عناوين و ارقام تليفون اغلب و افضل تاجري و ميكانيكية bmw

**mohabselim** · 10-04-2014 02:49 PM

السﻻم عليكم،

ممكن يارجالة البي ام حد يدلني علي مكان موثوق فيه علشان عايز أغير السماعات بتاعت عربيتي
علشان الصوت فيها أقل مايوصف أنه تعبان جدا
وياريت يكون حد فعلا جربه قبل كده، أنا عربي e39
وشكرا
مهاب سليم

**lanos2004** · 10-04-2014 03:28 PM

ازاى تنسى ايمن غرارة فى شارع دمشق

**maskeen** · 13-04-2014 03:38 PM

بكل ثقه وضمير مرتاح اقولكم ياريت تبعدوا عن اللى اسمه احمد ميدو ده (اللى جنب حازم الشربينى)
جبت من عنده امبارح 3 مارشات للعربيه والتلاته بايظين..والحمد لله الميكانيكى اللى هناك (واد غليان اسمه جاد فاتح ورا خالص قبل الترعه) كان بكشف عليه عند كهربائى جنبه قبل التركيب (لانه الموضوع مش بسيط وفيه فك مانيفولد كله)

فى تانى مارش الكائن احمد ميدو بيقول لصبى الميكانيكى فك الترس منه وركبه فى بتاع العربيه (يعنى عارف انه بايظ) وانا عملت نفسى مش واخد بالى...حاولنا نعمل كده فعلا لقينا الترس من جوه مقاسه مختلف...رجعناله ناخد واحد (التالت) وطلع برضه بايظ

فى الاخر بعد 3 ساعات الميكانيكى قاللى سيبك من البنى ادم ده وانا هاتصرف...راح جاب واحد مشابه (بس مش بفيشه) وعمل تغيير فى الدخله دى وركبه وزى الفل واخد تمنه 650 جنيه + 300 مصنعيه (هو وصبيانه قعدوا يشتغلوا كلهم من 2 ونص ل 7 بالليل ورايحين جايين معايا على احمد زفت ميدو والكهربائى