موضوع مفصل عن مشكلة موتور الاوكتافيا a4 و تغييره

بسم الله الرحمن الرحيم

فى البداية انا الحمد لله خلصت امتحانات و اسف على عدم تواجدى الفترة الى فاتت بسبب الامتحانات
ندخل فى الموضوع بقى هقولكم قصة العربية معايا من الاول
العربية اوكتافيا a4 موديل 1998
جبناها من بورسعيد علشان والدى عنده اعاقه فى رجله الشمال و الكلام ده من اربع سنين و نص تقريبا
اول ما جت العربية عملنلها الصيانة و تغيير السيور و الكلام ده
بس للاسف مع الصيانة دى اكتشفنا مشكله فى الموتور ان بيبقى فى طحينه على غطاء الزيت ساعتها قالوا يمكن عايزة موتور !! لكن بعدين قالوا لا هى محتاجه جوان وش سلندر يتغير بس
المهم اتعمل الجوان الاول
العربية قعدت حبة حلوين كده ماشية تمام
لكن مع الوقت العربية بدأت تتلت و الغطاء بتاع الزيت بقى يجيب طحينة بردو طبعا الكلام الى انا بقوله ده مش المفروض يحصل فى عربية محترمة زى الاوكتافيا
المهم كشفوا بردوا و قالوا العربية عايزة جوان وش تانى و جوان غطاء تكيهات الكلام ده بعد حوالى 3 سنين من ساعة ماجبناها
و ده كان الجوان التانى قعد فترة بردو و رجعت ريما لعادتها القديمة
* كل الفترة دى كنا بنتعامل مع مهندس هانى فى جسر السويس
بعدين بقى غيرنا لاستاذ احمد زاهر فى المعادى بدون تفاصيل يعنى

نرجع للجوان التانى الى باظ ده .. روحنا لاحمد زاهر و قلتله على تنبيه مهم ان العربية غيرنلها جوان وش السلندر مرتين قبل كده و ان هما فى الاول كانوا بيقولوا العربية احتمال تحتاج موتور
سيبنالوا العربية كشف عليها و المفاجاة انو قال عايزة جوان وش سلندر بس تالت مرة و مش موتور !!!!
و بالفعل عمل الجوان لتالت مرة و لكن للاسف المرة دى العربية مكملتش 200 كيلو و ظهرت العيوب تانى

هنا بقا قولنا لحد كده مش هينفع !!!
ودينا العربية بمعرفة حد من قرايبنا لواحد اسمه محمود فى شارع جسر السويس
و هو بقى كشف و كده و مع الملاحظات السابقة قال كده بقى موتور

المهم غيرنا و لكن مش الموتور كله .. غيرنا بلوك و وش استراد من الحرفيين على اساسا ان المشكله بالاساس فيهم عملوا 4500 جنيه
التفاصيل بتاعة الموتور حسب ما قريبى قالنا انه موتور موديلات بعد 2000 و لكن انا مش متأكد هل هو فعلا كده ولا نفس الموتور القديم خصوصا انه مش الموتور كله ده الوش و البلوك بس
عاما مكنتش فارقة معانا لان اصلا الموتور القديم 99 حصان و التانى 101 زى ما انا عرضت فى موضوع سابق
الموتور اتاخد من نص كامل بتاع عربية و خدنا منها بردو حاجات تانيه كانت عايزة تتغير زى طقم الدبرياج و المارش
و العربية دى كانت عاملة 80000 كيلو
حطينا زيت الف كيلو بس عشان ينضف الموتور و فى الفتره دى العربية بردو مكنتش معانا لكن مع قريبى و طبعا كان فرق اداء ملحوظ خصوصا تغيير طفم الدبرياج كمان
المارش بـ 200 جنيه
طقم الدبرياج بـ 500 جنيه
كولر موتور بـ 200 جنيه
و المصنعيه بتاعة الموتور بالحاجات دى 900 جنيه
عملنا كشف كبس موتور فى البنزينة و طلع 75% و قالوا الرقم ده كويس و احب اعرف رأيكوا بردو .. الكشف كان بـ 60 جنيه
عملنا الصيانة بتاعة السيور
سير كاتينة بـ 120 جنيه
سير دينمو بـ 140 جنيه
بلية شداد دينمو بـ 80 جنيه
مياه g12 و مياه مقطرة بـ 65 جنيه
بوجيهات بـ 90 جنيه
زيت 3000 كيلو 150 جنيه
و مصنعيه 200 جنيه

