الموضوع: تجربتي مع منظف انجيكشن ليكوي مولي

المشاركة الأصلية كتبت بواسطة mohammedaladel

أهو قلت أشوفها كام سلندر لأن أعرف مثلا إن ال 4 سلندر مع 16 صباب كل بستون بيبقى فوقيه 4 صباب

فقلت بما إن دى 12 مع سعة لترية قليلة قلت يبقى لو على كل بستون 4 صمام يبقى 3 سلندر فقط

قلت أتأكد بس مش أكتر

لا تمام يا باشا كلامك صحيح 100%
و فيه 4 سلندر 12 صمام كل سلندر 3 اتنين منهم تقريبا ان-تيك و واحد اكزوست
و فيه 6 سلندر 12 صمام كل سلندر 2 واحد ان-تيك و واحد اكزوست :)
عايزين نكبر الموتور ده بقي هههههههه

المشاركة الأصلية كتبت بواسطة mohammedaladel

بالعكس أنا بحب المواتير الصغيرة بشكل عام خصوصا لما تبقى شاب ولسة معندكش أسرة وعايز عربية أقتصادية على قدك

يا باشا حضرتك فاكر اني معترض ؟ بالعكس انا فضلت الالتو ع الفيرنا و اللانوس :)

لو حضرتك بتحطه بشكل دوري غالبا مش هتحس بفرق لأن الموضوع هيبقي زي العربية الجديدة و شخص حطه ع اول 10-20 الف مش هيحس بفرق لسه لرشاشات و الدورة نضيفة
بس فيه نقطة للأسف فيه انواع مضروبة يعني انا كنت بحط stp و مرة جبته معملش اي حاجة استغربت فجبته من سمايل في وطنية زي ما متعود بان التأثير تاني فطالما دخلنا في دائرة ممكن أصلي و ممكن مضروب و انا و نصيبي قولت اجرب نوعية جديدة طالما ليها موزع معتمد و هي ليكوي مولي فعلا حسيت بفرق بس مقدرش اقولك ديه النتيجة النهائية انا لسه في التفويلة التانية و هشوف كمان تفويلتين تلاتة ايه الاخبار لأن العلبة تكفي حوالي 70 لتر يعني تانكين عندنا لكن بعد ما اخلص الاتنين و ادخل في التالت و الرابع هيبان العربية لسه ادائها كويس و لا رجعت تاني و لا كأني حطيت حاجة :) بس لما نقطة وقعت ع ايدي و نقطة نطت ع وشي حسيت بحرقان رهيب فلما نشوف التفويلة الجاية ان شاء الله :)

و ممكن حضرتك تجربه المرة الجاية و تقولنا ايه الاخبار