غلطه منى مع فلاش ابروو

**amr_adel00** · 10-01-2013 10:26 PM

يا جماعه انا غلط و حطيت فلاش ابروو و العربيه دايره,,
دورت العربيه و فتحت مكان الزييت من فوق و حطيت الفلاش. فى الاول لاقيته عمال يطلع بره من البخار اللى طالع او الهواء اللى طالع من الفتحه قمت جايب قمع و حطيت العلبه كلها و سيبت الموتور على السلانسيه 5 دقائق و بعدين غيرت زيت نوع تانى غير اللى كنت بحطه و الفلتر كمان
انا حطيت الفلاش علشان غيرت نوع الزيت فقولت انظف الموتور من جوه
الطريقه بتاعتى لاستخدام الفلاش ( غلط ) مش هى المكتوبه على العلبه
المفروض احط الفلاش و العربيه مبطله و بعدين ادورها
فلو ممكن حد يطمنى هل اللى انا عملته ده ( انى احط الفلاش و العربيه دايره ) فى ضرر على الموتور
شكرا

**AhMeD MeTwAlY** · 10-01-2013 11:07 PM

معتقدش انه ممكن يسبب ضرر كبير لان كدا كدا الزيت واخد دورته بس المشكله هنا ان الفلاش مركز مش مخلوط بالزيت الفكره انه يتحط والعربيه مفصوله عشان اول ما يتم التشغيل يبدأ يتخلط بالزيت
بس ان شاء الله خير ولو حضرتك حسيت بحاجه بعد تغيير الزيت؟؟

**haitham2011** · 10-01-2013 11:20 PM

المهم انك مزودتش بنزين او مشيت بالعربيه بعد ماحطيت الفلاش
و خير ان شاء الله

**tuttoo** · 10-01-2013 11:57 PM

مفيش مشكلة ممكن تخوف من اللي انت عملتة عادي... لكن المفروض ان الفلاش مدتة 5 دقايق بس

**MohammedAladel** · 11-01-2013 12:31 AM

هو الفلاش دا حيوى قوى كدا يا جماعة فى تأثيره على المعدات جوا ؟

هو اللى حضرتك عملته إن الفلاش نزل على طول على كرتيرة الزيت وبعدين الطرمبة دايرة بتاع الزيت بتسحب كله مع بعضه

يعنى وإنت بتحطه بيتخلط بسرعة أكتر مما تتخيل بالزيت

فمن ناحية اختلاطه بالزيت هتبقى أسرع من إنك تحطه وبعدين تدور العربية !!!!!!!!!!

لا تقلق ...... بس أنا شايف إن لو الموتور كان لسة داير ولسة مسخنش مش هيأثر لكن لو الموتور سخن والفلاش بارد متهيقلى كدا يبقى غلط

دى كلها وجهة نظر مش أكتر

**MohammedAladel** · 11-01-2013 12:32 AM

وبعدين عادى جدا إنك تغير زيت نوع لنوع تانى بنفس اللزوجة من غير فلاش ولا حاجة

**MohammedAladel** · 11-01-2013 12:34 AM

المشاركة الأصلية كتبت بواسطة ahmed metwaly

معتقدش انه ممكن يسبب ضرر كبير لان كدا كدا الزيت واخد دورته بس المشكله هنا ان الفلاش مركز مش مخلوط بالزيت الفكره انه يتحط والعربيه مفصوله عشان اول ما يتم التشغيل يبدأ يتخلط بالزيت
بس ان شاء الله خير ولو حضرتك حسيت بحاجه بعد تغيير الزيت؟؟

بالعكس فى الحالة دى الفلاش هيختلط بالزيت بسرعة لأنه بينزل مع الراجع من الزيت اللى خارج من الموتور اللى فيه شوائب عشان ينزل تانى الكرتيرة ويرجع من تانى للموتور

وبعدين الزيت بيبقى سريع جدا جوا الموتور

**bebom** · 11-01-2013 01:26 AM

ياريت حد يقلي فايدته ابه وطريقة الاستعمال

**amr_adel00** · 11-01-2013 04:23 AM

واللهى يا جماعه انا بشكركم كلكم واحد واحد
و ان شاء الله خيير و ميبقاش فى ضرر هو لحد دلوقتى الدنيا كلها تمام و الحمد لله
شكرا

**MohammedAladel** · 11-01-2013 01:03 PM

bebom >> فايدته إنه بينضف الموتور من جوا ....فيه ناس بتقول ليه أضرار لو موتورك قديم شوية ..... فيه ناس بتقول بلاش منه خالص طالما موتورك سليم وبتغيرله زيت فى الميعاد أول بأول