الموضوع: تقرير على مشورة مستعجلة

الله يبارك فيك ياميدو باشا تسلم ويسلملى ذوقك والله

المشاركة الأصلية كتبت بواسطة salah_86

السلام عليكم ورحمة الله وبركاته
مساء الفل على أحلى شباب فى المنتدى الجميل
والله ياشباب انا مش عارف ارد جميل eldell و dr_7ooda عليا ازاى الناس دى انا زهقتها وقرفتها لحد ما اشتريت عدة الصوت اللى عندى دلوقتى انا معايا لانسر بومة 2009 والملك لله طبعا
ب

بإختصار هيا مكنتش نازلة غير بسماعتين فى البابين الامامين فقط وكاسيت كينوود سى دى وaux
المهم كان عندى كاسيت سونى اكسبلود 31 ركبته مكان الكينوود وركبت ورا سماعتين مقاس 16 سونى اكسبلود
من شهر حبيت اجدد نظامى الصوتى وبقى كالآتى
1 - كاسيت سونى اكسبلود 4050
2 - سماعات بيضاوى خلفية سونى اكسبلود 550 وات rms 85
3 - سماعات مدورة 190 وات rms 40 ,سونى اكسبلود ( دول اللى كانوا راكبين ورا عندى ركبتهم فى البابين الامامين مكان الاصلى لان الاصلى كانت بتخروش مع الصوت العالى )
4 - جى ام سونى اكسبلود 350 وات rms 60
طبعا الصوت اختلف خالص عن الأول بس فى بعض ملاحيظ كدا
1 - السماعات الامامية دلوقتى فعلا مبتطلعش بيز جامد زى القدام مكانو راكبين مش عارف دا صح ولا علشان انا سمعت صوت السماعات البيضاوى فمش حاسس بالمدورة
2 - لما بخلى الكاسيت على وضع ان الصوت فى النص بين امامى وخلفى بحس بالسماعات اللى ورا بس ومبحسش باى صوت قدام احاول اعلى السماعات اللى قدام عن اللى ورا البيز بيقل شويتين وبيبقى مش ظريف
3 - انا مبسوط ان كل حاجة عندى ماركة واحدة بمعنى ان الطقم كلة سونى اكسبلود بس معرفش دا فى الحقيقة عيب ولا حاجة كويسة
4 - مش عارف لو ركبت صب سونى اكسبلود البيز هيبقى اعلى ولا هصدع وهخروش دماغى
5 - ساعات بفكر انى اشيل الجى ام واوصل الكاسيت على ال 4 سماعات وبس
لانى حاسس ان البيز مبيبنش الا بعدما الصوت يكون على ال19 او 20
بس هشيلة ارمية يعنى ولا هبيعة بخسارة على استعمال كام يوم
ومش عارف هل فى سماعات مقاس 17 مدورة لان اللانسر مقاسها 17 وانا ركبت ال 16 بتوعى بكلبسات حشر علشان متقعش اتمنى تفيدونى تانى لانى عاوز اسمع صوت نقى وفيه بيز حلو ويكون رباعى مش ثنائى خلفى والميزانية برضة الصراحة بقت فى الضياع

ياباشا احنا تحت امرك ما تقولش كده كل المنتدي بيخدم بعضه وغايه في الحترام والبركه في eldell ملك الصوتيات

1 السماعات المدوره عندي في البومه مركبها علي حلقان خشب عشان تبقي مقفله صح لكنها مش هاتبقي صوتها زي ما تبقي علي رف ورا لان كمية الهوا اللي هتخلخلها السماعه جوا الشنطه مش زي كميه الهوا اللي هتخلخلها السماعه في الباب ولذلك البيز اقل

2 اللانسر عشان تحس انك الصوت كافي لازملها 4 سماعات ورا او سماعتين وصب ودا مقارنة باني كان معايا قبلها هيونداي وكان الاربع سماعات فيها تمام قوي ودا ردا علي لو انتا ساعات بتحس ان الصوت مش كافي وعايز صوت اكتر من السماعات اللي قدام

