الموضوع: بخصوص زيادة اسعار الحجز لتوكيل بريليانس

السلام عليكم
بعد التحدث لمسئول المبيعات و كان الرد كاالتالي
التسلم الاسبوع اللي جاي علي اللون الفضي لان اللون الرمادي مش موجود حاليا
اما بالنسبة للسعر فهوا ب 150 الف للحجز القديم من شهرين ونص

ولذلك كان ردي عليه كالتالي :
1- يعني انا قعدت 2 شهر ولا شهرين ونص عشان انا تقولي بعدها انه العربية زادت 14 الف جنيه؟؟؟؟؟؟؟؟؟؟؟
ومش كدا وبس للحجز القديم والجديد؟؟؟
2- انا لو سحبت المقدم اللي هوا 30 الف هتيديهولي زي ما هوا ولا بفواايده كان رده انه زي ما هووو؟
قولتله ازاي؟ يعني انت عاوز تاخد مني فرق 14 الف عشان الدولار زاد 60 قرش وانا سايب 30 الف جنيه عندك انت مشغلهم في السوق وانا مش اخد فوايدهم
-3 انا لو كدا كنت اشتريتها بفرق 8 الاف اوفر برايس من اي معرض وباللون اللي انا عاوزه الرمادي في وقتها من شهرين ونص فاتوووا وخلصنا !!!!
4- ارجو بقا من كل اللي حاجزين السيارة واللي مفروض هيستلموا السيارة اليومين دول نتفق علي يوم الاسبوع اللي جاي نروح فيه التوكيل اللي هوا بعد كوبري الاتوستراد دا في اي يوم من 9 ص الي 5 مساء عشان نروح للادارة ونخرب الدنيا لانه كداااااااااااااااااااا استهبااااال ووقف حال جااااااامد

5- ارجوا بقا نلتزم كلنا بالموعد دا وكل واحد يسيب تليفونه علي الخاص عشان ننسق بينا لانه كدا احنا مش هنعرف نشتري اي عربية في الوقت الحالي لارتفاع الاسعار ولاننا حجزنا العربية وادبسنا في ارتفاع الدولار

في انتظار المشاركة الجدية من حاجزي السيارة او حاجزي السيارات الاخر من بريليانس
وفي النهاية عشنا وشوفنا الصيني بقا بينباع ب 150 الف جنيه في مصر المحروسة !!!!!! وشكرررا

يا جماعة والله العظيم انا كنت عارف ان كل ده هيحصل وعشان كده كتبت الموضوع اللى بعنوان أخيرا استلمت السيارة الfsv الاوتوماتيك الفول أوبشن على الموقع وكان قصدى الكل يستفيد ويحسبها صح ويمكن ده اللى خلانى أجازف وأشتريها ب 93000 مع العلم ان السعر اللى انا حجزت على أساسه 89000 والنهاردة حسب اللى فهمتوا منكم انها بتتباع ب99000

انا سحبت الحجز و هشترى حاجة مستعمله افضل

السلام عليكم
تم الاتفاق علي انه في الاخر الاسبوع هذا بين ثلاث اعضاء ان شاء الله
1-أحمد جاد
2-Sameh samir
3- انا

ولو في حد تاني هيجي يا ريت يبلغنا ويسيب رقم تليوفنه علي الخاص
ان شاء الله نروح علي يوم الخميس علي الساعة 11 كدا
شكررا

تم الاتفاق مع الاستاذ Sameh samir ;
وان شاء الله مستنين عدد اكبر لو في حد حاجز عربيات تاني يا ريت يبلغونا عشان نشوف اخرتها ايه معاهم في التوكيل
شكرا

بشري ساررة:
وفي تعاملات البنك الأهلي الرسمية، بلغت العملة الأمريكية مستوى 6.69 جنيه للشراء و6.72 جنيه للبيع
الكلام دا بتاريخ اليوم 4 فبراير
الدولار انخفض لحوالي 10 قروش من ما كان عليه في الايام اللي فاتت
شكرا

انا جي معاكم يوم الخميس

المشاركة الأصلية كتبت بواسطة ahmed zakii

انا جي معاكم يوم الخميس

تمام كدا احنا اربعة
ان شاء الله علي يوم الخميس نروح هناك ونفجر التوكيل داااااااا
علي فكرا في ناس من التوكيل كلمتني و عاوزني اجي استلم اليومين دول
شكل العربيات رطرطت عندهم

ان شاء الله يوم الخميس علي الساعة 10 ص ويا ريت تسيب رقم تليوفنك علي الخاص عشان ننسق بينا
شكررا