جهاز التتبع . GPS trackerارجو من الاعضاء قول تجربتهم

**mado83** · 14-03-2013 03:46 PM

المشاركة الأصلية كتبت بواسطة horas3000

احنا عندنا في الشركة مركبينه في العربيات
الشركة المورده كويسه و بتدي ضمان سنه و بيركب في نص ساعة بالظبط
بس سعره غالي شويه الجهاز عامل 3000 جنيه
و في اشتراك 25 دولار في السنه لاستخدام الموقع (بتاخد اكونت مخصوص ليك) و 25 جنيه شهريا رصيد للخط المحطوط في الجهاز (20 نت و 5 للرسائل)

الجهاز صيني طبعا بس خاماته نظيفه جدا و مصمم لاحتمال درجات حراره عاليه
الجهاز ميزته انك بتعرف العربية فين بالظبط و ماشيه علي سرعه كام و شغاله او لا
و عندك امكانيه متابعه مسار العربيات من ساعه ما الجهاز ركب لانه بيسجل كل ده في الموقع و ممكن تسترجعه في اي وقت

طبعا احنا بشكل عام بنستخدمه لمراقبه السواقين و اسلوبهم في القياده
لان من الموقع فيه كام تقرير ممكن تستفيد منه

في طبعا امكانيه انك تبعت للجهاز رساله عشان تفصل العربية او من الموقع
و فيه زرار مخفي لو السواق حس بخطر يدوس عليه يبعت رساله استغاثه
و فيه برضه سنسور يشتشعر العربية لبست مطبات او اي اهتزاز نتيجه لخبطه او محاوله اقتحام و بيبعت رساله و بيبان علي الموقع
ده بالاضافه انك لو اتصلت بالخط الموجود في الجهاز تسمع كل اللي بيدور في العربية

اه و في app للاندريود نقدر تعمل فيه كل ده
و بيقولوا نازل للاي فون قريب

شريف بيك
كل اللى حضرتك قولته بالضافه الى ان الموقع اول سنه مجانا اعرف شركه بتركبه ب1000ج فقط لو حبيت معلومات اكتر كلمنى مانتا عارفنى فى الحاجات دى مابسكتش وبفضل الف واجيب اخر الاسعار

**horas3000** · 15-03-2013 02:17 PM

المشاركة الأصلية كتبت بواسطة mado83

شريف بيك
كل اللى حضرتك قولته بالضافه الى ان الموقع اول سنه مجانا اعرف شركه بتركبه ب1000ج فقط لو حبيت معلومات اكتر كلمنى مانتا عارفنى فى الحاجات دى مابسكتش وبفضل الف واجيب اخر الاسعار

محمد باشا
عامل ايه يا زعيم
بص يا باشا احنا برضه دورنا و جالنا عروض اقل من 1000 كمان
بس شكل الاجهزة و تقفيلها مش زي اللي احنا ركبناه ده
و ناس كتيييييير قالوا لنا اننا اتضحك علينا و بتاع بس احنا مستريحين مع الجهاز و مع الشركة و الناس محترمين بصراحه
كمان خلاص الفاس وقعت في الراس و الجهاز ركب في العربيات بالفعل

المشكله اني مش جايلي قلب اركبه في عربياتنا الملاكي
مش طالبه معايا لعب فيهم

**amr00** · 18-03-2013 08:06 AM

المشاركة الأصلية كتبت بواسطة mado83

اى حد محتاج التراكر علشان السرقات يبقى مش هيكون محتاج منه غير انه لا قدر الله لو العربيه اتسرقت يعرف مكانها
ولازم على فكره ان التركار يكون مشحون برصيد سواء اتصالات او موبينيل او فودافون على حسب السم كارد اللى هتجيبه
وبعدين بتعبت للجهاز رساله تقوله where
يرد عليك باحداثيات المكان تدخلها على جوجل ايرث يقولك المكان فين
ولكن برضو العيب الوحيد ان مافيش اب دات بيحصل من الحكومه للجوجل ايرث
بس فى المجمل دى حاجه كويسه جدا
والسعر ب850ج شامل التركيب

السلام عليكم

ممكن بعد ازنك معلومات اكتر عن الجهاز

زى الموديل
ومكان الشركه او المكان اللى بيبيعو
هو الجهاز اللى بتتكلم عليه حضرتك شبه موس الكمبيوتر كده

