ريحة عادم وبنزين مع السرعات

**abo_saad** · 13-01-2013 06:13 PM

عندى مشكلة بسيطة كدا الحمد لله العربية تمام وزى الفل بس بشم ريحة بنزين خفيفة وانا ماشى على سرعة 100 كيلو كدا او ازيد ريحة كدا اكنها الحرق مش مظبوط فا سألت اللى واحد كدا فى محل قطع غيار قالى دا الكنترول بس انا مش مقتنع بالكلام دا فا ياريت اصحاب الخبرة يقولولى هل الكلام دا صح ولا العيب من ايه

**midooo_119** · 13-01-2013 06:54 PM

ممكن تكون الرشاشات

**hossamalsadik** · 13-01-2013 08:15 PM

فى خلل فى نظام الأشعال اكشف على
المبينه - البوجيهات وسلوكها -الرشاشات ( تنظيف) - تنقيس فى فرن الشكمان
والله أعلم

**ehab_mansour** · 14-01-2013 09:50 PM

السلام عليكم

لو بتشم ريحة بنزين ني غير محروق يبقي المفروض يظهر صباحا و اثناء التسخين اكثر من المشي علي سرعه لأني و لأول مره اسمع ان بنزين مش محروق يظهر مع المشي بسرعات

علي العموم ممكن تجيب علي بعض اسئلتي دي و منها هنعرف اكيد ان شاء الله السبب فين :-

1- ايه أخبار داورة العربية الصبح و بيكون الار بي ام علي كام و لما تسخن بينزل لكام و اهتزاز الموتور بيكون عامل ايه و هل بتشم ريحة بنزين صباحا ولا لأ ؟

2- ايه أخبار استهلاك البنزين عندك و بتعمل كام في الصفيحة ال20 لتر

3- ايه أخبار لون العادم و حالة الموتور و السحب

4- ايه أخبار الصيانات الدورية و خاصة دائرة الاشعال ؟

منتظر اجابتك و نقاشك اللي من خلاله هنفهم فين المشكلة ان شاء الله و بالتوفيق

**hossamalsadik** · 14-01-2013 10:06 PM

( لو بتشم ريحة بنزين ني غير محروق يبقي المفروض يظهر صباحا و اثناء التسخين اكثر من المشي علي سرعه لأني و لأول مره اسمع ان بنزين مش محروق يظهر مع المشي بسرعات )

بصراحه ونا كما يابشمهندس إيهاب انا شفت ده فى الكربراتير بس الأنجكشن ماشقتش

--------------------------

**hossamalsadik** · 15-01-2013 06:25 PM

المشاركة الأصلية كتبت بواسطة abo_saad

4- الحمد لله الصيانات بعملها على طول وكلو تمام مش عارف بقى ايه هيا دائرة الاشتعال

دائرة الأشعال مكونه من الأتى :

1 . البطارية
2 . الموبينة
3. موزع الشرر الأسبراتير عاده كان او الكترونى مثل الى عندك ( السيارات الحديثه )
4. شمعات الأشعال ( البوجيهات )
5. سلوك البوجيهات

**SYD** · 25-01-2013 12:06 PM

طبعا كل الكلام الي فات جميل وزي الفل
بس لي بعض الملاحظات
١- اي خلل في الاحتراق لازم يكون له مردود في لون العادم ولو علي الاقل في اول الدوارة وطالما العادم مالوش لون يبقي مستبعد موضوع دائرة الإشعال
٢- ريحة العادم مش ظاهرة علي السرعات المنخفضة وتظهر بوضوح علي السرعات المرتفعة - اكشف علي التالي
ا- طبات الشنطة الموجودة تحت الاستبن
ب- أحكام إغلاق باب الشنطة
ج- ماسورة الشكمان وفتحة خروج العادم وضبطها في مواجهة فتحة الاكصدام الخلفي

جرب وقولنا النتيجة

تحياتي