-
لقاء وزير البترول مع وائل الإبراشى بخصوص موضوع الكوبونات ودعم البنزين
-
لازم نجرب شهر ونحكم بعدين علي الفكرة
-
احنا بنحاول نفهم أول القصة هتمشى ازاى لأن وزير البترول بيقول حاجة ووزير التخطيط بيقول حاجة تانية واحنا ضايعين فى النص ،
-
نجرب؟
دا بيقولك حول غاز وايه كمان بيقلك اكنك حاط بنزين 120 اوكتان كنت عاوز أ.......... بصراحة ههههههه
وبيقولك مالهوش تأثير علي العربية لا دا مفيد ليها :iloveu:
وبيقلك قدامك 3 خوابير هاتعدي علي واحد منهم يعني هتعدي :B4_444:
1- تحول غاز وسلملي علي اداء الماتور وقله عمره :tongue14:
2-ترشد في استهلاكك بانك تركن العربية :7_6_5v[1]:
3-تتدفع سعر البنزين بزيادة (دعم جزئي):hitwall3: وافتكر انك دافع جمارك كاملة مش جزئية:Ka_che1[1]:
وكل دول خوابير اختياري يتفضل عزيزي المواطن ان يجرب اي واحد فيهم :rokeyrulez:
اه في حل رابع وهو ليس خابور وهو التظاهر وتتقلب علي راسهم وهو ده الي هيحصل باذن الله
عاوز اقول للوزير المت..لف عاوز تخلينا ندفع بنزين مدعم جزئي اعملنا جمارك جزئية بنفس النسبة الي فارضها علينا في البنزين:breakpc2:
-
بعد اللقاء دا انا نازل 25 انشاء الله مع انى كنت مش هنزل ...مش بيتعلموا الا بالعنف
-
ابشروا يا رجـــــالة
وزير البترول قال انه غلط فى لقاء خيرى رمضان وان 1400 سى سى غلط والصحيح هو ان الكوبونات للعربيات الأقل من 1600 سى سى .. (الدقيقة 23 فى لقاء الابراشى)
كانت بالونة واللا ايه زى ما الناس قالت؟
-
رجع تانى واتأسف على غلطته فى ذكره الخاطى مع خيرى رمضان عن ان العربيات الـ 1400 وماتحتها هيا بس الى حتاخد دعم
يعنى دماغه كانت لفه ساعتها وقال المعلومه غلط على الرغم من ان خيرى اكد عليه كذا مره
-
على فكره كلامه معقول جدااااا بس محتاج تعديل لبعض النقاط واهمها مضاعفة الحصه الشهريه الى 3600 لتر + انه يفضل دعم جزئى اعتقد كده كويس قوى صح ولا ايه ؟؟ لازم نقف جمب البلد
-
اقتباس:
المشاركة الأصلية كتبت بواسطة egyzizo
ابشروا يا رجـــــالة
وزير البترول قال انه غلط فى لقاء خيرى رمضان وان 1400 سى سى غلط والصحيح هو ان الكوبونات للعربيات الأقل من 1600 سى سى .. (الدقيقة 23 فى لقاء الابراشى)
كده رحمة شوية ..
لا طبعا دي مش غلطة
هم بيخضوا الناس الاول
وبعد كده يقولولهم لا انتو داخلين في الدعم
فقال ايه ينبسطوا ويفرحوا. .
