ترموستات الكوعة

**ahmad_salama** · 12-01-2013 01:47 PM

نوبيرا اوروبي 97

الي حصل ان المياة كانت بتنقص جامد ولما دورت لقيت ان في تنقيط من عند الكوعه (الالومنيوم). فكيت وخدتها وروحت لبتاع قطع غيار قالي مش موجود غير الفيبر GM قلتله هاتها وكانت ب 85 بالترموستات.

المشكله بقي انا خايف من الترموستات لحسن تقفش. انا عارف ان الترموستات دي مهمه جدا جدا جدا بس برضو لو حصلها مشكله وباظت هيبقي موقف مش لطيف

طيب
1. ايه الي ممكن يخليها تقفش
2. ولو قفشت المفروض اعمل ايه
3. وايه الي المفروض اعمله علشان اتجنب حدوث مشكله في الترموستات دي
4. وهل المفروض انها ليها عمر افتراضي وتتغير كل فتره معينه زي ما اسمع عن طرمبة الميا ولا لاء ؟

**MohammedAladel** · 12-01-2013 02:59 PM

الأصلية بتعمر بس بيجى عليها فترة مع كتر الأستخدام أفتح أقفل أفتح أقفل قرأت موضوع هنا إن جواها شمع برافين بيتسرب مش بتأدى وظيفتها

يعنى ممكن تفضل فاتحة على طول ودا بيخلى الموتور يبرد

ممكن تبقى مقفولة جزئيا ودا يخلى الموتور يسخن

ممكن تبقى مقفولة خالص الموتور هيسخن قوى ودى أخطر حاجة

طبعا أنت متابع عداد الحرارة عندك فى التابلوه

**blazer** · 12-01-2013 03:13 PM

الى اعرفه ان اهم حاجة انك تكون بتحط مياه خضراء
انا عندى حطيتها وبعد حوالى 9 شهور بسبب مياه الحنفية مبقتش تقفل على الاخر والماتور يبرد بسبب تكون املاح عليها
فلو ركبتها وحطيت مياه خضراء ابقى غيرها بإذن الله كل سنه ونصف او سنتين

**ahmad_salama** · 12-01-2013 04:07 PM

المشاركة الأصلية كتبت بواسطة mohammedaladel

ممكن تبقى مقفولة خالص الموتور هيسخن قوى ودى أخطر حاجة

ماهو ده الي انا خايف منه بقي

المشاركة الأصلية كتبت بواسطة mohammedaladel

طبعا أنت متابع عداد الحرارة عندك فى التابلوه

قريت ان لو المياه سخنت واتبخرت يبقي عداد الحرارة ملوش لازمه ف ساعتها باي باي ماتوري

**ahmad_salama** · 12-01-2013 04:08 PM

المشاركة الأصلية كتبت بواسطة blazer

الى اعرفه ان اهم حاجة انك تكون بتحط مياه خضراء
انا عندى حطيتها وبعد حوالى 9 شهور بسبب مياه الحنفية مبقتش تقفل على الاخر والماتور يبرد بسبب تكون املاح عليها
فلو ركبتها وحطيت مياه خضراء ابقى غيرها بإذن الله كل سنه ونصف او سنتين

والله بحط مياه من الحنفيه بس ان شاء الله هروح اغسل الردياتير واحط مياه خضرا علشان مش ناقصه عك