الموضوع: حصرياً علي نايل موتورز..أول دعايا إعلانية لسكودا أوكتافيا 3 الجديدة كلياً

المشاركة الأصلية كتبت بواسطة mo7a_mo7a

بعد اذن معاليك
ده الفيديو الاصلي ومدته تلت ساعة من المتعة الخالصة
اتفرجواااااااااا


new skoda octavia iii 2013 / nowa skoda octavia 3 / neue skoda octavia iii 2013 driving - youtube

:018a1d~146:

المشاركة الأصلية كتبت بواسطة طارق _عبد السلام

بخصوص الكورى والله حصل لى حادث النهارده وكنت عايز اعمل بيه موضوع بس لقيته مايستاهلش خالص هلاقى اللى يدخلوا ويعملوا بروبجندا
الطريق وقف فى منطقه مليانه عربيات وناس وشويه كده لقيت عربيتى اتنفضت وسمعت صوت طرقعه وخبطه من صوتها انا قولت هلاقى الشنطه فى ضهرى
انا لسه بنزل لقيت العالم كلها اطلع مفيش حاجه حصل خير
لازم اطمئن على عربيتى نزلت لقيت عربيه ماتركس وسيقاها واحده ست من النوع اللى الناس تشوفها تطلب توقيع على الاوتجراف :b4_444::_alshmokh23[1]:
علشان كده عرفت كل الناس فى وقت واحد قالولى حصل خير مفيش حاجه(طبعا اتحرق انا وعربيتى المهم الست) ده كلام الناس مش كلامى
انا لقيت اكصداما سايب مكانه وضغط على الفانوس الشمال تقريبا اتكسر
وانا ببص على العربيه عندى مفيش اى حاجه الحمد لله وفضل من ربنا
لقيت العاكس الشمال الموجود فى الاكصدام اتشرخ شرخ بسيط
ركبت عربيتى وطلعت قدام شويه بعيد عن الناس قلقان بقى عايز اطمن نا قلت من أثر المطر والطين انا مش شايف كويس
وقفت اطمن على العربيه تانى لقيت فعلا مفيش حاجه
وشويه لقيت السيده صاحبه الماتريكس وقفت قدامى ونزلت تعتذر ومش قادره تتكلم من الخضه والاحراج وقالت لى آسفه جيت امسك فرامل دوست بنزين وقولت لها مفيش مشكله وصممت تعتذر للمدام على الرعب اللى سببته لنا
ده يثبت بردوا ان العربيه الاوكتافيا ماشاء الله عليها ماسكه نفسها
هى دى الصناعه الاوروبى مش تقولى معرفش ايه :)

ربنا يباركلك فيها..خد بالك من نقطة مهمة وممكن أي حد ( وأتحدي ) يسأل كل السمكرية اللي في مصر..يقولك أنشف حاجة في العربية دي الضهر بتاعها..لأن أنا شخصياً حصلتلي زمان من سنة كده عربية بونتو دخلت فيا وانا علي صلاح سالم..عنده الإكصدام بالشبكة والفانوسين زعلوا..وببص علي العربية عندي لقيت خربوش بتاع 5 سم ( خربوش سطحي )