أخيرا استلمت عربيتي يا جماعة !!!!!!!!!!!!!!!!


الحمد لله استلمت النهاردة من أبو غالي (جسر السويس) A516 فيراني (لون تحفة بجد)

و أخيرا هاتكلم عن تجربة شخصية للعربية بالكامل إن شاء الله

الإنطباع الأولي:
العربية بسم الله ما شاء الله زي الفل،
الفتيس مريح جدا
مافيش أي دبة أو أي صوت في العفشة، و العفشة ناعمة (يعني العربية مش بتنط من ورا مثلا)
مافيش صفارة فرامل
الباور تحفة يا جماعة
أنا جربت التكييف (بس في الطوالي) ثلاجة بسم الله ماشاء الله
جربت أجري شوية فا جيبت 110 كم على 2800 RPM على نقلة الخامس (مع تشغيل التكييف)
الصالون تحفة من جوة، بصراحة ما عرفتش أطلع أي عيب تقفيل فيه و انا بستلم (وكان معايا واحد زميلي كمان)


ده إنطباعي الأولي عن العربية (انا عملت بيها لحد دلوقتي حوالي 50 كم)

و إن شاء الله هوافيكم أولا بأول عن الأخبار

بس لي سؤال ويا ريت حد يرد عليا فيه

انا استلمت من أبو غالي في القاهرة
جواب المرور موجه لمرور الاسكندرية و ابو غالي ليه إعتماد في مرور اسكندرية
هل محتاج أختم الجواب من مرور الدراسة في القاهرة؟
و لول فيه حد عمل زيي من اسكندرية يا ريت يقولي عمل إيه بالضبط علسان يرخص العربية؟

و آسف على الإطالة