3 اه ممكن تركب صب سوني 12 او 10 علي الجي ام وتخلي السماعات كلها علي الكاسيت بس لازم الصب دا ما يزيدش عن 250 rms عشان يقدر الجي ام السوني يقومه ولو انه مش هايبقي زي الجي ام السيمفوني
وممكن تجيب زي ما قولتلك قبل كده جوز بيضاوي عادي وتركبه في بوكس في الشنطه زي الصب وتشغل فلتر البيز في الجي ام وده حوار هايتكلف بتاع 350 جنيه
بالنسبه لان العده كلها سوني فدي ميزه مش عيب ولا حاجه وهيا بتبقي راحه للصوت مش اكتر وبتختلف من شخص لاخر
وموفق ان شاء الله

ياباشا تسلم ويسلملى ذوقك بجد بس تفتكر لو انا شيلت السماعات الامامية وركبت سماعات سونى برضة بس الوات بتاعها اعلى شوية دا هيأثر فى الصوت ولا هتبقى تكلفة على الفاضى

المشاركة الأصلية كتبت بواسطة salah_86

ياباشا تسلم ويسلملى ذوقك بجد بس تفتكر لو انا شيلت السماعات الامامية وركبت سماعات سونى برضة بس الوات بتاعها اعلى شوية دا هيأثر فى الصوت ولا هتبقى تكلفة على الفاضى

لا البيز بتاعها هايبقي اقل سنه بس لو عليت الصوت السماعه هتجيب معاك اكتر صوت من غير هرتله في البيز هيا دي الميزه في الوات الاعلي علي عكس ال 40 وات اللي عندك لما تعلي الصوت البيز بيهرتل
ويبقي الاحسن بال 300 جنيه بتوع المدور اللي واتهم اعلي دول تجيب صب

وخلي بالك كلنا دخنا في الاول برضه زيك كده لما جينا نركب عدد في عربياتنا بس واحده واحده هتلاقي نفسك بتفهم العده وتظبط فيها لغاية لما تبقي عده عالميه كده وتبقي فخور بيها . ههههه

المشاركة الأصلية كتبت بواسطة dr_7ooda

لا البيز بتاعها هايبقي اقل سنه بس لو عليت الصوت السماعه هتجيب معاك اكتر صوت من غير هرتله في البيز هيا دي الميزه في الوات الاعلي علي عكس ال 40 وات اللي عندك لما تعلي الصوت البيز بيهرتل
ويبقي الاحسن بال 300 جنيه بتوع المدور اللي واتهم اعلي دول تجيب صب

وخلي بالك كلنا دخنا في الاول برضه زيك كده لما جينا نركب عدد في عربياتنا بس واحده واحده هتلاقي نفسك بتفهم العده وتظبط فيها لغاية لما تبقي عده عالميه كده وتبقي فخور بيها . ههههه

+!111111111111

كلام سليم جدااااااااااا وسمعات الباب مش بتبقى عااايز منها بييز يعنى بنزركبها علشان اولا يبقى فى توازن فى الصوت وتاخد منها صوت وتربلات حلوه وخصوصا ده فى السونى لاكن مش بتاعت بيييز بالنسبه للصب انت ممكن تركب بازوكا يعنى صب سونى 1000 مقاس 10 وتشغل عليه الجى ام الى عندك وتركب السماعات على الكاسيت
ويااابو صلاح والا تعب والا حاجه كلنا هنا بنخدم بعض وبعدين قولتلك قبل كده احنا ولاد قسم واااحد ههههههههههههه ودلوقتى بقينا 3 فى قسم واااحد

تسلمو يابشوات بس انا عاوز صب سونى اكسبلود بس يكون صغير علشان ميخدش حجم من الشنطة وياريت صورة للصب والسعر لوسمحت وهل يشتغل على الجى ام ال 350 وات بتاعى