الموضوع: مطلوب ميجان

متابع

المشاركة الأصلية كتبت بواسطة mohammedaladel

ميجان ولا c4 ..........

راجع المواضيع المثبتة

محتار بين الاتنين وبحاول اقارن بينهم وربنا يقدم اللى فيه الخير :)

وانا برضه بدور على ميجان على الرايق بس مش عاوز اروح السوق علشان النصب والحوارات وعاوز اشترى من حد مضمون العربيه الوحيده المضمونه قدامى ومش عاوزها سكودا اوكتافيا a4 موديل ٢٠٠٠ فوانيس ليدات ومضمونه اوى بس مانوال وانا عاوز ميجان اوتوماتيك لو التوكيل فعلا بيبيع مستعمل يبقا افضل على ما اعتقد

يعنى لو اشترينا من التوكيل هل هاتكون عربيه مضمونه مع انها مستعمله

المشاركة الأصلية كتبت بواسطة mohammedaladel

1- فى موديلات 2005 و 2006 كان فيه نتشة فى الفتيس كان بيتعملها سوفت فى التوكيل كانت بتخف لكن هى مش مؤثرة على عمل الفتيس ولا هى عيب فلا تقلق من النقطة دى لأن 2007 هو نفس الفتيس بس بالسوفت الجديد لا أكتر ولا أقل
2_أيوة فيه فروق 2005 و2006 الشكل القديم اللى أول مرة نزلت بيه ميجان 2 ... أضاءة العدادات والتابلوه نور أحمر أو برتقانى غامق كدا ... عداد السرعة شمال عداد لفات المحرك يمين
الكاسيت tuner list فى الهاى لاين updatelist .... مثبت السرعة موجود فقط فى الهاى لاين
فى أواخر 2006 ابتدى ينزل الشكل الجديد هو الاختلاف بسيط مش جوهرى فى شبكة الأكصدام من قدام واختلاف طفيف فى الفوانيس الخلفية مع أضاءة لون أبيض للتابلوه وعداد السرعة يمين وعداد لفات المحرك بقى شمال وفيه برضه الشكل الجديد فى 2006 نزل بنفس التابلوه اللى بينور أحمر

بداية من 2007 ..... العربية ابتدى ينزل فيها مثبت سرعة بشكل أساسى فى كل الفئات ... كاسيت update list أيضا ..... الجنوط الاسبور شكلها أتغير ولو أنى بفضل جنوط ال 2005 كانت الخوص بتاعتها أوسع وشكلها أحسن بالنسبة لى
طبعا مع الشكل الجديد اللى هو التعديل على الأكصدام

بالنسبة لل 2008 نفس شكل الأكصدام مع لعب خفيف من تحت فى الحلية بتاع الأكصدام وبقى لونها بنفس لون العربية تقريبا ...... مش عارف الكاسيت بتاعها بيشغل mp3 ولا لأ


يعنى من الآخر العربية الاختلافات فيها مش جوهرية حاجات طفيفة يعنى انا بحب الشكل القديم أكتر مثلا وممكن كمان تغير الأكسدام للشكل الجديد

لكن موتور عفشة شاسيه فتيس واحد
3_متوسط الأسعار مش هقدر أفيدك قوى لأن العربية حسب حالتها وحسب تجهيزاتها
عامة أعلى فئة اللى فيها فتحة سقف بانوراما بيبقى فيها كل الأوبشن اللى بينزل فى ميجان لرينو مصر ... بالأضافة للتجهزيات الأساسية
تكييف تاتش فرش جلد أو فرش جلد فى قماش كنبة خلفية بها كونسول قابل للطى
جنوط اسبور نواكل مرايات ضم
للعلم 2005 و2006 كلها نزلت بمرايات ضم كتجهيز أساسى

أنا شايف إن المانيوال فى العربية دى هيبقى أحسن من الأوتو لأنى أنا بحب المانيوال وعشان 5 غيار وهيريح الموتور أكتر وتسارع أعلى بالتأكيد بس دى حسب رغبتك

بالنسبة للأسعار ممكن تبدأ مثلا ب 58 ألف لل 2005 الحالة الكويسة معتقدش إنها تنزل عن كدا إلا لو حالتها تعبانة ودى هتقرفك
5_ بالنسبة لمبيعات التوكيل زى ما قلت لحضرتك راجع المواضيع المثبتة هما فعلا بيبيعوا مستعمل
ممكن تكلم 16202

شكرا محمد على المعلومات ومجهودك