقوا لو متصلحش. والمفروض افصل الكهربا لحد ما اصلح البلونة واشوف واحد يزبطها. ... وتحياتي

جوه البالونة الحديد دى فى بالونه جلد صغيره , الهواء بيكون بين البالونه الجلد وبين البالونه الحديد فبيكون عامل ضغط على البالونه الجلد اللى بيكون فيها ميه

فى جهاز كده بيركب دلوقتى وبتشيل الاتوماتيك والبالونه وكل الكلام دة حجمه صغير جداا قد كف الايد وبيشتغل مع فتح الحنفية وبيفصل الماتور لما تقفل الحنفيه

http://www.egypthunter.com/vb/attach...1&d=1351684945

http://www.egypthunter.com/vb/attach...1&d=1351684945

http://www.egypthunter.com/vb/attach...1&d=1351684853

http://www.egypthunter.com/vb/attach...1&d=1351684853

http://www.egypthunter.com/vb/attach...1&d=1351684945

لقيتلك صور البالونهمن جوه

http://img843.imageshack.us/img843/3075/1284619940.gif

تسلم ايديكم وجزاكم الله كل خير وبارك الله فيكم جميعاً .... واشكركم من جزيل قلبي على مشاركتكم جميعاً وبجد افدتموني .... وربنا يقدرني على رد جمايلكم يا شباب .... وتحياتي

اقتباس:

---

المشاركة الأصلية كتبت بواسطة y a r i s

طب انا لو نفخت البلونة. هرجع ادخلها جوه الحلة ازاي ؟؟
مفيش فيديدو على اليو تيوب طريقة فك البلونة ونفخها وتركيبها ولا هيا عملية سهلة ... طيب دلوقتي في حالتي دي ممكن اصبر على الموضوع ده ولا ولا ممكن يبوظ المتور ويحرقوا لو متصلحش. والمفروض افصل الكهربا لحد ما اصلح البلونة واشوف واحد يزبطها. ... وتحياتي

---

اخى محمد السلام عليكم ورحمه الله
فيه ايه وجعت قلبنا معاك - البلونه انا بافكها كل سته شهور ولازم تتعود على ذلك .

بلالين اية يا جماعة
انا اول ما البالونة عندة متخرمت رميتها وجبت الفلوماك
وريحت دماغى وهو كويس جدا وعملى مليون مرة عن البلونة

اقتباس:

---

المشاركة الأصلية كتبت بواسطة ahmed12345678

بلالين اية يا جماعة
انا اول ما البالونة عندة متخرمت رميتها وجبت الفلوماك
وريحت دماغى وهو كويس جدا وعملى مليون مرة عن البلونة

---

اخى العزيز
السلام عليكم ورحمه الله
الفلوماك لايصلح الا لشقه واحده لانه ممكن تتحكم فى شقتك وتعملها مضبوطه .
ولكن اذا استخدم لعماره وكان لديك كالعاده حنفيه بتنقط او سفون مش مضبوط فى شقه من الشقق سوف تعمل مشاكل مع الجيران لان الموتور لن يتوقف وسوف يتحرق - وطبعا كعاده المصرى كل واحد يقول لك المشكله مش من شقتى وعيش بقا ياباشا فى وجع القلب.

وذلك لان الفلوماك يجعل الموتور يشتغل بمجرد فتح الحنفيه ولايفرق اذا كانت بتنقط او مفتوحه لانه بيعتمد على ضعط المياه فى المواسير وطبعا التنقيط يسرب هذا الضغط وبالتالى سوف يستمر الموتور فى العمل

عايز سباكين
خد دول
بس مجربتهمش
01111794483
01008676565
01276328399
01152081531
كل نمرة لسباك
بس قللى اشتغلت مع مين علشان عايز واحد قريب
والموضوع سهل
مفتاح 10 ولا 12 ومفتاح بلدى ولفة البتاع الابي بتاعهم دوة
والاول جرب تظبط ضغط الاوتوماتيك
بس ببنسة كهربا كويسة لان فيه كهربا 380 فولت

اقتباس:

---

المشاركة الأصلية كتبت بواسطة a.saad

عايز سباكين
خد دول
بس مجربتهمش
01111794483
01008676565
01276328399
01152081531
كل نمرة لسباك
بس قللى اشتغلت مع مين علشان عايز واحد قريب
والموضوع سهل
مفتاح 10 ولا 12 ومفتاح بلدى ولفة البتاع الابي بتاعهم دوة
والاول جرب تظبط ضغط الاوتوماتيك
بس ببنسة كهربا كويسة لان فيه كهربا 380 فولت

---

السلام عليكم
انا متعود اغير ضغط الاتوماتيك فى الصيف وفى الشتاء لان فى الصيف محتاج توطيه والا سوف يتحرق الموتور بسبب استمرار عمله بدون فصل بسبب ضعف المياه وفى الشتاء باعليه لانه بيفصل بسرعه وذلك من اجل استمرار السخان فى العمل .