-
يا جدعان احنا كل يوم بنعيشة اسود من اللى قبله ..الحمد لله على كل شيء بس فى ثورة قامت و ناس ماتت علشان حالنا يتعدل ..مش نبقى كدا كل حاجة على المواطع كل تكلفة على المواطن ...طيب انا موافق على انو يشيل الدعم خالص ..بس يخلى العربية بسعرها العالمى بدون جمرك ...و الترخيص من غير ضريبة السعة ...احنا ولله الحمد انتقلنا من النار الى الجحيم
-
-
اقتباس:
المشاركة الأصلية كتبت بواسطة egyzizo
ابشروا يا رجـــــالة
وزير البترول قال انه غلط فى لقاء خيرى رمضان وان 1400 سى سى غلط والصحيح هو ان الكوبونات للعربيات الأقل من 1600 سى سى .. (الدقيقة 23 فى لقاء الابراشى)
كانت بالونة واللا ايه زى ما الناس قالت؟
يعني بكلامة كدة يقصد ان العربيات 1600 ليها دعم ؟؟؟؟ ومابعد 1600 ليس لة ياريت حد من الاخوة يوضحلي لان اللي فهمتة من كلامة ان اقل من 1600 يعني ينطبق علي 1500 مثلا و 1600 لا ياريت التوضيح لو حد فهم كلامة غير كدة والمفروض كان يقولها صريحة لو في النية ان عربيات 1600 ينطبق عليها شروط الدعم
-
اقتباس:
المشاركة الأصلية كتبت بواسطة lancar
يعني بكلامة كدة يقصد ان العربيات 1600 ليها دعم ؟؟؟؟ ومابعد 1600 ليس لة ياريت حد من الاخوة يوضحلي لان اللي فهمتة من كلامة ان اقل من 1600 يعني ينطبق علي 1500 مثلا و 1600 لا ياريت التوضيح لو حد فهم كلامة غير كدة والمفروض كان يقولها صريحة لو في النية ان عربيات 1600 ينطبق عليها شروط الدعم
ايوة يافندم 1600 لية دعم عادي و اللي فوق 1600 مالوش و كلام ان اللي اقل من 1600 دا قصدة 1600 عادي بس في الرخصة بتبقب 1590
-
اقتباس:
المشاركة الأصلية كتبت بواسطة zomprakes
ايوة يافندم 1600 لية دعم عادي و اللي فوق 1600 مالوش و كلام ان اللي اقل من 1600 دا قصدة 1600 عادي بس في الرخصة بتبقب 1590
شكراً لحضرتك علي سرعة الرد .. وياريت يكون يقصد كدة لان دة 80% من السيارات 1600
-
طب انا معاك ان اى عربية حلو عليها 1800 لتر فى السنة..
طب ليه تحدد لى فى اليوم 5 لتر ؟؟؟ ما تسيبنى انا و حسب استهلاكى اليومى بحيث انى معديش 1800 لتر سنوياً !
-
ياريت ياجماعة إللي شاف الحلقة يسردلنا ملخص الحلقة عشان للي معندهمش وقت يشوفوا الحلقة كاملة
-
اقتباس:
المشاركة الأصلية كتبت بواسطة truss
طب انا معاك ان اى عربية حلو عليها 1800 لتر فى السنة..
طب ليه تحدد لى فى اليوم 5 لتر ؟؟؟ ما تسيبنى انا و حسب استهلاكى اليومى بحيث انى معديش 1800 لتر سنوياً !
ما هو هيبقى كده ..
العبرة بالحصة السنوية.
-
أنا بدأت أصدق موضوع البلالين والكاوتش وعايزين يخضوا الناس... والألش ده؟!!! :hitwall3:
بيقولك: 5 لتر قابلة للتفاوض، ونشرك المواطنين معانا؟!!
أهو الناس بتقول عايزين 10 لتر أقل حاجة؛ لو خلوها 7 لتر -وده إستعباط بردو- يبقى نص العمى!! :B4_444:
- طب لو واحد راكب 320i موتورها 2000cc وثمنها زى عربية كورى زيرو.. دا يعمل أيـــــه؟؟
هيشترى البنزين بالسعر المدعم جزئيا؟!!! :Ka_che1[1]:
ومتغاظ أنا أوى من الرد المستفز -اللى ماعندوش غيره- وبيقوله كل ما يتزنق:
إقلبها غاز؟؟!!! :angry26::angry26:
نيهاهاهاها هههههههههههه
قالك أوكتان 120 والسولار نغير وش السلندر ونحولها بنزين... عشان نقلبها غاز (بردو فـ الآخر)؟؟!!! :B4_444:
فكيك أوى ببنزين أ...تيييييييييييت!! هههههههههههههههه
-
اقتباس:
المشاركة الأصلية كتبت بواسطة truss
طب انا معاك ان اى عربية حلو عليها 1800 لتر فى السنة..
طب ليه تحدد لى فى اليوم 5 لتر ؟؟؟ ما تسيبنى انا و حسب استهلاكى اليومى بحيث انى معديش 1800 لتر سنوياً !
اقتباس:
المشاركة الأصلية كتبت بواسطة Egyzizo
ما هو هيبقى كده ..
العبرة بالحصة السنوية.
لأ على فكرة
اللى فهمتو انه هيبقى بالشهر مش بالسنة؟؟!!!
- يعنى ممكن يبقى الكارت بتاعك فيه رصيد؛ بس لو خلصت الحصة الشهرية (150 لتر)..
الرصيد مش هيفتح إلا فـ أول الشهر الجديد؟؟!!! :Ka_che1[1]:
ياجدعان الموضوع أكبر من إنشراح وحسين والناس دى؟!!!