هنا بقى جت العربية و جربتها و الحمد لله بسم الله ما شاء الله السحب جميل و مع المشاوير المياه الحمرا زى ما هيا فى القربة
و مفيش الكلام بتاع الطحينة ( ربنا يجعل كلامنا خفيف ) هههههههههههه
الحمد لله فعلا بجد مش عايز اقولكوا العربية قبل كده كانت قرفانا قد ايه لما كل شويه المياه تنقص و الطحينة بتاعة الغطاء و التتليت
الحمد لله
ورق الموتور بقى احنا بناخد منه صورة و هو بيتبعت للمرور و مع التجديد ان شاء الله نثبته بفى فى الرخصة

فى النهاية عايز اقول ان الموتور المفروض الناس بتشكر فى الالمانى و يقعد 200000 و اكتر عادى و الى حصل معانا ده اكيد مشكله فردية و لحد دلوقتى مش عارف سبب الى حصل خلاه كده .. الموتور القديم كانت العربية 158000 و قعد معانا لحد 183000 كيلو خلال اربع سنين و نصف و طبعا المشكله كانت فيه من الاول ..

حمد لله علي السلامي وموقف ان شاء الله وانا كان فعلا نفسي اعرف تجربتك مع تغير الموتور كانت إيه لأن فعلا مش من السهوله انه مواتير الأوكتافيا يبقي فيها مشكله انا ركبت اربع عربيات a4 خلال فترة قصيرة ولا مرة كان في الموتور مشكله
الحمد لله ان المشكله اتحلت

لحد دلؤقتي الاوكتافيا مفيش مشاكل فيها والحاله الي حصلت فعلا معاك فرديه
ربنا يبارك ليك في العربيه ويكفيك شرها

اقتباس:

---

المشاركة الأصلية كتبت بواسطة moratoz

حمد لله علي السلامي وموقف ان شاء الله وانا كان فعلا نفسي اعرف تجربتك مع تغير الموتور كانت إيه لأن فعلا مش من السهوله انه مواتير الأوكتافيا يبقي فيها مشكله انا ركبت اربع عربيات a4 خلال فترة قصيرة ولا مرة كان في الموتور مشكله
الحمد لله ان المشكله اتحلت

---

الحمد لله ما هى فعلا عمى كان مستغرب جدا من كل ده خصوصا انه كان معاه جيتا و عارف الالمانى فين و فين لما تفتح الكبوت

اقتباس:

---

المشاركة الأصلية كتبت بواسطة ahmed metwaly

لحد دلؤقتي الاوكتافيا مفيش مشاكل فيها والحاله الي حصلت فعلا معاك فرديه
ربنا يبارك ليك في العربيه ويكفيك شرها

---

اللهم امين يا رب ..

الحمد لله خير والف مبروك عليك يا كبير

اقتباس:

---

المشاركة الأصلية كتبت بواسطة mohammedabdallh

الحمد لله خير والف مبروك عليك يا كبير

---

الحمد لله تسلم يا كبير على مرورك على الموضوع

باشا لية مجبتش الموتور بمواد التغذية عشان لو احتجت حاجة يكون عندك استبن
والفرق معتقدش كتير يعني كان هيفرق 2000ج بالكتير
يعين هيكون عندك دينموا استبن وعندك بيقة المواد من خرطيم وخلافة وكمان كنت هتاخد ضفيرة كمان
وحضرتك لما جبت الموتور جبتة علي البركة كده وخلاص ولا انت جبتة علي التجربة لمده اسبوع ولو فية حاجة كان ممكن يرجعلك البلوكة ويديك واحده تاني
واخبار الزيت معاك ايه بينقص ولا زي ماهو

