ازيكم يا شباب
السيد وزير الري تقريبا طلع قال ان 5 لتر بنزين يكفو المواطن المصري
متيجي نحسبها سوه كدا ونشو يا سيادة وزير الاسكان والتخطيط
انا واحد عربيتي 1.3 الي هما 5 لتر يكفوني وعربيتي لسه ستندر اللتر بيعمل 13 كيلو
دا انا لو ساكن علي الصحراوي وشغلي كمان علي الصحراوي
5*13=65 كيلو متر فقط لا غير
يعني مطلوب مني يكون شغلي علي مسافه 30 كيلو والـ 5 كيلو اوفرهم لو حد تعب في البيت اوصله بس علي قد 5 كيلو بس
بلاش هروح شغلي في باص الشغل او هقضيها مواصلات مع ان المواصلات زحمه وشوف الناس لما تستغني عن عربيتها وتتجه للمواصلات هتبق عامله ازاي
انا ولدي راجل مريض ربنا يشفيه ويشفي الجميع
يوم لما بيتعب وبيدخل المستشفي بهلك صفيحه لان اقرب مستشفي محترم يقدر يسعه علي مسافة 30 كيلو من البيت والحاج مش بيقعد اقل من اسبوع في المستشفي عشان يسترد حالة الصحيه
نفترض تعب بليل وانا بالنهار كنت بخلص شوية حجات 5 لتر خلصو ابويا يموت عشان خاطر سيادة وزير البتنجان مديني 5 لتر يوميا
من الاخر ايها الحكومه الفاشله وسيادة الرئيس البلد فيها عجز كبير مش عرفين يعملو فيه ايه قالك نطلعه علي الشعب
ودا واضح في حجات كتيره جدا
ومعتقدش ان الريس حسني مبارك كان بيخش الحمام ينزل كهربه وبنزين وسولار وكافة احتياجات الشعب
خربتوها وقعتو علي تلها
"حسبي الله ونعم الوكيل"