:hitwall3:
-
اقتباس:
المشاركة الأصلية كتبت بواسطة شاهين - بنز
ياريت ياجماعة إللي شاف الحلقة يسردلنا ملخص الحلقة عشان للي معندهمش وقت يشوفوا الحلقة كاملة
الخلاصة ان كل العربيات اللى موديلها قبل 90 (ويدرسوا رفعها إلى 95) هتاخد كوبونات بالإضافة إلى العربيات اللى السى سى بتاعها 1600 وانت نازل
الكوبونات دى عبارة عن حاجة زى الكريدت كارد فيها رصيدك وبتسلمها فى البنزينة وانت بتمون ويتسحب من رصيدك السنوى ..
الرصيد السنوى 1800 لتر للملاكى ..
بالرغم من ان الراجل اتكلم ييجى ساعة لكن برضه فيه أمور مش واضحة.
1- قيمة الحصة السنوية دى ، صاحب العربية هيدفعها ازاى؟ مش معقول طبعاً تبقى دفعة واحدة عند تجديد الرخصة زى ما الإشاعات بتقول.
2- اللى مش فارق معاه بنزين 80 من 92 وبيحط حسب التساهيل ، ده هيتعامل مع الكارت ازاى مع اختلاف أسعار
3- ودى حاجة أنا مهتم بيها شخصياً الوزير قال ان لو حد فيه أكتر من عربية باسمه بيستحق الكروت عن عربية واحدة فقط، طيب فى بيتنا عربيتين باسمى واحدة ليا وواحدة للمدام، هل لو سجلت عربية المدام لها وعملت الرخصة باسمها ، يبقى كده العربيتين يستحقوا الكروت
لسه فيه أمور مش واضحة للأسف.
يا ريت الأمور دى تتوضح فى الجزء الثالث
-
-
مشكورررر
جاري مشاهدة الفيديو ..
-
اقتباس:
المشاركة الأصلية كتبت بواسطة formulator
لأ على فكرة
اللى فهمتو انه هيبقى بالشهر مش بالسنة؟؟!!!
- يعنى ممكن يبقى الكارت بتاعك فيه رصيد؛ بس لو خلصت الحصة الشهرية (150 لتر)..
الرصيد مش هيفتح إلا فـ أول الشهر الجديد؟؟!!! :ka_che1[1]:
ياجدعان الموضوع أكبر من إنشراح وحسين والناس دى؟!!!
:hitwall3:
حضرتك فهمتها من الدقيقة كام فى الفيديو علشان ما أخدتش بالى من حاجة بتقول انها هتبقى شهرى؟
-
-
شوفت الفيديو
وبصراحة هو عاوزنا نحول العربيات غاز بالعافية وبأدراتي فذات الوقت ده احساسي
يعني اخرب العربية احسن او اشيل الماتور واحط مروحة وتمشي بالطاقة الشمسية الصبح !!
وبالليل تمشي علي جاذبية المد والجذر والنجوم فالسماء !!
لا حول ولا قوة الا بالله
لا تعليق علي الحلول دي بصراحة !!! (خت بالي دلوقتي ان في جزئين كمان)
-
اقتباس:
المشاركة الأصلية كتبت بواسطة S O P H O S
شوفت الفيديو
وبصراحة هو عاوزنا نحول العربيات غاز بالعافية وبأدراتي فذات الوقت ده احساسي
يعني اخرب العربية احسن او اشيل الماتور واحط مروحة وتمشي بالطاقة الشمسية الصبح !!
وبالليل تمشي علي جاذبية المد والجذر والنجوم فالسماء !!
