الحمد لله علي كل حال
و بسيطه إن شاء الله
حاول تشوف بوهيجي شاطر هايعزلك حوالين المرمه و يسحقها و يجيب تون اللون كويس و يرشها إن شاء الله مش هاتبان (مش محتاجه عبقري لكن محتاجه صنايعي يسمع الكلام و نضيف)
الحمد لله علي كل حال
و بسيطه إن شاء الله
حاول تشوف بوهيجي شاطر هايعزلك حوالين المرمه و يسحقها و يجيب تون اللون كويس و يرشها إن شاء الله مش هاتبان (مش محتاجه عبقري لكن محتاجه صنايعي يسمع الكلام و نضيف)
طب الحتة باين أنها صغيرة مش كبيرة يعني..
أظن لو أترشت مش هتأثر على قيمة العربية في حاجة.. بس المهم تترش صح و يكون اللون مظبوط..
ممكن تشوف في التوكيل يقدر يعالجهالك أزاي بس هو مركز السمكرة و الدهان في الهرم..
في مركز معتمد كبير أسمه أوتوماستر بتاع أوبل و شيفروليه بس و فيه سمكرة و دهان في الحي السادس مدينة نصر.. ده أنا مجربه في سمكرة و دهان خبطة كانت عندي في الباب و الشغل كان نضيف أوي و جابلي لون العربية بالظبط..
صغيره مش باينه. انت بس عشان العربيه لسه جديده مضيقاك.
قدر الله وما شاء فعل والي حصل حصل.
سيبها احسن
حسبي الله و نعم الوكيل ...
فعلا اوعي ترش الرفرف .. حرام ....داريها ب استيكر و خلاص
السيد المحترم
نعتزر عن التاخر في الرد . بما ان المشكله حدثت في مركز زيرو فنحن مسؤلون عن اصلاحها .
نرجو من حضرتك اصلاح السياره وابلاغنا عن التكلفه ونحن ستنحملها بالكامل
وشكرا
الاداره
ياراجل حرام عليكم عربية زيرو حيصلحها ويرشها ؟؟؟؟؟؟؟؟؟؟
يسيبها كده احسن وربنا يعوضه خير
لو انتم شايفين شغلكم كويس مكانش حصل اللي حصل
في حاجات مينفعش تتصلح يعني انا لو واحد جه على عربيتى الفابريقه وخبطلى الرفرف وقلي انا هصلحهولك وهتحمل التكلفه كدا يبقي انا هرتاح مثلا او العربيه رجعت زي ما كانت ؟؟ لا كدا العربيه معيوبه ولو كانت بتجيب 100 الف قبل الخبطه حتبقي 95 بعد الحادثه
موضوع يزعل ويضايق جدا فعلا !!!
http://www.nilemotors.net/Nile/3874766148-post114.html
ده ردي في الموضوع الاخر
وفعلا كل مكان فيه تدخل بشري وارد فيه الخطأ وهما عرضو الاصلاح وده انا شايفه نص الاعتذار وكمان قدمو اعتذار
ومحدش يقولي والعربية قيمتها هانزل ماهي ممكن تتخبط وهي واقفة وقيمتها برضه هاتنزل دي قدريات
كلامي لاني عارف الخطأ البشري خاصة ان الشغلة دي قائمة على التدخل البشري والصنعة بنسبه 70 % وجايز جدا تقديرهم للامور يخونهم
وعندي في مركز الدهان لو حصل خطأ بنعيدة فورا
وربنا يعوض على صاحب العربية
على فكرة رش رفرف مش اللي يعيب العربية زي مانت متخيل وانت بتبيع وبكون معروف انه من الحكات فقط او الخرابيش خاصة لو مد ايده من ورا الكارتيرة وشاف ان مفيهوش سمكرة
خالص تحياتي
حضرتك كنت شفت اعلان عن شركة بتعمل استيكرات الوان بنفس لون العربية والاستيكرات دي بتتحط ع الخدوش وحسب كلامهم بتداري الخدوش ممكن تبص عليهم لو الموضوع يعجبك بس انا مش جربته
الشركة اسمها اتوفنيش
فعلا والله حاجة تحرق الدم
احنا فضلنا ان الرد يكون علي هيئه اعتذار علشان الموضوع مايتحولش لجدال زي ما هو الحال الان . لكن احنا شايفين ان المفروض اني اقول طرفنا احنا كمان من الموضوع قبل ما يتم الحكم علينا حكم غيابي.
اولا لو افترضنا ان الغلط من عندنا فده هيكون الحال في كل السيارت اللي اشتغلنا فيها ( اكتر من 1200 عربيه لغايه دولوقتي والحمد لله) لو فيه حد تاني عربيتع باظت يتفضل ويقول .
ثانيا لما الاستاذ كان موجود في المركز عندنا سالناه اذا كانت العربيه فابريقه كان رده بالحرف الواحد ( تقربيا مش متاكد في الغالب مش مرشوشه) .
وانا سايب ليكم انتم الحكم.
وشكرا
جل من لا يسهو
انا شوفت موضوع ليك ان حصل عليك سطو مسلح بالعربية ؟ انتا كويس !!
---
وبالنسبة لرد زيرو كير الاخير - معناة ان العربية مش زيرو !
في انتظار ردك لما تقوم بالسلامة ...
انا شخصيا شايفة انهم عرضوا الاصلاح
وممكن يكون الاصلاح (تعيير الرفرف كله) عادي
التوكيل يستورده ويركبه وحترجع تاني فابريقة
اما بالنسبة لرد زيرو انهم سألوه "حضرتك العربية فابريقة ولا لأ"
اعتقد انهم لو كانوا محترفين بيكتشفوا بنفسهم من غير ما يسألوه اصلا والسؤال مكنش ليه لازمة ويدل على عدم الخبرة في تحديد العربية كانت مرشوشة ولا لأة وده بالنسبة لي "عذر اقبح من ذنب"
فييييييييييييين صاحب الموضوع ؟؟؟
خيرها فى غيرها
كويس انك عملت الموضوع ده يا باشا انا لسه واخد خربوش 30 سم في الرفرف و كنت ناوي اصلحه
انا رأيى ان ربما يكون مركز زيرو قال جزء من الحقيقة
لان المركز قال ان صاحب الموضوع اتسأل ان ...صاحب الموضوع قال ربما ان تكون مرشوشة او مش متأكد....
ياريت صاحب الموضوع يرد
لأن سمعة محل ...ولو فعلا ما كانش متأكد يقول لنا عشان ما نظلمش المركز
ربنا يعوضك خير عن غياء الناس ده
بص من الاخر مركز زيرو انا اتعملت معاه اي خربوش سطحي خفيف هيتعمل زي المفتاح خبط في الباب عمل خربوش بسيط لكن اي خربوش عميق مش هيعمل فيه حاجه ولا هيعرف يداريه الا عن طريق فرشه بسن يمشي بيها علي الخدش ويملاه ودا اي واحد بتاع دوكو يعمله من الاخر لو عندك خدش عميق مش هيعمل فيه اي حاجه ودا للامانه اللي حصل عندي في عربيتي الخدوش السطحيه اختفت الخدوش العميقه ملاها بفرشه وهتبقي باينه وشكرا