السلام عليكم ورحمه الله
امبارح علي غي رالعادة بسمع برنامج سخيف في ميجا اف ام وانا مبحبش برامج الراديو دي وكنت لسه هاغير
بس لفت نظري الكلام
المذيع بيتكلم عن اعلان رسمي في جريدة يومية واسعة الانتشار في فيتنام
الاعلان باللغة الانجليزية على غير العادة
اي موجه لغير الفيتناميين
عن وجود زوجه ب 6 الاف دولار امريكي
ايوة زوجة وليست حاجة تانية
والمذيع عمال يترجم وضرب الدولار في 7 جنيه
وقال ب 42 الف جنيه معاك زوجه فيتنامية وبعقد موثق كمان
والاظرف انك هاتخد عليها ضمان سنة لو هربت منك
نيههههههههههههه
والله بيقولو كدة بجد بس تجيب اي اثبات رسمي زي محضر شرطة مثلا انها هربت :-)
يبعتولك غيرها :-)

الفكرة اللي بسال فيها وكلامي موجه للشباب
عندك استعداد تتجوز فيتنامية بالتمن ده ؟؟
خاصة ان دي ممكن تقعد معاك في اي حتة زي اوضتك في بيت اهلك
سؤال تاني للشيخ خالد
هل ده بيرجعنا لعصر الجواري وما ملكت ايمانكم
انا دافع فيها فلوس دي كدة مش كاني بشتري جارية
والله بتكلم بجد سؤالي عايز افهم بس
لالالا ما تفهمنيش غلط وتقولي عايز تشتري اتنين وقانون جديد وبتاع :-)
بجد عايز افهم دي جارية ولا لاء
والشباب ترضي تتجوز دي
وللبنات المصريات
انتو لسه بتدورو على شقة تمليك وفرح ومهر وشبكة من ابو الجرام الدهب ب 300 وشوية ؟؟؟

ده لينك على العربية للاعلان
إعلان عن زوجة فيتنامية بـ6 دولارات فقط مع كفالة
هما غلطانين وكاتيبن 6 دولارات لكن واحد من المعلقين مصحح وقالهم المبلغ صح 6 الاف دولار وشاف الاعلان