الموضوع: زيادات غير مبررة في سيارات هيونداي

بس هو غالبا السوق في اتجاه لصعود اسعار العربيات
لكن لو هوه لوحده يبقي هوا حر
كده هيضر بيمبيعاته

معاك حق يا أ / وائل ،،

غبور بيجيب لورا ،،

و واضح جدا انه عنده مشاكل كتيره و مش عارف يقود السفينة بدون عمرو الاسكندراني

لمن لا يعرفه عمرو الإسكندراني كان هوا الشركة

و هوا من صنع اسطورة هيونداي في السوق المصري

لو تفتكر من اربع سنين كده

كانت هيونداي يدوب الاكسنت القديمة

مرة واحدة البلد بقت كلها هيونداي

و هيونداي دخلت في فئات مكنتش بتذكر فيها

و شوفنا الماتريكس و الالنترا و الفيرنا و الجيتز و الأتوس

بفضل الفكر العبقري لعمرو الإسكندراني

في الوقت ده كان اذكي واحد في السوق و اول واحد استفاد بقرار تخفيض الجمارك عن السيارات 1600 و شفط السوق

و هوب البلد كلها بقت هيونداي

لو تفتكر لعبه بالسوق لما وصل الفيرنا في وقت لأقل من ستين الف و حرق كل المنافسين ، العروض اللي كان بيعملها للماتريكس ، حملات الصيانة المجانية و تخفضيات قطع الغيار ، لما كانت هيونداي ارخص اسعار صيانة بمراحل عن المدابح اللي كانت في التوكيلات التانية


في المقابل دلوقتي غبور عمال ياخد قرارت عشوائية اكيد هتهز مركزه في السوق

- رفع اسعار عربياته الفيرنا وصلت 73 الف ، الماتريكس الجديدة هتعدي المائة الف ، الإلنترا اصبحت تبتدي بمائة الف ،، حتي الآي 10 اصبحت اغلي من البيكانتو بدون مبرر


طبعا لكم ان تتخيلوا تأثير هذا القرار علي ماركة معروفة عالميا بانها تقدم سعر مناسب ،،،

و لو حد قال ، عادي يعني ما كل العربيات غليت ،، جت عليه

اقوله زمان كان غبور Market Leader و هوا اللي كان بيتحكم في السوق و يجبر الآخريين يخفضوا اسعارهم

دلوقتي بقه ماشي ورا السوق

2- رفع اسعار قطع الغيار ،،

و لا تعليق طبعا علي تأثير نقطة زي دي ،،

3- رفع اسعار الصيانة الدورية ،،


لا تعليق ،،

خصوصا ان المعروف ان نقطة جاذبية هيونداي - غبور هيا رخص تكلفة الإقتناء

أنا ليا صديق يملك اكسنت قديمة موديل 2000 ، حتي الآن بيعمل الصيانة في التوكيل ،،


4- حتي عروضه الذكية المدروسة اصبحت عشوائية

زي حملة صيانة عليك و صيانة علينا

باعتبار الزبون عبيط و مش هياخد باله انه بيدفع اكتر

5- مشاكل خدمة ما بعد البيع ،،

لا داعي لتكرارها ،، يكفي ان تزور مركز صيانة ابو رواش و تشوف السويقة اللي هناك و زباين بتتخانق و زباين عربياتها بتتأخر بدون داعي ووووووو


6- أهم نقطة المبيعااااااااااااات ،،،

مبيعاته مقلتشي ماشي ،،،،

لكن حصته من السوق قلت من 31% ل 19% !!!!!!!!!!!!!!!!

