بونتو كلاسيك 2009 بتمووووت خلاص

**mahmoudfawzypr** · 14-01-2013 03:49 PM

السلام عليكم

صاحبي معاه عربية بونتو كلاسيك 2009 العربية ماشية 23000 كيلو (لسه جديدة يعني )
ده فيديو للي بيحصل

fiat punto classic 2009 rpm problem - YouTube

* ملحوظة : ال rpm لما كان بيعلى عن 1 كانت العربية بتتحرك غير كده العربية على المووور

باختصار :
العربية طول ما هي واقفة بتقعد تنتش باستمرار وخصوصا لما يكون فيه زحمة والحركة بطيئة ...صاحبي راح عند ميكانيكى اسمه صابر قاله دي الرشاشات مسدودة مش اكتر ..وقام فك مسطرة الرشاشات ونضفها بمنظف الانجكشن ورش منظف الانجكشن ده على (البوابة والفيشة بتاعتها ) وقال صاحبي جرب العربية اتعدلت جدا وصاحبي بيقولي رجعت زي الفبريكة ولكن تاني يوم العربية رجعت زي ما كانت بتنتش و rpm بيقعد يلعب وينزل عن ال 800 لغاية لما العربية احيانا بتبطل .....صاحبي كلم صابر ده قاله على اللي حصل فقاله دي البوجيهات عايزة تتغير ...صاحبي راح غير البوجيهات والعربية اتظبطت لمدة يوم واحد بس ورجعت تاني

صاحبي راح التوكيل قالوله حساس الشكمان قاري ارور طاب الحساس بكام ..... ب 600 من غير الضرايب والمصنعية ....طاب لو غيرته هل العربية حتتظبت ...لا حضرتك العربية حتقعد شوية مش مضبوطة وبعد كده تتظبط وترجع تمام لانها معبية دخان اسود و الدخان الاسود اللي بيطلع من الشكمان مش حيقف الا بعد فترة (كلام اهبل في نظري ) ...
اول امبارح كنت بغير جوان التاكيهات لعربيتي الفولكس بورا في مركز مخصوص للفولكس وكان جنبه ميكانيكى شفت عنده اكتر من مرة عربيات بونتو فحكيتله على مشكلة صاحبي قالي هات العربية كلمت صاحبي جاب العربية والراجل اول ما بص عليها قاله ده حساس الايدل لانه هو اللي بيضبط العربية ال rpm على السلانسيه

العربية بتعمل الاتي :

1: بتنتش على السلانسيه او الموور
2: ال rpm بيقعد ينزل لدرجة ان العربية بتبطل احيانا من كتر ما ال rpm نزل
3 :الشكمان بيطلع صوت شبه (التفتفة ) والعربية متمورة او ماشية
4 : دخان اسود بيطلع من الشكمان

هل ده : حساس شكمان ولا حساس ايدل ولا ايه ؟

ملحوظة صغيرة وانا اسف اني طولت عليكم ....الفيديو ده اتصور امبارح وبعديها كنا عند كبري الجامعة وكان فاضي الحمد لله صاحبي حرق على العربية جامد جدا وجاب 120 وبعديها وقفنا في الاشارة اللي في اخر الكوبري .... العربية هديت خالص ولا بتنتش ولا ال rpm بيلعب ولا اي حاجة من الحاجات اللي فوق وقعدت كده 5 دقايق ورجعت لعادتها القديمة ..؟

**sa3dizer** · 15-01-2013 07:04 PM

السلام عليكم
اسف على التأخير في الرد ..
المشكلة في حساس الايدل أو حساس الشكمان
لو عايز تنضفهم و متغيرش يبقى تنضيف فيشة الايدل باسبراي أكاي + سبراي انجكشن كلينر في فتحة الانجكشن

بالنسبة لحساس الشكمان ف ده ممكن يتفك من الهيدر و تينضف باسبراي تنضيف الكاربيرتيرمع العلم ان بعض عربيات البونتو فيها اتنين حساس شكمان فالبتالي هتنضف الاتنين و الافضل على حد علمي تغييرهم