لا حول ولا قوة الا بالله
لا تعليق علي الحلول دي بصراحة !!! (خت بالي دلوقتي ان في جزئين كمان)
أو الواحد يأجر نفرين يزقو العربيه :Ka_che1[1]:
-
اقتباس:
المشاركة الأصلية كتبت بواسطة egyzizo
حضرتك فهمتها من الدقيقة كام فى الفيديو علشان ما أخدتش بالى من حاجة بتقول انها هتبقى شهرى؟
ايوة يافندم هو قال تقريبا في الدقيقة 25 لي 30 ان مش 5 في اليوم انتا ليك 150 في الشهر
-
الكل متفق ومن زمان على ان الدعم ( مش البنزين فقط ) يجب ان يصل لمستحقيه وأيضا الكل مختلف من زمان على من هم هؤلاء المستحقين للدعم وما هي الطريقه التي نحددهم ونعرفهم بها وللاسف لم يتفق احد على طريقه محدده ومقبوله من الجميع لذلك فشل رفع الدعم او تحديده لفئات محدده وبطريقه معينه على مدار 60 سنه ولم يقوى رئيس او حكومه على مواجهة اعتراض الشعب على ذلك وعادوا دائما في قراراتهم بخصوص ذلك
فلماذا الان وفي ظل مرحله حرجه من عدم الاستقرار والمعانه الشديده من البطالة وقلة الدخل وغلاء الاسعار
يظهر الوزراء ومنهم وزير البترول للحديث عن الدعم والتحدث عن الحراك المجتمعي للوصول للطريقه الافضل في وصول دعم البنزين لمستحقيه وتحديد من هم المستحقين والكميه التي يستحقونها وذلك كله بسبب وجود عجز في موازنة الدولة وان التصور الذي يجب ان يصل للشعب للمساهمه في سد العجز هو بحرمان الاغنياء في مصر من دعم البنزين كما لو كانوا يمثلوا نصف الشعب رغم انهم في هذا البلد شديد الفقر لا تتجاوز نسبتهم 3 % يعني لو تضاعف سعر البنزين بعد رفع الدعم عنه فلن يمثل ما يدفعوه شيئ يذكر في الساهمه لسد العجز في الموازنة
لكن التصور الحقيقي هو ان متوسطي الدخل وهم الشريحه الاكبر جدا لمالكي السيارات هم المستهدفون وهم من سيتحملون عبء سد العجز وسوف يدفعون من رواتب وظائفهم الزيادة في سعر البنزين عند رفع الدعم بسبب سنة الموديل بعد 90 او زيادة السي سي عن 1600 او زيادة الكميه عن 150 لتر شهريا
وكما سيق وقلت لماذا الان لان الناس لم تعد تثور عند رفع الدعم فقط ذي زمان ولكنها في حالة اعتراض وثوران يومي دائم منذ ثورة 25 يناير ولن تقبل مهما فعل الوزير او غيره المساس بأي نوع من الدعم بل ويطالبون بزيادته حتى لو كانت الحكومه بتشحت لانهم كمان قربوا يشحتوا كلهم
لذلك اطلب من الوزير وكل الحكومه يسيبوا حكاية الدعم في حاله وكان غيرهم اشطر وكفايه افلاس في الافكار واللجؤ للطريقه اللي الشعب ثار بسببها وهي البحث في جيوبه الفاضيه عن مايسد العجز في الموازنه
وان يفكروا بطريقه مختلفه ويتحلوا بالقدره على العمل وتستطيع وزارة البترول وحدها ان تسد العجز وتعمل على زيادة موارد الدوله من خلال اعطاء تراخيص للشركات العالميه او الدخول في شراكه معهم للتنقيب عن البترول والغاز سواء في الصحراء او البحر الابيض الذي تركناه لاسرائيل او من خلال عقد الصفقات الممتازه لبيع الغاز المصري
وانا للاسف لست مهندس او خبير في البترول والا صدقا كنت اكيد هلاقي افكار اكتر من كده وقابله للتنفيذ والاهم القدره على العمل بدل مضيع وقتي ووقت الناس في الظهور التليفزيوني
-
اقتباس:
المشاركة الأصلية كتبت بواسطة Egyzizo
الخلاصة ان كل العربيات اللى موديلها قبل 90 (ويدرسوا رفعها إلى 95) هتاخد كوبونات بالإضافة إلى العربيات اللى السى سى بتاعها 1600 وانت نازل
الكوبونات دى عبارة عن حاجة زى الكريدت كارد فيها رصيدك وبتسلمها فى البنزينة وانت بتمون ويتسحب من رصيدك السنوى ..
الرصيد السنوى 1800 لتر للملاكى ..
بالرغم من ان الراجل اتكلم ييجى ساعة لكن برضه فيه أمور مش واضحة.
1- قيمة الحصة السنوية دى ، صاحب العربية هيدفعها ازاى؟ مش معقول طبعاً تبقى دفعة واحدة عند تجديد الرخصة زى ما الإشاعات بتقول.