**mado83** · 18-03-2013 08:21 AM

المشاركة الأصلية كتبت بواسطة amr00

السلام عليكم

ممكن بعد ازنك معلومات اكتر عن الجهاز

زى الموديل
ومكان الشركه او المكان اللى بيبيعو
هو الجهاز اللى بتتكلم عليه حضرتك شبه موس الكمبيوتر كده

لآ ده شبه الهارد الاكسترنال ومكانهم بمدينه نصر

**mado83** · 18-03-2013 08:23 AM

المشاركة الأصلية كتبت بواسطة horas3000

محمد باشا
عامل ايه يا زعيم
بص يا باشا احنا برضه دورنا و جالنا عروض اقل من 1000 كمان
بس شكل الاجهزة و تقفيلها مش زي اللي احنا ركبناه ده
و ناس كتيييييير قالوا لنا اننا اتضحك علينا و بتاع بس احنا مستريحين مع الجهاز و مع الشركة و الناس محترمين بصراحه
كمان خلاص الفاس وقعت في الراس و الجهاز ركب في العربيات بالفعل

المشكله اني مش جايلي قلب اركبه في عربياتنا الملاكي
مش طالبه معايا لعب فيهم

يابرنس البرانيس يامتبرسن
واحشنى جدا
على فكره العربيات القديمه بيركبها على ضفيره الكهربا والعربيات الجديده بتركب على طرمبه البنزين
ومافيش لعب ولا حاجه وبعدين الواحد هيخاف على انه يأمن عربيته يعنى هتخاف انه يقطعلك فرده سلكه ومش هتخاف لاقدر الله ان العربيه كلها تتاخد وماتعرفش مكانها

**amr00** · 18-03-2013 08:48 AM

المشاركة الأصلية كتبت بواسطة mado83

لآ ده شبه الهارد الاكسترنال ومكانهم بمدينه نصر

معلش يا فندم هتقل عليك واتكلم معاك شويه . عشان واضح ان حضرتك فاهم فى الاجهزه دى.

بص يا فندم هو ميزه الجهاز اللى انا رافع صوره ليه انو من غير اسلاك ظهره او اريل او لمبه

وهو بيشتغل بنظام يبتعلك الرساله فيها الاحدثيات والسرعه تقريبا نفس الجهاز اللى اتكلمت عليه
وملوش موقع تتبع .
ومن فضلك كنت عاوز العنوان واضح ورقم الشركه . واسم الجهاز والموديل بتاعه
. عاوز اخد رائيك انا شايف ان نظام الرسايل ممكن الرسايل متوصلش او تتاخر . اما لو بنظام الاتصال زى الاجهزه المصرى اعتقد انو افضل

MEITRACK_MVT100 User Guide V2 0 تقريبا سعر الجهاز ده 1000 جنيه او اقل

شكرا لسعه صدرك .

**mado83** · 18-03-2013 09:57 AM

علشان اكون امين مع حضرتك الشركه اللى اتكلمت معاها بخصوص الجى بى اس تراكر ده برضو بدون لمبه ولا انتينه ولا اى حاجه ومش هيدولك اى معلومه علشان ماتعرفش المصدر بتاعهم كل شيخ وليه حركاته
وللعلم كل الجى بى اس اللى فى السوق صينى
وموضوع الرسايل ممكن حضرتك تشحن الكارت عن طريق شحن على الهوا فى حاله لا قدر الله لو العربيه اتسرقت علشان يبعتلك الاحداثيات ولو فى اى استفسار كلمنى 01066656574

**horas3000** · 18-03-2013 11:50 AM

المشاركة الأصلية كتبت بواسطة mado83

يابرنس البرانيس يامتبرسن
واحشنى جدا
على فكره العربيات القديمه بيركبها على ضفيره الكهربا والعربيات الجديده بتركب على طرمبه البنزين
ومافيش لعب ولا حاجه وبعدين الواحد هيخاف على انه يأمن عربيته يعنى هتخاف انه يقطعلك فرده سلكه ومش هتخاف لاقدر الله ان العربيه كلها تتاخد وماتعرفش مكانها

ما انا عارف يا زعيم
و الناس قالوا لي كده بالظبط
بس انا خوفي الطرمبه يحصلها حاجة بسبب الجهاز و اكون في حته مقطوعة و اتاخد انا و العربية ههههه