معاناة فى تجديد الترخيص وتنبيه هام

السلام عليكم ورحمة اللهكنت عايز احكيلكوا حاجة بسيطة يمكن تنفع حد
انا شغال امبارح night shift من 5 مساء حتى اليوم 8 صباحا لقيت نفسى امام المرورقولت اجدد بالمرة"انا شغال على تصريح مؤقت 3 شهور-لحين ورود الملف"
بعد ساعة الحمد لله الملف موجود الساعة 10:30 الرخصة طلعت .............طبعا انجاز
ايه ده رقم الموتور غلط......
نروح ونرجع تانى المهم الخروج من المرور الساعة 01:00
لكم ان تتخيلوا منظر العبد لله وكم الارهاق بعد الشغل
اهم حاجة حبيت انبه على انك لازم تراجع بيانات الرخصة كويس
...................الحمد للـــــــــــــــه.............. ...........

احمد ربنا انك خلص فى يوم
اخويا عمال ما غير رقم المتور ونقل من مرور لمرور خد اسبوعييين

معلش هو مشوار المرور ده لازم يبقى متعب ملوش حل و ده سواء المرور مليان او فاضى. فعلا بيغلطوا فى رقم الموتور و احيانا رقم الشاسيه و احيانا أخرى الاسم و لازم الواحد يراجع البيانات كلها قبل ما يمشى من هناك

انا عايز اسئل سؤال بس خايف الاجابه تصدمني
ان مغير موتور من سنه ونص ومش ثبت الموتور الجديج على الرخصه
لاان كانت الرخصه ساريه ومش ليا صبر لوقفه المرور

في اي مشاكل انا مفروض عندي تجديج الشهر ده والفحص ٢٠١٤
يعني ورق الموتور بفضل موجود ولا ربنا يستر من الاجابه الثانيه

اللي قرفاااان من موضوع الزحمه ده بجد يخلي الرخصه باسم والدته زوجته
انا والدتتي بتدخل الشباك ف دقيقه وطابور الرجاله ببقى فيه ٢٠٠ واحد تقريبا
ربنا يعين الجميع

كلنا ذكلك الرجل ده العادى بتاع المرور لو معكش وسطه

^_^

هية بتختلف على حسب المرور يعنى انا مثلا مرور عين الصيرة , بروح اجدد الحمد لله بدون واسطة او اى حاجة , الرخصة بتطلع بدون اخطاء من الساعة 10 صباحا الى الساعة 1 مساءا ودة وقت مش وحش

وانا لسة بردة مجدد رخصة القيادة الصراحة طلعتها فى ساعة بالظبط ويمكن اقل كمان وبدون تكلفة مصاريف اضافية

على فكرة انا مابديش حد رشوة عشان يمشيلى ورقى , انا ضد الرشوة تماما

انا مرة الموظف اللى على الشباك بيقولى الشاى بتاعنا وكل سنة وانت طيب قولتلة وانت طيب , وعملت نفسى من بنها , فبيقولى الشاى ياباشا ( قولتلة فية حاجة ناقصة فى الورق ) قالى تماما قولتلة طيب خلصنى عشان انا ورايا شغل , سكت وقطم الكلام وادانى ورقى ومشيت

لسه النهاردة واخد تصريح 3 شهور زيك لحين ورود الملف وأول حاجة عملتها راجعت رقم الشاسيه ورقم الموتور

فعلا أنا تعبت جدا انهارده في المرور :|:|

اقتباس:

---

المشاركة الأصلية كتبت بواسطة mohammedabdallh

احمد ربنا انك خلص فى يوم
اخويا عمال ما غير رقم المتور ونقل من مرور لمرور خد اسبوعييين

---

طبعا الحمد لله على كل شىء
بس لما يكون الروتين العادى حاجة ولما تكون غلطة مش بتاعنك حاجة تانية
وعامة انا عديت على كل الللى حضرتك بتقوله بمعنى ان ورقى من مراجع الى الكومبيوتر على طول خد كل الوقت ده وطبعا انا عارف ان فى ناس بتعمل اكتر من كده بكتير
برده ومن قلبى بصدق .......الحمد لله الذى لايحمد على مكروه سواه

أنا الحمد لله لسة مجددة الرخصة وناقلة الملكية
والموظفة اللي على الشباك خدمتني لوجه الله - بدون مقابل - ( جزاها الله خيراً ) إنها أدتني الرخصة مش مؤقتة لحين ورود الملف وحتى تاريخ التجديد القادم
والموضوع دا وكل مواضيع المصالح الحكومية حظوظ - مرة كويس ومرة مش كويس
بس أنا مراجعتش رقم الموتور ورقم الشاسية - هحاول أدور على أي صورة للتاكد
وشكراً جزيلاً