المهم مره باضبط الاتوماتيك بمفتاح عشره ولمس المفتاح الكهرباء بسبب انشغالى بشى اخر.
وجدت نفسى اتنطط من الكهرباء ربنا يستر عليكم وعلينا واستمر زراعى منمل طوال اليوم

هات سباك يعمل صيانة للموتور , وأرحم جيرانك من دوشته , صوت الخبط المتكرر بتاع الموتور لا يطاق

هو انا ينفع اركب الأوتوماتيك والحورات دي علي موتور عادي بيشتغل لما احب اشغله بس ولا ايه؟

اصل اشتريت الشقه وفيها الموتور والمفتاح بتاعه في المطبخ وحاجه رخمه كل ماادخل الجمام انده علي حد يشغله

اقتباس:

---

المشاركة الأصلية كتبت بواسطة shaddadfalcon1

هو انا ينفع اركب الأوتوماتيك والحورات دي علي موتور عادي بيشتغل لما احب اشغله بس ولا ايه؟

اصل اشتريت الشقه وفيها الموتور والمفتاح بتاعه في المطبخ وحاجه رخمه كل ماادخل الجمام انده علي حد يشغله

---

السلام عليكم
لو انت شقه واحده امامك خيارين ممكن الفلوماك او البلونه والاوتوماتيك
لو الموتور مشترك مع اخرين رائيى ابعد عن الفلوماك

اقتباس:

---

المشاركة الأصلية كتبت بواسطة sas5

السلام عليكم
لو انت شقه واحده امامك خيارين ممكن الفلوماك او البلونه والاوتوماتيك
لو الموتور مشترك مع اخرين رائيى ابعد عن الفلوماك

---

انا مشترك مع اللي تحتيا بس لكن خلاص هو بيركب موتور لوحده يعني كلها شهر ولاحاجه وابقي لوحدي تماما

ايه الفرق بقي بين الفلوماك والبلونه ؟ ويارتي تكلفتهم كام؟
وممكن حد يقولي طريقة عملهم ازاي ؟

بص يافندم البالونه دى عباره عن كوره حديد كبيره اللى هى لوناه احمر او ازرق دى دى اللى بتبقى انت شايفها
جواها بقى كاوتشه دى عباره عن بالونه من المطاط وبتبقى راكبه
الصوره دى هاتوضع لحضرتك
http://nileup.com/up/uploads/nilemotors_13579953041.jpg

حضرتك بتروح عند بتاع كاتوش ينفخ الهاوء فى الكوره المعدن دى ليه ؟؟؟
المياه اللى باللون اللازرق الماتور بيدفعها لحد ما البلونه تاخد كفايتها ودى بتعتمد على ضغط الهواء اللى فى الكوره الحديد
حضرتك بتفتح الحنفيه الهواء بيضغط على البالونه المطاط دى فاتطلع المياه بضغط عالى لو الابالونه المطاط دى اتخرمت بالمياه الى فى البالونه هاتخرج للهواء والعكس بيحضل فابتفقد الضغط فى الكوره الحديد علشان كده كل ما حد يفتح المياه ولو لظه الماتور بيشتغل بناء على عليه
الوسيله اللى بتتحكم فى الماتور هى الاوتوماتيك وده عباره كام سوسته قويه كده ونقاط توصيل السوست دى بتترجلش (زى فرامل العربيات كده)لما الضغ يبقى اقوم من السوسته تقوم حركه السوسته تلمس قاط توصيل الكهرباء للماتور فايشتغل علشان كده لما بتكون البالونه بايظه الضغط اللى الماتور بيعمله فى المواسير بيروح لظه ما تفتح الحنفيه علشان الاوتوماتيك بيشغل الماتور

نفك الكوره المعدن دى ازاى؟؟؟
حضرتك بتلفها بأيدك جامد لحد لما القلاوظ يخرج من ماسوره اليماه بس خلى باللك اقفل محابس المياه بتاعه الشقق ولو فيه محبس بعد الماتور اقفله (علشان المياه اللى فى المواسير كلها هاتنزل تحت وتغرقللك الدنيا) وطبعاه افصل الكهرباء عن الماتور (علاشن هايفضل شغال على طول لحد ما ترجع الكوره مكانها) تاخد البالونه وتروح لمحل ادوات صحيه علاشن تغير البالونه وتروح لبتاع الكاوتش ينفخها على 28 وترجع تركبها على طول (وتحط شعر على القووظ او تيفلون) من عند السباك بردو ودول علشان مايبقاش فيه تسريب وتقرط عليها بس وتشغل الماتور لحد ما يفضل وافتح المحابس

