5 ساعات ونص من ابو رواش لجسر السويس-حررررام

**Land_Cruiser** · 15-01-2013 03:05 AM

الملاحظ ان ازمه السولار رجعت تانى تشد. كان فى عربيات نقل كتير قوى و معدات نقل تقيل واقفه طوابير احيانا صفين جنب بعض فى انتظار السولار و موقفين الدنيا على الدائرى و كمان الاتوستراد و المناطق اللى فيها بنزينات بتمون سولار ودلوقتى فعلا لو حد حب يوقف اى شارع مهما كان واسع ينشر ان بنزينه فيه موجود فيها سولار و كلها ١٠ دقائق و تلاقى الطريق اتقفل تماما

**AlGazar2** · 15-01-2013 03:32 AM

الزحمة دى فعلا سوء تخطيط للطرق
الطرق فى مصر فعليا ما اتصممتش انها تشيل عدد العربيات ده
معظم الطرق متصممه من عصر اسره محمد على ( و دى هتلاقيها طرق كويسة بس زحمه جدا )
و طرق متصممه وقت الاحتلال الانجليزى ( الاسفلت بتاعها لسه لغايه دلوقتى )
و طرق متصممه فى عهد عبد الناصر ( الزحمه كلها و تصميم فى الضياع بيضاعف الزحمه مش بيقللها )
طرق مقترحة فى عهد السادات و اتنفذت فى عصر مبارك ( طرق تصميمها كويس لغايه وقت ما ) تنفيذها موديها فى داهيه عشان السرقة و التقليب الى حصل فيها و دايما عليها حوادث
طرق عصر مبارك بقى تصميم سئ تخطيط غلط تنفيذ غلط طرق تودى فى داهيه من الاخر

و ربنا يكون فى عونك يا استاذ كريم فى الزحمة دى بس انا فى الزحمه رجلى اليمين الى بتوجعنى بنزين و فرامل بنزين و فرامل الشمال دبرياج بس و ثابته عليه

بس لا يزال المانيوال متعه رغم تعبه فى الزحمه و ربنا يكون فى عونا قائدى المانيوال فى البلد دى

**Ahmed_Rahem** · 15-01-2013 10:19 AM

ربنا يعينك، انا كنت باخد من حلمية الزيتون لحد 6 أكتوبر فى 2-3 ساعات وراجع زيهم. قمت نقلت اكتوبر بمدارس الولاد بكل حاجة، ومبنزلش منها الا مطر جداً او يوم الجمعة فقط.

**SonaSteel** · 15-01-2013 11:08 AM

متفكرنيش يا كرررررريم .... حسبي الله ونعم الوكيل
يوم كنت راجع من اكتوب ر والدايري وقف 7 كيلو واخدهم علي الاول
وراجع من اسكنرية في سااه ونص و دلخل بيتا في اربع ساعات !!!!!!

ولا يوم المطرة ... انا اتنفخخخخخخخخخخخت بكل ما تعنيه الكلمة

**mahmoud_anwar** · 15-01-2013 02:26 PM

النهضة المشمشية حلوة بس شقية
100 يوم وهيظبط المرور ده كداب كدب الابل اهو عدي سنة لا يوجد شيئ واحد احسة الموطن انه بيتصلح مش بيتعمل

ياجماعة انا مش بهاجم الاخوان لي سبيل المهاجة او في عداء بيني وبينهم او انا من جماعة اسفين يابلبل
بس انا لو شيف انهم بيعملو فعلآ مشاريع تطوير للبلد كنا قولنا اصبرة وهما اهو شغلين لكن البلد لسه ماشية علي نفس سياسة حسني ومافيش اي تجديد عارف لو لقيتة حتي بيرصف طريق هتقول الله اكبر فغلآ شغلين بس عايزن وقت