الموضوع: استفسار عن صوت دبة فى الدبرياج

المشاركة الأصلية كتبت بواسطة mostafabakry

عليك و علي التوكيل و ما بيكشفوا عالعربية و يعملوا الللازم و ما تستلمش الا و المشكلة محلولة و متوصفة في تقرير الصيانة

متشكر على ردك ان شاء الله ده اللى هعملة بس علشان محدش يلعب علية ويقولى طبيعي ولة لسة هتلين علشان جديدة حابب اعرف السبب وان امكن اية الحل ياريت لو رجالة المنتدى تفيدني

اية يا رجاااااااالة مفيش مساعده :)

الحمد لله بالصدفة عرفت السبب , بعد ما لقيت ان رفع الدبرياج ما جبش نتيجة قولت ارجع الوضع زى ما كان المهم فعلا خفيت الشد على الدبرياج علشان الدواسة تنزل خصوصا انها بقت متعبة قوي فى الاستخدام بعد ما عليت وبالصدفة الدواسة نزلت منى سنة عن الوضع الطبيعي ولما ركبت العربية اجرب لقيت الصوت خف شوية روحت نازل ومريح الدبرياج شوية كمان وفعلا بعد ما جربت لقيت الصوت راح وصوت الغيار بقى سلس وطبيعي ’ متشكر للرجل الوحيد اللى ساهم معايا فى الموضوع ولكل اللى قراه كمان :)

المشاركة الأصلية كتبت بواسطة mostafabakry

طيب الحمدلله ان المشكلة اتحلت
بس ممكن تقولي انت ازاي بتعلي و بتوطي الدبرياج ؟؟؟
و ليه عليته من الاول اصلا ؟؟

تحياتي

من عيني بكرة هصورها وارفع لحضرتك مكان الرجلاش هو من قدام العربية من فوق يعني كانك واقف قدام العربية وبتبص على علبة زيت البور هي تحت لورة شوية صمولة صغيرة بتحلها او تربطها زى ما تحب , بالنسبة لية عليت الدبرياج كنت معتقد ان الدبرياج لو علي هيبقى المسافة اللى الدبرياج بيقطعها علشان يفصل الدسك عن الاسطوانة هيكبر وبالتالى هيكون تحكمى في اني اسيب رجلى من علية شوية شوية يبقى اسهل يعني مش هتبقى المسافة الاجمالية صغيرة فمأضطرش اني اشيل رجلية حبة حبة بس فى الاخر طلع الموضوع والله اعلم بالمقلوب يعني الدبرياج بقى بيبعد الدسك عن الاسطوانة جامد فبالتالى لما بيرجع بيخبطو بعض والله اعلم ولو فى حد من المتخصيصين بيقرا الموضوع ياريت يفيدنا الكلام دة صح ولا لأ.