انا قريت في اكتر من مكان مشاكل مشابهة تتراوح بين تلف الجوان او البلوك او الصبابات او جلب الصبابات او الموتور بالكامل وكلها لعربيات a4 خاصة بالمعاقين وواضح ان ركنتها في المنطقة الحرة هي السبب ومش لازم ننسى ان العربيات دي بتبقي جاية في بعض الاحيان (وليس كلها) من مقابر السيارات وممكن يكون فيها عيب جسيم زي عيوب الموتور مثلا وده سبب اتلافها وفي احيان اخرى المستورد بيسترخص ويجيب سيارات معيوبة اصلا بسعر متدني
واحنا في مصر عندنا شبه (تقديس) للاستعمال الاوروبي بنفتكر انهم بيشيلوا العربيات في علبة قطيفة ... ابدا ابدا الفرق بين مصر واوروبا المرور وكفاءة الطرق في المقام الاول والعوامل الجوية ثانيا
وبمناسبة العوامل الجوية : السيارات المصممة بالمواصفات الاوروبية للجو البارد مبتمشيش عندنا كويس وبيبقي في بينها وبين مواصفات المناطق الحارة اختلافات كتيييييييييير مثلا زي نوع البلاستيكات المستخدمة - الدهان - الكاوتش دورة تبريد السيارة - وحتي خرطة وش السلندر احيانا في بعض الموديلات
علشان كده لازم نخلي بالنا اوي قبل ما نشتري حجات زي دي


تحياتي

انا مستغرب انك مستغرب اني الماتور فوت على فكرة المواتير الالماني في الإعتماديه والعمر الأفتراضي اقل من اي مصنع مواتير اخر شوف كمية الجولف والبولو والاكوتافيات اللي مغيره ماتور واللي مكنته بتوصل لل 180 الف من غير ما يعمل شغل في المكنه ده إذا ما كانش سقط غيرها بيكون محظوظ

اقتباس:

---

المشاركة الأصلية كتبت بواسطة mohamedbook

باشا لية مجبتش الموتور بمواد التغذية عشان لو احتجت حاجة يكون عندك استبن
والفرق معتقدش كتير يعني كان هيفرق 2000ج بالكتير
يعين هيكون عندك دينموا استبن وعندك بيقة المواد من خرطيم وخلافة وكمان كنت هتاخد ضفيرة كمان
وحضرتك لما جبت الموتور جبتة علي البركة كده وخلاص ولا انت جبتة علي التجربة لمده اسبوع ولو فية حاجة كان ممكن يرجعلك البلوكة ويديك واحده تاني
واخبار الزيت معاك ايه بينقص ولا زي ماهو

---

و الله انا مليش خبرة فى الموضوع يعنى و عمى كان متولى الموضوع كله .. و فى حاجات تانيه خدناها من الموتور زى كوعة مياه بالثرموستات و خرطوم مياه سفلى و قربة بس انا مكتبتهاش .. بعدين مش كل الحاجات دى موجودة استيراد عادى

اقتباس:

---

المشاركة الأصلية كتبت بواسطة mohamedbook

باشا لية مجبتش الموتور بمواد التغذية عشان لو احتجت حاجة يكون عندك استبن
والفرق معتقدش كتير يعني كان هيفرق 2000ج بالكتير
يعين هيكون عندك دينموا استبن وعندك بيقة المواد من خرطيم وخلافة وكمان كنت هتاخد ضفيرة كمان
وحضرتك لما جبت الموتور جبتة علي البركة كده وخلاص ولا انت جبتة علي التجربة لمده اسبوع ولو فية حاجة كان ممكن يرجعلك البلوكة ويديك واحده تاني
واخبار الزيت معاك ايه بينقص ولا زي ماهو

---

مجبتوش على البركة بعدين مانا كاتب كبس الموتور طلع 75% هل ده وحش ؟
الزيت لسه هتابعه انا لسه العربية ممشتش بيها كتير

اقتباس:

