السلام عليكم ورحمة الله وبركاته
أعضاء المنتدى الغالي
نظراً لدافعين اثنين
n احتياجي للنقود
n عدم حاجاتي لهذه الأشياء قط
فقد قررت أن أعرض هذه الأشياء خاصتي
وما يلي هو سرد لتفاصيل الأشياء المباعة
.... كلاكس ....
الكلاكس دا كان راكب ف عربيتي الكيا قبل ما أغيره بواحد دنسو ياباني بتاع التويوتا
طبعاً الكلاكس زيرو لأن تغييره كان بدافع الحصول على صوت أعلى
وأنا من الناس اللي بتحب الكلاكس العالي
العربية كنت شاريها في شهر اتنين 2012
غيرت الكلاكس دا في شهر 4 2012
وبعت العربية في شهر 11 لنفس السنة
الرق بتاعه طبعاً سليم
وأكرر
كل ما في الأمر هو الحاجة لصوت عالي ورنان كصوت التويوتا
السعر: 130 جنيهاً مصرياً
.... لمبتين H4 ....
برضه كانو راكبين في الكيا
خلعتهم علشان أركب اتنين تريفا ألماني تلجي وات أعلى لإضاءة أفضل
طبعاً حالتهم زيرو ونقاء الإزازة بتاعتهم حتى كريستالة
اتشالو من العربية واتحفظوا في علبة الجداد
بياناتهم كالتالي
Osram
Made in germany
12v 60/55w
H4
السعر: 90 جنيهاً مصرياً
.... منفاخ متعدد الأغراض ....
المنفاخ دا شاريه من السعودية منذ 3 سنين لما كنت بعمل عمرة (عقبالكو مرة واتنين و100 بإذن الله)
للأسف اشتريت غيره السنة اللي فاتت وأنا في العمرة برضه واحد بيشتغل على البطارية و 2 بيستون
ليه بأه
لأن دا لسة لاقيه من شهر واحد بس في الشنطة فوق الدولاب
كنت ناسيه في شنطة السفر وعمال أدور عليه في أنحاء الشقة كلها
لحد ما كنت يأست واعتقدت ان أنا أو الجماعة أهديناه لحد
المهم
المنفاخ بضغطة القدم
ولم يستخدم قط
يصلح للسيارات والدراجات والعوامات والكور
جاي معاه بتوعتين كدا ف كيس وصلتين لمختلف أنواع الفالفات (بالف)
مرفق بيه المقياس بتاع الضغط
ميزته في حجمه و انه بينجز
قوم بيه الفردة في السريع من غير وصلات
السعر: 85 جنيهاً مصرياً
.... موديوليتور ممتاز ....
الجهاز كنت جايبه برضه من السعودية السنة اللي فاتت دي
صيني آه بس بصراحة ممتااااز
كإعتمادية وكخامة وكمميزات وكتصميم
الجهاز فيه شاشة إل سي دي ملونة
بيشغل الآتي
صوت إم بي ثري
فيديو إم بي فور
ملفات كتابية تي إكس تي
صور جي بي إي جي
الشاشة 2 بوصة بتحكم في سطوع الألوان
الجهاز مبرمج بطريقة ممتازة تسهل التعامل معه
إيكولايزلر
إعدادات تشغيل مسارات
وإعدادات لتشغيل الجهاز نفسه
وإعدادات خاصة بالشاشة
الشاشة بدون خدوش نهائيا والجهاز كمان
بياخد صوت ب كابل 3.5 مللي
أو إس دي ميموري كارد
دا غير ان جواه إنترنال ميموري 4 جيجا
بتوصله بالكمبيوتر عن طريق كابل للوصول للميموري
التعامل من الجهاز نفسه سهل بواسطة لف البكرة والضغط عليها وكذا
مرفق مع الجهاز ريموت باللزقة بتاعته لأن مستخدمتوش وبفضل التعامل السهل من الجهاز
مرفق أيضاً كابل ميني يو إس بي الخاص بتوصيل الجهاز بالكمبيوتر
سبب البيع: """ احتياج الفلوس
""" كان جالي هدية بمناسبة العربية الكيا لما اشتريتها الموديوليتور بتاع راديو شاك
طبعاً الهدية مينفعش أبيعها
غير ان اللي جايبهالي بيركب معايا بإستمرار وهيحس لو اتباع
السعر: 105 جنيهاً مصرياً
.... راوتر إتصالات ....
