الموضوع: رجة أو نطة في الياريس

شباب
أنا كنت عملت الموضوع في قسم التويوتا بس عايز إجابة فاصلة عشان التغيير بغرامة كبيرة متنفعش تجربة
وانا سايق علي سرعة هادية أوي (40 مثلا) بحس إن العربية بتعرج
وانا سايق علي سرعة عالية (120-140) بحس إن العربية بتنط وتهتز لفوق وتحت وخاصة من قدام

قلت يمكن الكاوتش.. جبت الكاوتش اللي ورا قدام لان اللي ورا نقشته أعمق لقيتها بتنط بردو بس اكتر شوية
قلت يمكن فردة من الفرد اللي ركبتها قدام فغيرت اليمين قدام بالاستبن اللي نقشته كويسه بس برده قديم لقيت النطة قلت شوية بس لسه موجودة
رفعت العربية لقيت زيت بسيط أوي حول المساعد الأمامي يمين...غسلت عربية ومشيت بيها فترة لقيت الزيت رجع تاني بس أقل...يعني زي ما يكون تبخير كده
دورت علي النت لاقيت تويوتا عاملة وصف لكيفية إكتشاف عيب في المساعد..الرابط أهو:
http://rav4world.com/tsb/2011/T-SB-0145-11.pdf

عندي الوضع قبل الغسيل كان كما مبين بالشكل 7 او 8
والان وبعد الغسيل الوضع كما مبين بالشكل 6

حد ينصحني بقي المشكلة فين..
1- المساعدين
2- الكاوتش
3- جزء أخر

دي صورة المساعد اليمين