اقتباس:
المشاركة الأصلية كتبت بواسطة yehia
أنا بأشكر حضراتكم جدا على آراءكم المفيدة ....
هي فعلا الفترة دي ضبابية فيما يتعلق بالبنزين وأسعاره وأحواله - زي أحوال البلد كلها بصراحة - والعربية دي مش بدلة الواحد يجيبها ولو طلعت ضيقة ومنفعش تتضبط يركنها في الدولاب ويجيب واحدة جديدة ......
وبالتالي أعتقد إنه بعد اعادة تفكير القشقاي تبقى هي الحصان الرابح بالنسبة لي - رغم ارتفاع سعرها وحتمية دفع الأوفر برايس لأنه مش معقول عقلا ولا منطقا أدفع حجز النهاردة عشان أستلم كمان 10 شهور لو الدنيا جميلة والأسعار مازادتش لوقتها - فالواحد حيضطر يدفع أفر برايس .... باعتبار انها عربية تحقق القدر الأغلب من أمنيات الواحد - وليس كلها بصراحة - إنما سمعة رائعة وتوكيل كويس وبنزين 1600 فالليي يسري عليا يسري على الناس كلها ... وقطع غيار متوفرة ومتبقاش بضاعة راكدة بقالها سنتين عند التوكيل ولا بلاعة بنزين .... وربنا يقدرني بقى وأقدر أكدس الشنط فيها أثناء السفر لأني بصراحة مابحبش حكاية الروف راك دي ........
بالنسبة للزميل formulator واستفساره حول موتور السبورتاج ... أنا الحقيقة أعتقد ان السبورتاج من ساعة ما نزلت مصر وهي بالموتور الـ 1.6l gdi بس مقدرش أؤكد المعلومة دي ياريت حد من ملاكها يتفضل ويقولنا عليها ... ولو الموتور فعلا كده يبقى أعتقد لازملها بنزين 95 وإلا أكيد حيبقى فيه تأثير سلبي على الموتور ولو على المدى الطويل ......
مرة تانية وافر شكري لحضراتكم على الاهتمام والرد ......
صديقى العزيز
بالنسبة للسبورتاج وبعد تأكيد الوكيل لنا على استخدام بنزين 92
استخدم الأن بنزين 92 وذلك منذ 9000 كم ولم أشعر بأى أختلاف يذكر عن بنزين 95
ولا أعتقد ان من الممكن ان التوكيل يضع نفسه فى معضلة ويورط نفسه فى معلومة أو فى قرار خطاء أو عن جهل أو سوء تقدير ممكن يحمله تابعيات لايقدر على تحملها وخاصتا ان السيارة لايوجد منها مخزون أى غير متوفرة والطلب عليها فى تزايد رغم ارتفاع الأسعار ومش هتكلم عن العربية أولا" لعدم التحيز وثانيا" حضرتك كنت مستبعدها من المقارنة ولكن للرد على استفسار حضرتك بالنسبة للموتور
الموتور على فكرة ليست تربو وهذه مواصفاته
engine 1.6 liter gdi
max.power 140 hp @ 6,300 rpm
transmission 6-speed automatic
وأى أستفسار أخر تحت أمر معاليك