2- اللى مش فارق معاه بنزين 80 من 92 وبيحط حسب التساهيل ، ده هيتعامل مع الكارت ازاى مع اختلاف أسعار
3- ودى حاجة أنا مهتم بيها شخصياً الوزير قال ان لو حد فيه أكتر من عربية باسمه بيستحق الكروت عن عربية واحدة فقط، طيب فى بيتنا عربيتين باسمى واحدة ليا وواحدة للمدام، هل لو سجلت عربية المدام لها وعملت الرخصة باسمها ، يبقى كده العربيتين يستحقوا الكروت
لسه فيه أمور مش واضحة للأسف.
يا ريت الأمور دى تتوضح فى الجزء الثالث
لو أنا عايز أبيع العربية هابع بل الكروت ???
الكروت بي إسمي ولا بي موديل و نوع العربية !!!!!!!!!!!!!!!!!:T_thum1[1]:
-
-
يا حلوللي! القرار ده خلانا نضرب أخماس في أسداس
-
اقتباس:
المشاركة الأصلية كتبت بواسطة lancar
يعني بكلامة كدة يقصد ان العربيات 1600 ليها دعم ؟؟؟؟ ومابعد 1600 ليس لة ياريت حد من الاخوة يوضحلي لان اللي فهمتة من كلامة ان اقل من 1600 يعني ينطبق علي 1500 مثلا و 1600 لا ياريت التوضيح لو حد فهم كلامة غير كدة والمفروض كان يقولها صريحة لو في النية ان عربيات 1600 ينطبق عليها شروط الدعم
انا اخدت بالي من النقطة دي كويس اول ماقريت الكلام
التصريح الاولاني كان بيقول فيه ان لا دعم للسيارت فوق 1400 سي سي
التصريح ده غير الاسلوب و قال ان الدعم للسيارات اقل من 1600 سي سي
انا حاسس ان فيه خدعة في الموضوع وانه بيحاول يضحك علينا بالكلام
انا واحد من الناس مكتوب في رخصتي 1600 سي سي يعني لو كلامه طبق حرفيا يبقى انا بره الدعم
ربنا يستر و اطلع فاهم غلط و ادينا هانشوف
-
زي الضريبة يا جماعة مش بتفرق 1599 ولا 1600 - فدي نقطة
النقطة التانية - تخيلي ان الكارت او التذاكر الي هاتتوزع على الرخصة هاتبقى باللتر - عايز تحط 80 - 90- 92 براحتك
-
فعلا .... كلامك صحيح 100 %.... الحكومه دى من ساعه مامسكت وكله ضرائب و زياده اسعار و رفع الدعم .... وكلام وتصريحات متضاربه.... مش عارفين بجد احنا رايحيين على فين ... حكووووومه فاااااااشله ولازم كلهم يمشوا
اما هما مش قد المسئوليه ومش فاهمين حاجه ومعندهمش خبره ليه مسكوا المناصب دى؟؟؟؟؟... وكله على المواطن
انا نفسى افهم المواطن ده هيجيب منين ... زياده الضرائب وزيادة الاسعار ... وزيادات الدولار ...وغلاء اسعار المواد الغذائيه ... يكووونووش فاكرين ان المواطنين دول اثررياء؟؟؟؟؟؟... ولا فاكرين انهم فى دوله تانيه غير مصر...؟؟؟؟؟....لنا الله.... ونحن مجبرين على الثوره
-
ايكش ماسورة غاز ولا انبوبة غاز تضرب في طي ........................... هو الراجل ده مستفز ليه يعني انا اشتري عربية بي 100 الف اقلبها غاز اخرب ماتورها واشرخ شاسيها ؟؟
عجبني اوووي سواق ميكروباص قال 30 لتر ازاي العربية بتشتغل ورديتن طيب الوردية التانية تعمل ايه
لا وابو الذكيه بيقول محدش يقدر يسوق ازيد من 5 سعات يعني الي بيركب موصلات يروح شغلة يرجع ماشي اقل وظيفة 8 سعات بيقولة مش لزم العربية تشتغل طول اليوم طيب انا بشتغل سهر اعمل ايه ده اهبل ؟؟؟؟
