-
بلي في القايم الخلفي
السلام عليكم ورحمة الله
شباب انا العربيه معايا واخده كام بليه من فرد حي ف القايم الشمال الخلفي
وف الازاز الي جنبه والحمد لله عملت الازاز عند الثلاثي وشغال اهو
دي صورة القايم http://nileup.com/up/uploads/nilemotors_13578795561.png
ممكن حد يقولي دا يتعمل ازاي وبكام
طبعا البلي مدخلش جوه الصاج بس سايب اثر يعني اما تحسس بايدك كده تحس داخله لجوه شويه
وطبعا حاسس انه خلاص هيعمل صدا وخايف انه ممكن يعمل بارومه
ممكن حد يدلني ايه النظام ف الحكايه دي
وشكراً ليكو :bye2:
-
هو لو الصاج متأثرش فعلا يبقي هي بس هتحتاج شويه معجون وتروح لحد بتاع ميتالك ياخد درجة لون العربيه من الكابوت ويعمل اللون عالكمبيوتر وانا كان عندي حكات كده في الاوبترا بردو من سنه وتقريبا خدت نفس الشغل اللي هتاخده عربيتك ورش العربيه خد خمسين والميتالك كان ب 10 جنيه تقريبا واتبقي كمان بس هي الفكره انه من الصوره واضح انه كان حد بيضرب عليك أو كنت في حرب شوارع وعربيتك في النص لاني مش معقول كل ده بالغلط يعني عامة حمد لله علي السلامه
-
دى هتاخد معجون بس
و لو اتسابت مش هتصدى ولا حاجة المفروض النوبيرا متعالجة ضد الصدأ
بس الى يعملها لازم يبقى فنان عشان يظبطها و ميبقاش شغل عك فى العربية
-
شكراً ليكم ياشباب ..أحم هي كانت حرب بالفعل وقدر الله وماشاء فعل
ممكن بقى حد يوصفلي حد موثوق فيه ويكون اتعامل معااه وشكراً للأهتمام :)
انا من القاهره (عين شمس)
Content Relevant URLs by
vBSEO 3.6.0 PL2