انا مبقولشي انها هيسيب مركزه الأول دلوقتي بسهولة ،،،

لأنه عنده عوامل تؤهله للبقاء في المركز ده لفترة اخري

زي شبكة موزعين مفيش قدها ،، اسم اصبح هناك بعض الإرتباط بيه ، امكانيات و حجم مفيش حد قريب منه ،،

و بس كده

لكن التاريخ ده هيفضل مكفيه لحد امتي ؟؟؟ خصوصا مع هذا التخبط الإداري

و ايه البدائل ؟؟؟؟

المشاركة الأصلية كتبت بواسطة Ahmed Anwer

معاك حق يا أ / وائل ،،

غبور بيجيب لورا ،،

و واضح جدا انه عنده مشاكل كتيره و مش عارف يقود السفينة بدون عمرو الاسكندراني

لمن لا يعرفه عمرو الإسكندراني كان هوا الشركة

و هوا من صنع اسطورة هيونداي في السوق المصري

لو تفتكر من اربع سنين كده

كانت هيونداي يدوب الاكسنت القديمة

مرة واحدة البلد بقت كلها هيونداي

و هيونداي دخلت في فئات مكنتش بتذكر فيها

و شوفنا الماتريكس و الالنترا و الفيرنا و الجيتز و الأتوس

بفضل الفكر العبقري لعمرو الإسكندراني

في الوقت ده كان اذكي واحد في السوق و اول واحد استفاد بقرار تخفيض الجمارك عن السيارات 1600 و شفط السوق

و هوب البلد كلها بقت هيونداي

لو تفتكر لعبه بالسوق لما وصل الفيرنا في وقت لأقل من ستين الف و حرق كل المنافسين ، العروض اللي كان بيعملها للماتريكس ، حملات الصيانة المجانية و تخفضيات قطع الغيار ، لما كانت هيونداي ارخص اسعار صيانة بمراحل عن المدابح اللي كانت في التوكيلات التانية


في المقابل دلوقتي غبور عمال ياخد قرارت عشوائية اكيد هتهز مركزه في السوق

- رفع اسعار عربياته الفيرنا وصلت 73 الف ، الماتريكس الجديدة هتعدي المائة الف ، الإلنترا اصبحت تبتدي بمائة الف ،، حتي الآي 10 اصبحت اغلي من البيكانتو بدون مبرر


طبعا لكم ان تتخيلوا تأثير هذا القرار علي ماركة معروفة عالميا بانها تقدم سعر مناسب ،،،

و لو حد قال ، عادي يعني ما كل العربيات غليت ،، جت عليه

اقوله زمان كان غبور Market Leader و هوا اللي كان بيتحكم في السوق و يجبر الآخريين يخفضوا اسعارهم

دلوقتي بقه ماشي ورا السوق

2- رفع اسعار قطع الغيار ،،

و لا تعليق طبعا علي تأثير نقطة زي دي ،،

3- رفع اسعار الصيانة الدورية ،،


لا تعليق ،،

خصوصا ان المعروف ان نقطة جاذبية هيونداي - غبور هيا رخص تكلفة الإقتناء

أنا ليا صديق يملك اكسنت قديمة موديل 2000 ، حتي الآن بيعمل الصيانة في التوكيل ،،


4- حتي عروضه الذكية المدروسة اصبحت عشوائية

زي حملة صيانة عليك و صيانة علينا

باعتبار الزبون عبيط و مش هياخد باله انه بيدفع اكتر

5- مشاكل خدمة ما بعد البيع ،،

لا داعي لتكرارها ،، يكفي ان تزور مركز صيانة ابو رواش و تشوف السويقة اللي هناك و زباين بتتخانق و زباين عربياتها بتتأخر بدون داعي ووووووو


6- أهم نقطة المبيعااااااااااااات ،،،

مبيعاته مقلتشي ماشي ،،،،

لكن حصته من السوق قلت من 31% ل 19% !!!!!!!!!!!!!!!!

انا مبقولشي انها هيسيب مركزه الأول دلوقتي بسهولة ،،،

لأنه عنده عوامل تؤهله للبقاء في المركز ده لفترة اخري

زي شبكة موزعين مفيش قدها ،، اسم اصبح هناك بعض الإرتباط بيه ، امكانيات و حجم مفيش حد قريب منه ،،

و بس كده

لكن التاريخ ده هيفضل مكفيه لحد امتي ؟؟؟ خصوصا مع هذا التخبط الإداري

و ايه البدائل ؟؟؟؟

كالعادة تحليل اكثر من ممتاز لمهندس احمد انور و خصوصا في موضوع عمرو الاسكندراني و لو اني شخصيا شايف برضه انه خسر كتير لما ساب غبور و حب يعمل امبراطوريته الخاصة.
و انا معاك ان غبور هيستمر فترة الاول لان نجاحة ما زال مستمر و لو لفترة بالقصور الذاتي بعد رحيل الاسكندراني..