يقولك الغاز بي بلاش هههههههههههههههههههههههه هو محد قالة انك علشان تقلب غاز علي ما اتذكر بي مبلغ 1500 جنية باين طيب ياسيادة المتسلخ انتا وفرت وسيلاة موصلات بديلة ماتستغلنيش ازاي امشي بي 5 لتر يعني العربية لو فضية بنزين اخد خمسة لتر هيدمرولي الماتور لي انها هاتجيب وساخة التنك لا بيقولك النظام القديم كان بيرشينا لا ياراجل وانتا جي تن .................. فينا مثلآ طيب انا ادفع دعم بنزين ليه وانا بدفع ضريبة سي سي ؟ وبدفع جمرك انا هتجنن بجد الاخوان عايزن الحرق بي هشام قنديل بي كل اخواني خروف كل الاخوان خرفان وان شاء الله لو اطبقت قرار زي ده هنقوم بي ثورة هتكون اشد بي مراحل كبيرة من خلع حسني طيب الفلوس الي هيوفروها دي هتروح فين ؟
وكمان عمرنا ماشفنا وزير قال علي المرتبات اي حاجة المرتبات للعشب مستنين مجلس الشعب والشوري ؟لكن الغاء الدعم ليس لها لزمة مجلس الشعب والشوري ؟
-
طيب عندي كام سؤال
انا بعت عربيتي جولف لواحد بتوكيل وهو لسه مرخصش العربية والرخصة فيها سنتين مين فينا هياخد الدعم ؟
2- انا ممكن احط في الشهر مثلآ 60 لتر او 70 لتر وسعات مابخرجش بيها كتير انا لما اروح ادفع تمن الفيزا 150 لتر في الشهر هل 80 لتر دول هيترحلولي علي الشهر القادم وكده وهل لو اتبقي مثلآ في نهاية ك سنه ايكش 800 لتر هيترحلو ليه السنه القادمة ؟؟؟
3- طيب هو كده اجبرني وانا مشويري قليلة بي العربية اني ادفع في حدود 200 حاجة و60 جنية في الشهر ? '
-
معلش كام سؤال انا تعبتكم بي اسئلتي
1- انا كاموطن لما ادفع في شهر تمن البنزين كامل وفواتير الكهرباء والغاز والمياة والنت يتبقلي ايه ؟
2-انا كاموطن اضمن منين اني لما انزل السوق ملقيش تمن الخضروات ماتغلاش واضمن منين ان سعر الحمة الي بقا 60 جنية مايبقاش ازيد من 60 جنية واضمن منين اني لما احب اروح اي حتي موصلات هلقي اجرة موحدة وتعريفة الحكومها هيا الي اقرتها ؟؟
3- هل الخمسة لتر تكفي زحمة كوبري 6 اكتوبر والدقي وصلاح سالم والدائري ؟
حققلي كل ده وشيلي الضرائب الي بتتخصم مني في عملي التي تصل الي 400 جنية وشيل ضريبة السعة الترية وارفع الجمرك وخليلك ال5 لتر اشربهم لوحدك
-
امبارح بالصدفة اتكعبلت فية وان بظبط الريسيفر ولما لقيت ارقام موبايل عادية لا تهدف للربح جبت الموبايل
وقلت اتصل رمونى ع الويتنج فى الفترة دي اتشيلت من اراء الناس اللى اتصلت اللى حاسس انها من الغرفة
اللى جمبهم كالعادة .. استغلت الوقت دة وكتبت صفحة وش وضهر وكان نفسي يرد عليهم كان هيتغسل ويتنشر
لكن للاسف طلعو فاصل واعتذر اللى ع التليفون انهم هيطلعو فاصل وشكرا لك !! انا عايز حق المكالمة دلوقتي
من السيد الوزير اصرفهم لي بنزين .. انا عايز بنزين .. هاتو لي بنزين :d
-
[youtube]http://www.youtube.com/watch?v=OXjz2dZUTVY[/youtube]
-
اقتباس:
المشاركة الأصلية كتبت بواسطة nicegypt
امبارح بالصدفة اتكعبلت فية وان بظبط الريسيفر ولما لقيت ارقام موبايل عادية لا تهدف للربح جبت الموبايل
وقلت اتصل رمونى ع الويتنج فى الفترة دي اتشيلت من اراء الناس اللى اتصلت اللى حاسس انها من الغرفة
اللى جمبهم كالعادة .. استغلت الوقت دة وكتبت صفحة وش وضهر وكان نفسي يرد عليهم كان هيتغسل ويتنشر
لكن للاسف طلعو فاصل واعتذر اللى ع التليفون انهم هيطلعو فاصل وشكرا لك !! انا عايز حق المكالمة دلوقتي
من السيد الوزير اصرفهم لي بنزين .. انا عايز بنزين .. هاتو لي بنزين :d
البرنامج مش بيكون مباشر دة مسجل قبلها بساعة عشان المشكلة بتاعت قنوات دريم والبث من الاستديوهات وكدة ...ف انا مش عارف اذى فى ناس بتتصل لازم يكونوا متفقين معاهم وجمبهم !!!!!!!!!!!