صوت غريب فى محرك بيجو 508

**محمودابوالفتوح** · 13-01-2013 11:28 AM

انا اشتريت بيجو 508 من قطر ولقيت صوت غريب فى المحرك بعض الزملاء قالوا ده صوت التكيهات بس انا مش عارف ايه ده بالظبط ورحت التوكيل خدوا العربيه ولما جيت استلمها قالولى انهم عملوا لها برمجه فقط بس لقيت نفس الصوت ....انا مش عارف هل ده الصوت الطبيعى بتاعها ولا ده عيب فيها ولا ايه ؟؟؟؟؟؟؟؟؟؟؟؟؟؟ اللى يعرف ياريت يفيدنى فى الموضوع ده الله يخليكم

**HOSSAM99** · 13-01-2013 11:43 AM

طيب هو أيه الصوت يا ريت توصفه ... و حضرتك بتسمعه أمتي

**ahmad--ezzat** · 13-01-2013 11:53 AM

طيب ايه الصوت فعلا !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!

**maskeen** · 13-01-2013 11:59 AM

لو الصوت ده بتسمعه بعد ما تطفى المحرك لمدة 30-50 ثانيه كده, فده صوت التيربو بيهدأ..وده طبيعى ومعانا فى العربيه

**محمودابوالفتوح** · 13-01-2013 01:31 PM

الصوت شبه كانك بتنطق حرف الراء كأنك بتقول ررررررررررررررررررررر واللى سمعه بيقولوا يمكن ده صوت التاكيهات بس مش عارف الصراحه

**محمودابوالفتوح** · 13-01-2013 01:33 PM

الصوت بأسمعه اول لما اشغل الموتور ولما اقف وانزل اسمع صوت الموتور بلاقيه برضه

**MuhamedNabil** · 13-01-2013 10:47 PM

بيبقى عالى لما تدور الصبح و يقل مع التسخين !!

**Formulator** · 14-01-2013 12:41 AM

التاكيهات فـ موتور الـprince 1.6 THP بتبقى هيدروليك؟!!
يعنى hydraulic tappets بتشتغل بضغط الزيت،
وصعب أوى انها تبوظ إلا لو حصل wear جامد فـ الـCylinder-head

وده مايحصلش إلا لو فيه Cold-start متكررة والزيت مشSynthetic تخليقى بالكامل..
ويكون عالى اللزوجة كمان 15w أو 20w مثلا؟؟!!!

حضرتك حاول تسجل فيد لصوت الموتور -لو تعرف!!

وهل هى rattling-noise تكتكة كده ولا أيــــــه؟؟

**TFSI** · 14-01-2013 02:23 PM

الصوت العالى طبيعى جدا فى مواتير ال THP بسبب :
1. التاكيهات بتبقى هيدروليك بتشتغل بضغط الزيت .
2. الموتور Chain جنزير مش سير كاوتش .
3. الموتور Direct Injection حقن مباشر وبالتالى صوت ال Injectors وال High Pressure Fuel Pump عالى شوية .

يعنى ما تقلقش