الموضع انتهى

ارجو ان حضرتك تكون استفدت

بص يافندم البالونه دى عباره عن كوره حديد كبيره اللى هى لوناه احمر او ازرق دى دى اللى بتبقى انت شايفها
جواها بقى كاوتشه دى عباره عن بالونه من المطاط وبتبقى راكبه
الصوره دى هاتوضع لحضرتك
http://nileup.com/up/uploads/nilemotors_13579953041.jpg

حضرتك بتروح عند بتاع كاتوش ينفخ الهاوء فى الكوره المعدن دى ليه ؟؟؟
المياه اللى باللون اللازرق الماتور بيدفعها لحد ما البلونه تاخد كفايتها ودى بتعتمد على ضغط الهواء اللى فى الكوره الحديد
حضرتك بتفتح الحنفيه الهواء بيضغط على البالونه المطاط دى فاتطلع المياه بضغط عالى لو الابالونه المطاط دى اتخرمت بالمياه الى فى البالونه هاتخرج للهواء والعكس بيحضل فابتفقد الضغط فى الكوره الحديد علشان كده كل ما حد يفتح المياه ولو لظه الماتور بيشتغل بناء على عليه
الوسيله اللى بتتحكم فى الماتور هى الاوتوماتيك وده عباره كام سوسته قويه كده ونقاط توصيل السوست دى بتترجلش (زى فرامل العربيات كده)لما الضغط يبقى اقوى من السوسته تقوم حركه السوسته تلمس نقاط توصيل الكهرباء للماتور فايشتغل علشان كده لما بتكون البالونه بايظه الضغط اللى الماتور بيعمله فى المواسير بيروح لظه ما تفتح الحنفيه علشان الاوتوماتيك بيشغل الماتور

نفك الكوره المعدن دى ازاى؟؟؟
حضرتك بتلفها بأيدك جامد لحد لما القلاوظ يخرج من ماسوره اليماه بس خلى باللك اقفل محابس المياه بتاعه الشقق ولو فيه محبس بعد الماتور اقفله (علشان المياه اللى فى المواسير كلها هاتنزل تحت وتغرقللك الدنيا) وطبعاه افصل الكهرباء عن الماتور (علاشن هايفضل شغال على طول لحد ما ترجع الكوره مكانها) تاخد البالونه وتروح لمحل ادوات صحيه علاشن تغير البالونه وتروح لبتاع الكاوتش ينفخها على 28 وترجع تركبها على طول (وتحط شعر على القووظ او تيفلون) من عند السباك بردو ودول علشان مايبقاش فيه تسريب وتقرط عليها بس وتشغل الماتور لحد ما يفضل وافتح المحابس

الموضع انتهى

ارجو ان حضرتك تكون استفدت

جزاك الله خيرا

بس اعتقد في الأول محتاج سباك يركبها اصلا صح ؟

انا عندنا فالبيت الماتور علطول كده بقاله سنين
ببقي نفسي امسك الي بفتح الميه ويقفله كل ثانية مرة
مش معقولة يكون حد بيستخدمها لانه بيفتح ويقفل علطول ..

اقتباس:

---

المشاركة الأصلية كتبت بواسطة s o p h o s

انا عندنا فالبيت الماتور علطول كده بقاله سنين
ببقي نفسي امسك الي بفتح الميه ويقفله كل ثانية مرة
مش معقولة يكون حد بيستخدمها لانه بيفتح ويقفل علطول ..

---

اخى العزيز في هذه الحاله تكون المشكله مشكله بالونه بنسبه 99% - لابد من فكها والكشف عليها

انا عندى الاوتوماتك الفلوماك بس عندى مشكله بقالها شهر وهى ... الحنفيات مش بتنقط ولاقى الموتور كل شويه يشتغل ويفصل مش عارف ايه السبب ؟ هل الرجلاش اللى فيه ليه علاقه

اقتباس:

---

المشاركة الأصلية كتبت بواسطة shaddadfalcon1

جزاك الله خيرا

بس اعتقد في الأول محتاج سباك يركبها اصلا صح ؟

---

تركيب البالونه مش محتاج سباك ولا حاجه هو بس علشان بيبقى عارف اللى احنا مانعرفوش
زى ما احنا بنعمل شغل الميكانيكى بايدينا فى العربيه علاشن عارفين الحكايه ماشيه ازاى والتفاصيل كلها

اقتباس:

