الموضوع: تشميع العربية

المشاركة الأصلية كتبت بواسطة sehsss

البولش ده تلميع، التشميع حاجة تانية وهو غنك بتدي طبقة شمع للسيارة عقب الغسيل طبعا والعربية تنشف كويس علشان تحميها من الشمس والأتربة، وبيتعمل يدوي، وكل 3 شهور تقريبا مرة بعد الغسيل، تحياتي

الله ينور عليك يا استاذ سحس و ده اللي انا بعمله في عربيتي القديم بايدي بقال ٥ سنين و بسم الله ما شاء الله على النتيجة و دخلت العربية الجديدة برضه في اللعبة و رأيي ان اكيد نوعية الواكس بتفرق يعني كنت بستعمل ارمور اول و كان تحفة بس مرهق شوية في عمله و بعد ما اختفى شوية بقيت استعمل سوناكس اللي بلون العربية هو اسهل في عمل الواكس بتاعه بس ارمور اول كان احسن و بالتوفيق بعد ما بتخلص بتلاقي نتيجة تهون تعبك و انت اللي تعمله احسن لأن لا يحك جلدك مثل ظفرك

جزاكم الله خيرا يا جماعة انا كنت سألت فى بنزينة وقالولى بيعملوه ب 100 جنيه ولو انا اللى هجيب البوليش يبقى 50 جنيه ايه بقى احسن انواع البوليش اللى ممكن اجيبها غير اللى ذكر طبعا عشان لو ملقيتش نوع يبقى عندى اختيارات وجزاكم الله خيرا

المشاركة الأصلية كتبت بواسطة sehsss

يعني حضرتك كاتب الموضوع عن التشميع وعاوز تعمل بولش، أنا مش فاهم خااااااالص حضرتك عاوز إيه بالضبط؟؟؟ !!!

اولا انا اسف على اللخبطة دى بس السبب انى فى البنزينة لما سألت الراجل عن الواكس قالى لو انت اللى هتجيب البوليش يبقى ب 50 جنيه فهو ده سبب اللخبطة ؟ بس دلوقتى فهمت بعد توضيح حضرتك
عامة طب ايه هى احسن انواع الواكس المتوافرة ؟

المشاركة الأصلية كتبت بواسطة sehsss

ههههه هو حضرتك متخيل لو روحت بنزينة وقلتله واكس هايعرف معناها، دا حتى لو قلتله شمع ممكن يجيبلك علبة شمع تنورها ههههههه، بص يا باشا موضوع الشمع ده بيتعمل في الكار كير بعد الغسيل، أو تعمله انت بنفسك ودا أفضل لأن الموضوع مش صعب زي ما قلتلك قبل كده، وأفضل الأنواع زي ما قلتلك برضه قبل كده في أحد الردود السوناكس (ألماني) وهاتلاقيه في كارفور وبيبقى بلون العربية وفي منه معجون وفي سائل، وبعديه على طول نوع اسمه آرمور أمريكي، وبعديهما نوع اسمه فورميلا.. تحياتي

طب ما تتم جميلك يا سحس باشا و قول لنا بيتعمل ازاي بالظبط و هل لازم نفس لون العربيه بالظبط و لا حاجه مقاربه عشان عندك كل لون فيه منه درجات