عاجل 20 الف فرصة عمل بمرتب فوق الالف جنية ولم يتقدم الا 13 الف فقط حتى الان

**Land_Cruiser** · 12-01-2013 09:41 PM

كلام خطير جدا . معنى كده ان فى شباب يفضل القعده فى البيت عن العمل

**ahmed_m_ashraf** · 13-01-2013 12:26 AM

المشاركة الأصلية كتبت بواسطة m707707

يعنى انت عشان بتكرهه مرسى لازم تضلمها فى وش اللى عايز يسترزق يا رجل ؟؟

لازم تشوف اى عيب وخلاص
المهم 20 الف وظيفة ومرتب معقول نوعا ما وبرضة مش لاقيين حد !!

هو إيه دخل مرسي بالموضوع؟!!!

طيب معلش أنا كنت عايز أستفسر من حضرتك إيه مصدر الخبر ده؟ هل فيه لينك رسمي أو كدة؟

المشاركة الأصلية كتبت بواسطة 3mr farrag

استفسار بسيط
هو ماحدش اخد باله من الاعلان مكتوي يجيد القرأه و الكتابه
يعني مطلوب عمال من الاخر يقف علي خط انتاج و مكن

المفروض الواحد يروح يتقدم علشان بيعرف يقرأ و يكتب ولا ايه!!!!
علشان اشتغل صنايعي بعد التعليم الممل ده كله

ومحدش يقولي الشغل مش عيب...انا مش بقول عيب
بس بالعقل كده الواحد يشتغل صنايعي والاقي واحد صاحبي ولا معرفه هو الماسك المصنع و يعاملني بقرف علشان عامل
طيب ما كناش اتعلمنا من اساسه و اكتفينا بالقرايه و الكتابه ونريح دماغنا

اشكري يا انشراح

يافندم - لو الخبر صحيح وفرص العمل متوفرة فعلا (معلش أصل الواحد بيسمع عن الكلام ده كتير .. بيسمع فقط!) - مش المفروض إن كل حد عشان بيعرف يقرأ ويكتب يروح يقدم، بس المقصود إن شرط في المتقدم يكون غير أمي على الأقل. لكن مش مقصود إنك تكون شهاده عليا وتروح تقدم إلا لو فشلت تماما تلاقي فرصة عمل تناسب مؤهلك أو تديك دخل أفضل أو إنك تبدأ مشرع خاص صغير مثلا.

كلنا ممكن يكون في قرايبنا ناس متوسطين الحال أو عندهم أبناء معهاش شهادات عليا وعاطله، إللي يعرف حد يوصله الخبر ينوبه ثواب، بس كده!

**fiat128man** · 13-01-2013 01:50 AM

هي فعلا عمال والاعلان بقاله تقريبا شهر ,,,,,انا بكالريوس تجارة وكنت شغال خراط في مصنع وسبته عشان البرشام ,,,يبقي انت شغال وكل اللي حواليك ضارببين تادول .حسبي الله ونعم الوكيل

**3mr Farrag** · 13-01-2013 02:03 AM

المشاركة الأصلية كتبت بواسطة land_cruiser

كلام خطير جدا . معنى كده ان فى شباب يفضل القعده فى البيت عن العمل

لاانت ماتعرفنيش ولا تعرف انا اشتغلت ايه قبل كده علشان تحكم عليا اني افضل القعده في البيت
مش معني اه كده اروح استغل سباك ولا غطاس مجاري مع احترامي ليهم.
الواحد زهق من الشغل اللي مالوش لازمه ولا بيديك خيره محتاجها مه ولا مرتب يكفي مصارسف ولا كمان قيمه
روح انت اشتغل علي مكن مادام بتعرف تقرا وتكتب وتلاقي واحد معرفه عامل عليك مدير ويعاملك علي انك عامل جاهل و تعالي قولي ايه رايك
هو الواحد ناقص قرف اكثر من اقررف اللي احنا فيه

**misry** · 13-01-2013 01:31 PM

المشاركة الأصلية كتبت بواسطة 3mr farrag

لاانت ماتعرفنيش ولا تعرف انا اشتغلت ايه قبل كده علشان تحكم عليا اني افضل القعده في البيت
مش معني اه كده اروح استغل سباك ولا غطاس مجاري مع احترامي ليهم.
الواحد زهق من الشغل اللي مالوش لازمه ولا بيديك خيره محتاجها مه ولا مرتب يكفي مصارسف ولا كمان قيمه
روح انت اشتغل علي مكن مادام بتعرف تقرا وتكتب وتلاقي واحد معرفه عامل عليك مدير ويعاملك علي انك عامل جاهل و تعالي قولي ايه رايك
هو الواحد ناقص قرف اكثر من اقررف اللي احنا فيه

معلش ... هو انت اتصلت بيهم اصلا علشان تعرف طبيعة الشغل ايه ...؟؟

ازاي تحكم على حاجة من غير ما تعرف عنها أي شيء

اتصل بيهم ولو ما عجبكش الشغل ما تشتغلش ... بسيطة يعني

**3mr Farrag** · 13-01-2013 02:29 PM

المشاركة الأصلية كتبت بواسطة misry

معلش ... هو انت اتصلت بيهم اصلا علشان تعرف طبيعة الشغل ايه ...؟؟

ازاي تحكم على حاجة من غير ما تعرف عنها أي شيء

اتصل بيهم ولو ما عجبكش الشغل ما تشتغلش ... بسيطة يعني

انا اصلا شغال الحمدلله ومش محتاج الشغل ده
انا بتكلم عن الفكره عماتا
غير مش محتاجه يعني اتصال ولا حاجه
اعلان مكتوب فيه يجيد القراه و الكتابه حتا مش كاتب يكون معاه مؤهل متوسط
يعني هيشتغل ايه؟؟؟
محاسب ولا شئون قانونيه ولا في التسويق و المبيعات!!!!!

وياريت الرجاله اللي فاكره نفسها الوحيده الناصحه اللي فاهمه الدنيا و لفه و دايره تنزل من علي ودنا
مش ناقصه فقعه مراره و فقعه حاجات تانيه اكثر ما هما مفقوعينمن البلد و اللي فيها

والاخ اللي بيقولي هو انت علشان بتكرهه مرسي لازم تضلمها!!!
هقولها تاني و ياريت يرد...مال مرسي و سنينه بالموضوع ده
محسسني انه هو اللي فتح المصانع ديه
ما من زمان و بيطلبوا عمال ايه الجديد في كده

معلومه يمكن تفيدك...مش كل واحد بيعارض مرسي وجماعته يبقي بيعارض وخلاص ذي ناس تانيه عرفانها من غير تفكير و يبقي فلول
دانا يا راجل مرشح مرسي في الاعاده يبقي ازاي بعارض وخلاص!!!
و ياريت مرشحته و قاطعت..

و الردود المستفزه كالعاده اللي يقولك كلام خطيييييير و الشباب تفضل القعده في البيت

ياريت كل واحد فاكر نفسه الوحيد المكافح اللي لافف الدنيا يقعد علي جنب و مايوجعلناش دماغنا...مش ناقصها هي
محسسني انكوا عايشين معايا و عارفني و عارفين شغال فين و ايه و بعمل ايه

كل واحد يورينا نفسه بمفهوميته العالميه ديه في تنضيف البلد بدل ما هي واقعه و هتقع زياده و بطلوا استخفاف بعقول الناس