---

المشاركة الأصلية كتبت بواسطة r_gamal1

انا عندى الاوتوماتك الفلوماك بس عندى مشكله بقالها شهر وهى ... الحنفيات مش بتنقط ولاقى الموتور كل شويه يشتغل ويفصل مش عارف ايه السبب ؟ هل الرجلاش اللى فيه ليه علاقه

---

السلام عليكم
غالبا السيكس بالف باظ ومحتاج تغيير لانه يسمح بارتجاع المياه

يا أخوه وعن تجربه والله الجهاز ده فرق معايا كتير جدا جدا
ونسانى مشاكل البلونه وضبط الضغط والتعليق والذى منه
وكمان لو المياه انقطعت بحافظ على الموتور لانه بيفصل بعد دقيقه تقريبا بدون مياه
الجهاز ده تمنه 150 ده سعره من سنتين مااعرفش دلوقت بكام
وعلى فكره اللى عندى الصينى كمان مش اليابانى وشغال على الدور الرابع ومصنع فى الدور الارض والبيت كله على وصله واحده لانى انا اللى قاعد فيه
فبجد نصيحه بلا بلونه بلا وجع راس
http://img.bosscdn.com/photo/product...ure-switch.jpg

طب ما تعرفش يا استاذ طارق الجهاز ده اسمو ايه ؟

اقتباس:

---

المشاركة الأصلية كتبت بواسطة طارق _عبد السلام

يا أخوه وعن تجربه والله الجهاز ده فرق معايا كتير جدا جدا
ونسانى مشاكل البلونه وضبط الضغط والتعليق والذى منه
وكمان لو المياه انقطعت بحافظ على الموتور لانه بيفصل بعد دقيقه تقريبا بدون مياه
الجهاز ده تمنه 150 ده سعره من سنتين مااعرفش دلوقت بكام
وعلى فكره اللى عندى الصينى كمان مش اليابانى وشغال على الدور الرابع ومصنع فى الدور الارض والبيت كله على وصله واحده لانى انا اللى قاعد فيه
فبجد نصيحه بلا بلونه بلا وجع راس
http://img.bosscdn.com/photo/product...ure-switch.jpg

---

نسيت اقول انى مركبه على موتور واحد حصان كالبيدا
وهو بيقوم بدور البالونه والوتوماتيك
يعنى شيلت البلونه بمشتملاتها ورميتها وخلصت من كل شويه ظبطها
وركبت الجهاز ده وعلى فكره السباكين مش بيحبوا يركبوا الجهاز ده لانه بيقطع عيشهم مع المواتير لان البالونه لما كان المياه بتقطع كان الموتور بيشتغل على طول لدرجه انى غيرت حاجه فيبر جوه الموتور مرتين لان الموتور بيسخن جدا والفبره دى بتبوظ
والله بعد الراحه اللى شفتها اتمنى اى حد يجرب الجهاز ده وينقل تجربته لكم

اقتباس:

---

المشاركة الأصلية كتبت بواسطة y a r i s

طب ما تعرفش يا استاذ طارق الجهاز ده اسمو ايه ؟

---

مهى دى المشكله استاذ ياريس
مش فاكر بس تقريبا اسمه فلوماك بردوا
عارف المشكله الجو برد وانا نازل الصبح هشوف اسمه على الموتور واقول لحضرتك
بس تقريبا وبنسبه كبيره فلوماك بس الشكل ده مش الشكل المربع التانى

اقتباس:

---

المشاركة الأصلية كتبت بواسطة sas5

السلام عليكم
غالبا السيكس بالف باظ ومحتاج تغيير لانه يسمح بارتجاع المياه

---

سيكس بالف اللى قبل الموتور تقصد؟

اقتباس:

---

المشاركة الأصلية كتبت بواسطة r_gamal1

سيكس بالف اللى قبل الموتور تقصد؟

---

نعم مضبوط

اقتباس:

---

المشاركة الأصلية كتبت بواسطة طارق _عبد السلام

يا أخوه وعن تجربه والله الجهاز ده فرق معايا كتير جدا جدا
ونسانى مشاكل البلونه وضبط الضغط والتعليق والذى منه
وكمان لو المياه انقطعت بحافظ على الموتور لانه بيفصل بعد دقيقه تقريبا بدون مياه
الجهاز ده تمنه 150 ده سعره من سنتين مااعرفش دلوقت بكام
وعلى فكره اللى عندى الصينى كمان مش اليابانى وشغال على الدور الرابع ومصنع فى الدور الارض والبيت كله على وصله واحده لانى انا اللى قاعد فيه
فبجد نصيحه بلا بلونه بلا وجع راس
http://img.bosscdn.com/photo/product...ure-switch.jpg

---

بالظبط هو ده الجهاز اللى انا اقصدة وسغال على 4 شقق عندى مفيش منه مشاكل خااااااااالص