أولا ألف شكر على اهتمام ورد حضرتك ... والسبورتاج كعربية أنا أحترمها جدا خاصة انها فعلا أكبر مساحة من القشقاي وليها شكل هجومي كده جميل ومعتبر :) ... بس اللي قافلني منها من مدة المغالاة الرهيبة في أسعار الأوفر برايس خاصة للفئة الثالثة منها باعتبار انها فيها esp .. يعني كان الأوفر برايس وصل قبل زيادات الدولار من 25 ألف إلى 30 ألف جنيه إن لم يكن أكتر .. في حين انه في القشقاي كان وصل لـ 20 ألف جنيه على أقصى تقدير وكان ممكن تتجاب بأوفر 10 - 15 ألف جنيه ... طبعا أنا معترض على مبدأ الأوفر برايس من الأساس بس نعمل ايه مجبر اخاك لا بطل وكل التوكيلات بتنتهج سياسات مشجعة للتجار للمغالاة في الاسعار وخلق السوق السوداء .... لو كانت التوكيلات موفرة العربيات استلام فوري أو حافظت على مدد التسليم زي ما بدأت شهرين تلاتة بالكتير كانت الأمور بقت مظبوطة بس زي ما حضرتك شايف وطبعا الدنيا باظت أكتر اليومين دول بالنسبة للأسعار ......
وربنا يبارك لحضرتك في سيارتك وتفرح بيها ان شاء الله - وكذلك كل الاخوة الافاضل اللي تفضلوا مشكورين بالرد - وربنا يهدي إلى سواء السبيل ويلهمني القرار الصائب خاصة اني مش من هواة التغيير وقرار شراء العربية بالنسبة ليا بأتخذه مرتين تلاتة في العمر كله :)