بلي في القايم الخلفي

**CaptaiN-AhmeD** · 11-01-2013 07:18 AM

السلام عليكم ورحمة الله

شباب انا العربيه معايا واخده كام بليه من فرد حي ف القايم الشمال الخلفي

وف الازاز الي جنبه والحمد لله عملت الازاز عند الثلاثي وشغال اهو

دي صورة القايم

ممكن حد يقولي دا يتعمل ازاي وبكام

طبعا البلي مدخلش جوه الصاج بس سايب اثر يعني اما تحسس بايدك كده تحس داخله لجوه شويه

وطبعا حاسس انه خلاص هيعمل صدا وخايف انه ممكن يعمل بارومه

ممكن حد يدلني ايه النظام ف الحكايه دي

وشكراً ليكو

**Elsebily** · 11-01-2013 11:32 AM

هو لو الصاج متأثرش فعلا يبقي هي بس هتحتاج شويه معجون وتروح لحد بتاع ميتالك ياخد درجة لون العربيه من الكابوت ويعمل اللون عالكمبيوتر وانا كان عندي حكات كده في الاوبترا بردو من سنه وتقريبا خدت نفس الشغل اللي هتاخده عربيتك ورش العربيه خد خمسين والميتالك كان ب 10 جنيه تقريبا واتبقي كمان بس هي الفكره انه من الصوره واضح انه كان حد بيضرب عليك أو كنت في حرب شوارع وعربيتك في النص لاني مش معقول كل ده بالغلط يعني عامة حمد لله علي السلامه

**AlGazar2** · 11-01-2013 01:08 PM

دى هتاخد معجون بس

و لو اتسابت مش هتصدى ولا حاجة المفروض النوبيرا متعالجة ضد الصدأ

بس الى يعملها لازم يبقى فنان عشان يظبطها و ميبقاش شغل عك فى العربية

**CaptaiN-AhmeD** · 12-01-2013 05:49 AM

شكراً ليكم ياشباب ..أحم هي كانت حرب بالفعل وقدر الله وماشاء فعل

ممكن بقى حد يوصفلي حد موثوق فيه ويكون اتعامل معااه وشكراً للأهتمام :)
انا من القاهره (عين شمس)