معاناة فى تجديد الترخيص وتنبيه هام

**Ahmed Nasr** · 12-01-2013 07:15 PM

السلام عليكم ورحمة اللهكنت عايز احكيلكوا حاجة بسيطة يمكن تنفع حد
انا شغال امبارح night shift من 5 مساء حتى اليوم 8 صباحا لقيت نفسى امام المرورقولت اجدد بالمرة"انا شغال على تصريح مؤقت 3 شهور-لحين ورود الملف"
بعد ساعة الحمد لله الملف موجود الساعة 10:30 الرخصة طلعت .............طبعا انجاز
ايه ده رقم الموتور غلط......
نروح ونرجع تانى المهم الخروج من المرور الساعة 01:00
لكم ان تتخيلوا منظر العبد لله وكم الارهاق بعد الشغل
اهم حاجة حبيت انبه على انك لازم تراجع بيانات الرخصة كويس
...................الحمد للـــــــــــــــه.............. ...........

**mohammedabdallh** · 12-01-2013 08:06 PM

احمد ربنا انك خلص فى يوم
اخويا عمال ما غير رقم المتور ونقل من مرور لمرور خد اسبوعييين

**AHMED_HAMDY** · 12-01-2013 08:34 PM

انا عايز اسئل سؤال بس خايف الاجابه تصدمني
ان مغير موتور من سنه ونص ومش ثبت الموتور الجديج على الرخصه
لاان كانت الرخصه ساريه ومش ليا صبر لوقفه المرور

في اي مشاكل انا مفروض عندي تجديج الشهر ده والفحص ٢٠١٤
يعني ورق الموتور بفضل موجود ولا ربنا يستر من الاجابه الثانيه

اللي قرفاااان من موضوع الزحمه ده بجد يخلي الرخصه باسم والدته زوجته
انا والدتتي بتدخل الشباك ف دقيقه وطابور الرجاله ببقى فيه ٢٠٠ واحد تقريبا
ربنا يعين الجميع

**SAMEH_FOUAD** · 13-01-2013 09:14 AM

هية بتختلف على حسب المرور يعنى انا مثلا مرور عين الصيرة , بروح اجدد الحمد لله بدون واسطة او اى حاجة , الرخصة بتطلع بدون اخطاء من الساعة 10 صباحا الى الساعة 1 مساءا ودة وقت مش وحش

وانا لسة بردة مجدد رخصة القيادة الصراحة طلعتها فى ساعة بالظبط ويمكن اقل كمان وبدون تكلفة مصاريف اضافية

على فكرة انا مابديش حد رشوة عشان يمشيلى ورقى , انا ضد الرشوة تماما

انا مرة الموظف اللى على الشباك بيقولى الشاى بتاعنا وكل سنة وانت طيب قولتلة وانت طيب , وعملت نفسى من بنها , فبيقولى الشاى ياباشا ( قولتلة فية حاجة ناقصة فى الورق ) قالى تماما قولتلة طيب خلصنى عشان انا ورايا شغل , سكت وقطم الكلام وادانى ورقى ومشيت

**abo-berry** · 14-01-2013 01:40 AM

فعلا أنا تعبت جدا انهارده في المرور :|:|

**Ahmed Nasr** · 14-01-2013 10:33 AM

المشاركة الأصلية كتبت بواسطة mohammedabdallh

احمد ربنا انك خلص فى يوم
اخويا عمال ما غير رقم المتور ونقل من مرور لمرور خد اسبوعييين

طبعا الحمد لله على كل شىء
بس لما يكون الروتين العادى حاجة ولما تكون غلطة مش بتاعنك حاجة تانية
وعامة انا عديت على كل الللى حضرتك بتقوله بمعنى ان ورقى من مراجع الى الكومبيوتر على طول خد كل الوقت ده وطبعا انا عارف ان فى ناس بتعمل اكتر من كده بكتير
برده ومن قلبى بصدق .......الحمد لله الذى لايحمد على مكروه سواه

**friendship7897** · 14-01-2013 11:28 AM

أنا الحمد لله لسة مجددة الرخصة وناقلة الملكية
والموظفة اللي على الشباك خدمتني لوجه الله - بدون مقابل - ( جزاها الله خيراً ) إنها أدتني الرخصة مش مؤقتة لحين ورود الملف وحتى تاريخ التجديد القادم
والموضوع دا وكل مواضيع المصالح الحكومية حظوظ - مرة كويس ومرة مش كويس
بس أنا مراجعتش رقم الموتور ورقم الشاسية - هحاول أدور على أي صورة للتاكد
وشكراً جزيلاً