الراوتر دا معايا من أول ما اتصالات نزلت خدمة الإنترنت
الشكل الأولاني خالص
شغال زي الفل
المشكلة إني وصلت نت من فودافون لأن تغطية اتصالات في السنترال بتاعي زي الزفت
الجهاز وايرلس و 4 بورت كابل
محدث لآخر سوفت وير
و أعتقد السوفت الجديد هذا يخليه يشتغل على أي شبكة
السوفت الجديد دا أنا منزله من موقع زد تي إي نفسه
عامة بعد تحديث السوفت شغال اتصالات عادي.. وأعتقد يشتغل على أي شركة تانية كمان بشرط ضبط الإعدادات الخاصة بكل شركة
دا لأن السوفت الجديد مش نازل تبع إتصالات
نازل ب اللوجو بتاع زد تي إي عادي جداً
حصل مرة بس من سنة كدا عاصفة ترابية وكنت برا البيت والشباك مفتوح ودخل الجهاز تراب
طبعاً كان شغال عادي
بس التراب لو رطب هيعمل توصيلة
قمت شيلت ال 4 كوتشات فوق المساميل وفكيتهم ونفخت ب البلاور
إنما للأمانة لم يحدث خلاف ذلك
السعر: 90 جنيهاً مصرياً
.... كيبورد وماوس وايرلس ....
النوع تايجر
صناعة صيني طبعاً
لوحة المفاتيح زراير بروفايل قليل لمزيد من النعومة
ماوس ديزاين ممتاز ومتعدد الوظائف والأزرار
اللوحة مالتيميديا
طبعاً محدش يسألني عن وظايف أزرار الماوس
لأني كنت جايبها وملحقتش أستخدمها
لأنها متوافقة مع ويندوز سيفن فقط
ولما بحتاج أنزل نسخة مش بتقرأ على ال دوس
وأنا بطبيعتي بنزل نسخ بشكل أسبوعي
للأمانة: لم تستخدم غير أول مرة فقط بعد ما نزلت النسخة
والراجل مرضاش يرجعها
اضطريت أركنها في علبتها
والله كمان البطاريات هتلاقيها كاملة كلها
السعر: 105 جنيهاً مصرياً
.... محفظة رجالي ....
بإختصار: كنت قايل لإبن عمي وهو نازل من البوسنة يجيبلي محفظة معاه وأحاسبه عليها
جابها بس تصميمها معجبنيش من ناحية الكبسونة دي
أنا بحتاج حاجة سريعة مش كبسونة أفك وأضغط كل ما أفتح المحفظة
هي مكتوب عليها ليفي'س
بس شكلها كدا صيني
عامةً هي خاماتها زي الفل
ولم تستخدم وفي علبتها من أول امبارح
لأنه واصل من أسبوع كدا
السعر: 30 جنيهاً مصرياً
ومجاناً لمن يشتري 3 معروضات
.... موبايلي ....
6700 سلايد
سيمبيان الإصدار الثالث
كاميرا 5
حالة ممتازة مع بعض الخدوش الخلفية والجانبية
الشاشة بها خدش وحيد في المنطقة السمراء في الأعلى وليست أمام الشاشة
عيوب
الحتة البلاستيك اللي بتقفل على فتحة يو إس بي اتقطعت من كتر لعبي فيها قمت رميتها
الكفر الألومنيوم الخلفي محتاج يتغير لأن فيه بنزين كنت بعدلهم واتقطمو
الجهاز متفتحش خالص
جاي زيرو من سنة ب 1175
لم تظهر أية أعطال حتى الآن
معاه العلبة بكامل المشتملات وممكن تلاقو الضمان لسة شغال كمان بموجب الفاتورة المرفقة
طبعاً من بعده هتقشف و أشيل الموبايل الأبيض و اسود
السعر: 300 جنيهاً مصرياً
و 260 جنيهاً لمن يشتري 3 معروضات
.... جوان إزاز أمامي ....
