الموضوع: خبر يكسف لمحبي فيات

وماله مش عيب

ما دي برضة شركة فيات مش بي ام دبليو

و زمان كان انتاج فيات فية الفيات 500 اللي هي قد النانو تقريبا برضة
هههههههههههههههههههه

وقعت قلبي يا احمد باشا
انا قولت فيات باعت شركه فيراري لتويوتا و لا حاجه هههههههههه
بالنسبه للنانو لو فيات سوقتها حتنجح
انت عارف طبعا ان فيات استاذه في العربيات الصغيره:)

على فكرة التاتا شركة جامدة جدا و الهند من الدول إلي إتقدمت أوي في الصناعة دي و بتركز في عمل عربيات رخيصة و محترمة.

عندي في المشروع الي معايا فالشغل تاتا دوبل بيك أب العربية وحش و مكيفة كمان عيبها الوحيد إنها خشنة جدا (دبابة بجد يعني) مقارنة بأي بيك أب تاني بس مع الأخذ في الاعتبار إنها أرخص 20000 من أرخص بيك أب تانية.
http://tatanano.inservices.tatamotor...181&Itemid=202

النانو حل عبقري و في رأيي الشخصي أذكى من السمارت إلي أد الحق و غالية دي أد الحق بس تمنها رمزي.

المشاركة الأصلية كتبت بواسطة hazem_khidr

وقعت قلبي يا احمد باشا
انا قولت فيات باعت شركه فيراري لتويوتا و لا حاجه هههههههههه

فيراري إيه الشركة الفاشلة اللي تويوتا تفكر فيها ديه يا سنيور
بهزر طبعا ......متهيألي فيات ممكن تبيع ايطاليا نفسها و لا تبيع فيراري (يعني تروح بلد تانيه)

المشاركة الأصلية كتبت بواسطة Chicco

فيراري إيه الشركة الفاشلة اللي تويوتا تفكر فيها ديه يا سنيور
بهزر طبعا ......متهيألي فيات ممكن تبيع ايطاليا نفسها و لا تبيع فيراري (يعني تروح بلد تانيه)

اصل كانت شركه تويوتا ايام زمان عاوزه تشتري شركه فيراري علشان تبقي الواجه الرياضيه بتاعها لتكتمل الصوره
لكن فيات في عز ازمتها ما وافقتش و راحت تويوتا عملت فريق الفورمولا واحد بتاعها من كام سنه كده و لسه فريق خايب مش بيحقق انجازات
لكن تقول ايه بقي بيحبوا يكابروا و خلاص
بس فرحت ان دا ما حصلش لاني كنت حبقي مضايق مووت علي السياره الحمراء المتقدمه و الحاصله علي ارقام قياسيه في البطولات لو اتحط عليها علامه تويوتا في المقدمه بدلان من علامه فيات;)