و الحساسات هتلاقيها عند الكيلاني في شارع شمبليون نب أبو طارق بس معرفش سعرهم هناك كام بس أكيد بنص تمن اوماترا مثلا

و بعد الكلام ده كله تعمل الايدل ليرن كالتالي :
1- تفتح الكونتاكت و متدروش لمده 5 ثواني و تقفله لمده 3 مرات بفارق كام ثانية بين كل مرة و التانية
2- تدور العربية و هتلاقيها ملخبطة شوية و تبطلها و تدور تاني و ان شاء الله تبقى تمام

اسف للاطالة و بالتوفيق ان شاء الله

و ابقى طمنا بعد متتظبط ان شاء الله ;)

**sa3dizer** · 15-01-2013 07:06 PM

و حاجه تانية مهمه كل 3- 5 الاف كيلو اديها علبة منظف رشاشات مع التفويلة هيظبط معاك في السحب و الاستهلاك

بالتوفيق

**mahmoudfawzypr** · 15-01-2013 08:00 PM

شكرا جدا حنجرب الحاجات دي واقولك وخير انشاء الله

**momo aliii** · 07-08-2013 04:33 PM

ياجماعة عربيتى بونتو2001 rbmبتاعها ببقي ماشي ممور العربية من غير مدوس بنزين او اي حاجة القية بينط زي الارجوز فوق وتحت لوحدة بيوصل من 1 الي4 بدون اي سبب ونظفت الانجشكن كذا مرة وفكيت التنك وغسلتة ونظفت الفلتر معرفش افيدونى ارجوكم دة رقمي ياريت حد يكلمنى علية عشان انا عقلي حيشت01142197852

**sonybony** · 10-08-2013 12:09 PM

ده حساس الايدل طالما الاربي ام بيلعب لوحده هوه بدون تفكير

**misoalex** · 15-08-2013 02:59 AM

اى مكانيكى يرش على حساس الايدل منظف انجكشن يبقى حيوان واضربه باللى فى رجلك

الكلام ده حصل معايا فى السيينا 1600 وحساس الايدل فيها ب 1300 جنيه ايوه لانه كبس فى البوابه

الحل للى حصل معاه كده انه يرش wd40 على حساس الايدل ويغرقه بيه لان حساس الايدل من جوه عباره عن موتور وفيه ماده زى الشحم الابيض وفيه قطعه بلاستيك ولو حد شاف التعليمات اللى على منظف الانجكشن والبوابه حيرف انه بيدمر الحجات البلاستيكيه وبيزيل الشحم والزيت

فلازم ترجع التزيت لحساس الايدل عن طريق wd40 وكان استاز محمد ممدوح ليه مشاركه هنا بيقول ان الافضل انك تحط حبه زيت باور فى سرنجه وتنقط عليه شويه وهو راكب

**misoalex** · 15-08-2013 03:03 AM

المشاركة الأصلية كتبت بواسطة momo aliii

ياجماعة عربيتى بونتو2001 rbmبتاعها ببقي ماشي ممور العربية من غير مدوس بنزين او اي حاجة القية بينط زي الارجوز فوق وتحت لوحدة بيوصل من 1 الي4 بدون اي سبب ونظفت الانجشكن كذا مرة وفكيت التنك وغسلتة ونظفت الفلتر معرفش افيدونى ارجوكم دة رقمي ياريت حد يكلمنى علية عشان انا عقلي حيشت01142197852

ده حساس ايدل بنسيه كبيره جدا جدا وهو اصلا اسمه step motor اعمل زى ما انا كاتب فى المشاركه السابقه وان شاء الله حيتظبط

**m.tito** · 15-08-2013 04:08 AM

اية اللى (wd40) دى ؟؟؟؟؟؟ ، وازاى ارش الحساس او اعمل السرنجة بزيت الباور ، واصلان الحساس متركب فى البوابة بمسمار افكه بقا والا اعمل اية بالضبط ؟؟؟ ، انا معايا بونتو 95 ، وانا حاطت العربية على الكمبيوتر وطلع ان الحساس دى بايظ ، فممكن يتعمله صيانة ويشتغل بكفاءة كويسه والا تغييره يبقا احسن ؟؟؟؟؟