الحكاية كالتالي
اتكسر الإزاز اللي قدام بتاع كورولتي بعد ما كان مشروخ ييجي 100 شرخ بس
كنت متوجه للقاهرة وقتها
قمت خاطف رجلي لفرع أبو رواش في ساعتها
على ما وصلت قالولي لا الإزاز موجود ولا الجوان موجود
والإزاز هنجيبهولك من فرع التجمع بعد بكرا
انما الجوان هنعمل بيه طلبية من اليابان وهيتأخر علشان الشحن
أو هندورلك عليه عند أحد موزعينا المعتمدين
سعادتك عارف ان الإزاز لازم يتغير بالجوان حتى لو القديم طلع سليم
أنا دافع في الإزاز 2270 جنيه علشان أجيب حاجة محترمة لأني بحب عربيتي وباخد بالأسباب
فا مش معقول هجيب جوان مش أصلي على إزاز بالتمن دا وألاقيه بيسرب بعدها وللا يحصل أي حاجة
المهم لما كلموني وقالولي الإزاز جه
قالولي تعال بكرا ركبه
قلت ماشي
وقد كنت تواصلت مع مدير قطع غيار القصراوي علشان يشوف البارت نمبر بتاع الجوان موجود عنده وللا لأ
وكنت واخد البارت نمبر من فرع تويوتا إيجيبت أصلاً
لقاه بقى المدير في فرع القصراوي للصيانة في أبو رواش وطلبهولي وجه فرع طنطا واستلمته
المشكلة ان وأنا رايح متحرك من المنوفية متجه لأبو رواش علشان أركب الإزاز من عندهم والجوان من معايا
وأنا عالمحور وبعمل مكالمة للبيت افتكرت اني نسيت آخد الجوان معايا
والله اللي حصل إني رحت وربنا ستر إن كان فيه جوان وحيد في كل فروع تويوتا إيجيبت بس كان محجوز وصاحبه مجاش قمت مركبه
ورجعت البيت ومكنش ينفع أرجع الجوان اللي معايا دا تاني لأستاذي في القصراوي لأني غلبته معايا تليفونات وأرقام شاسيه وكدا علشان يجيبه
استعيلتها بصراحة ولبست أنا الجوان ب 220 جندي
الجوان معروض بسعر 150 جنيهاً مصرياً
ممكن لو هتغير الإزاز تاخده
أو تاخده تعينه عندك لحين التغيير
أنا مش هركنه أنا لأن لو الإزاز دا اتكسر تاني هبيع العربية على حالتها
وبما إنه مادة كاوتش أو جلد
فا أحب أطمنكوا إنه مشترى بتاريخ 3/12/2012
يعني بحالته وف كيسه والله من ساعتها
اللي هيشتري الجوان بس هياخد معاه المحفظة مجاناً
أو هياخد الخط مقابل 10جنيهاً + مصاريف نقل الملكية
.... خط فودافون برقم إتصالات مميز ....
الرقم 0111.97.83338
معايا منذ زمن بعيييييييد
بقالي سنتين بس راكنه ومشغل الجديد الدائم
وبفتحه بس كل شهرين أخطف منه دقيقة وللا مكالمة كدا علشان ميتقفلش
حولته منذ 3 أشهر لشبكة فودافون
أصبح رقم إتصالات بشبكة وشريحة فودافون
البيع والتسليم للخط دا بموجب عقد نقل ملكية في أي فرع من فروع فودافون
تقريباً نقل الملكية ب 25 جنيهاً
الخط على نظام الكارت
متقلقش ان حد يتصل بيك بدافع إن دا رقمي لأن محدش يعرفه غير أصدقاء الثانوي ودول كلهم ماتو
البقاء لله
السعر بأه: 60 جنيهاً شاملة مصاريف نقل الملكية
و 15 جنيهاً بالإضافة لمصاريف نقل الملكية لمن يشتري ثلاث معروضات
الصور سأرفقها بالمشاركة القادمة لكافة السلع
البيع بالمنوفية (شبين الكوم)
الغربية (طنط)
الإسكندرية (من أبو قير للقلعة)
في الفترة ما بعد 25 يناير فقط
الأسعار ليست نهائية وأقبل الفصال المعقول
من حصل على سلعة مجانية أو مخفضة بشراؤه 3 معروضات فلا يحق له أن يستفيد بعرضين
تم رفع الصور على ميديا فاير وتم الإنتهاء من الرفع وجاري إرفاق الصور بالمشاركة القادمة
للتواصل
المشاركات وليست الرسائل الخاصة أو رسائل الزوار
أو عبر الموبايل: 01069111925
(( شكراً للسادة الأعضاء لحسن المتابعة ))
J J J