الحقيقة أنا أحب أضيف تعليق صغير على موضع هيونداى غبور إن أهم سبب لم تذكروه فى موضوع نجاح الغبور هو إن الناس فى مصر فعلا مش ركيبة عربيات بمعنى إنهم مش بيقدرو يقيموا العربية وتلاقى الناس تقولك هيونداى ممتازة دى بقالها فى مصر من سنة 96 ولسة ماشية !!!! جميل جدا الكلام ده مع العلم إن الفيات 128 موديل 74 لسة ماشية وممكن قبلها عربيات كتير لسه ماشية مش مهم ماشية إزاى.
الحاجة التانية المهمة إن الراجل ده اللى إسمه غبور محظوظ والدليل Mcv واللى مايعرفش الشركة دى أحب أقوله الفضايح بتاعتها دى بقى شركة أتوبيسات اللى بتصنع العربيات المرسيدس الأتوبيس والمينى باص والبلد فى لمحة عين إتملت أتوبيساته الزبالة الحقيقة كان لينا تجربة رهيبة مع المينى باص المرسيدس مش وقته نحكى عنها.
الأستاذ وائل أرجوك أنك تلحق نفسك ومتتطورتش مع غبور ده بصراحة حرامى من أكبر الحرامية فى مصر ثم إن العربية الماتريكس دى صناعة تركى والآى 10 صناعة هندى يعنى كمان مش كورى أنصحك بإنك تشوف عربيات تانية عندك مثلا الشيفورليه الأوبترا والميتسوبيشى اللانسر والنيسان الصنى وغيرها السوق مليان

يبدو ان شعار لاهيونداى بعد اليوم جاب نتيجه عكسيه

المشاركة الأصلية كتبت بواسطة وائل عطية

كنت حاجز هيونداي نيو ماتركس 2009 لأخويا سعرها الرسمي للأوتوماتك 97 ألف إحنا كنا هانخدها استلام فوري بـ 98500 ، ولما رحنا نستلمها لقيناها بقت بـ 100000 بدون نزول جنيه واحد
طبعاً رفضت لأنها من الأساس مبالغ في سعرها، مش فاهم يعني إيه ماتركس بـ 100000 !!! وفي الأول والأخر دي كوري ومهيش عربية فلتة يعني ولا حتى اقتصادية في تشغيلها
المعرض اللي كنا هانجيبها منه أكد من خلال فاكس من غبور إليهم إن جميع عربيات هيونداي هايزيد سعرها من أول أغسطس وأنا شفت الفاكس بنفسي وكانت الزيادة بتتراوح مابين ألف إلى 3 آلاف جنيه على كل الموديلات ماعدا النيو أكسنت اللي سعرها لن يتغير.
من حق غبور يتدلع !!

هل الزياده اللي بتتكلم عليها غير اللي حصلت من 3 هو 4 ايام؟؟؟؟؟؟

المشاركة الأصلية كتبت بواسطة ahmedfd

كالعادة تحليل اكثر من ممتاز لمهندس احمد انور و خصوصا في موضوع عمرو الاسكندراني و لو اني شخصيا شايف برضه انه خسر كتير لما ساب غبور و حب يعمل امبراطوريته الخاصة.
و انا معاك ان غبور هيستمر فترة الاول لان نجاحة ما زال مستمر و لو لفترة بالقصور الذاتي بعد رحيل الاسكندراني..

شكرا يا باشاا

هوا عموما ممكن كله يطلع فشنك ،،

و ممكن نكون ظالمينه و هيا الأسعار اللي بتزيد ،،

عالميا هيونداي لسه مزوده اسعارها ،،
http://www.autoblog.com/2008/07/16/h...s-set-to-rise/

أو ممكن يكون ليه رؤية و استراتيجية احنا مش شايفنيها

بس انا كعميل مستاء جدا من رفع اسعار الصيانة و اسعار قطع الغيار

بخصوص عمرو الإسكندراني ،، امبراطورية ايه اللي يعملها ده يدوب فتح معرض عربيات في شارع النزهة

هوا بس احسن من الشغل عند الناس