---

المشاركة الأصلية كتبت بواسطة mo7a_mo7a

انا قريت في اكتر من مكان مشاكل مشابهة تتراوح بين تلف الجوان او البلوك او الصبابات او جلب الصبابات او الموتور بالكامل وكلها لعربيات a4 خاصة بالمعاقين وواضح ان ركنتها في المنطقة الحرة هي السبب ومش لازم ننسى ان العربيات دي بتبقي جاية في بعض الاحيان (وليس كلها) من مقابر السيارات وممكن يكون فيها عيب جسيم زي عيوب الموتور مثلا وده سبب اتلافها وفي احيان اخرى المستورد بيسترخص ويجيب سيارات معيوبة اصلا بسعر متدني
واحنا في مصر عندنا شبه (تقديس) للاستعمال الاوروبي بنفتكر انهم بيشيلوا العربيات في علبة قطيفة ... ابدا ابدا الفرق بين مصر واوروبا المرور وكفاءة الطرق في المقام الاول والعوامل الجوية ثانيا
وبمناسبة العوامل الجوية : السيارات المصممة بالمواصفات الاوروبية للجو البارد مبتمشيش عندنا كويس وبيبقي في بينها وبين مواصفات المناطق الحارة اختلافات كتيييييييييير مثلا زي نوع البلاستيكات المستخدمة - الدهان - الكاوتش دورة تبريد السيارة - وحتي خرطة وش السلندر احيانا في بعض الموديلات
علشان كده لازم نخلي بالنا اوي قبل ما نشتري حجات زي دي


تحياتي

---

تحياتى لحضرتك و مرورك و اتفق معاك اوى فى موضوع الركنة .. اما موضوع السيارات الاوربية الفكرة ان العربيات دى بتبقى معفيه من الجمارك فى حالة زى والدى مش اكتر لكن لو علينا هنجيب زيرو من الاول مش فكرة مقدس العربيات الى جاية من برة .. بس اختلف معاك فى نقطة المواصفات الاوربية يعنى بمعنى هل الاوكتافيا الى بتنزل مصر مختلفه عن الى بتنزل المانيا فى الدهان و نوعية البلاستيك و دورة التبريد الى اخره .. اظن لا و مع ذلك العربيات دى هنا زى الفل
بشهادة الناس هنا فى القسم و تحياتى مرة تانيه لمشاركتك

اقتباس:

---

المشاركة الأصلية كتبت بواسطة mesho_kimi

انا مستغرب انك مستغرب اني الماتور فوت على فكرة المواتير الالماني في الإعتماديه والعمر الأفتراضي اقل من اي مصنع مواتير اخر شوف كمية الجولف والبولو والاكوتافيات اللي مغيره ماتور واللي مكنته بتوصل لل 180 الف من غير ما يعمل شغل في المكنه ده إذا ما كانش سقط غيرها بيكون محظوظ

---

اولا شكرا لمرورك بس انا الى اعرفه الى كتبته فوق انا المواتير دى معمرة .. و يا ريت الناس الى مشاركة تفيدنا اكتر فى دى عن تجربتها الشخصية

الف مبروك على الماتور الجديد
احنا عملنا شغل في ماتور عربية اختي استيراد بور سعيد وهي عاملة 50 الف كيلو بس
بس كلو اجمع ان العربية دي اتركنت فترة وعلى فكرة احنا عملنا عمرة مغيرناش الموتور

اقتباس:

---

المشاركة الأصلية كتبت بواسطة mahmoudysf

الف مبروك على الماتور الجديد
احنا عملنا شغل في ماتور عربية اختي استيراد بور سعيد وهي عاملة 50 الف كيلو بس
بس كلو اجمع ان العربية دي اتركنت فترة وعلى فكرة احنا عملنا عمرة مغيرناش الموتور

---

كانت ايه المشكله طيب و عملتوا ايه و العربية موديل كام ؟؟

والله وكأنى بقرا تجربتى الشخصية مع الفيفورت 1994 بتاعتى برضو بعد مجبتها غيرت 3 جوانات وش سلند فى 6 شهور تقريبا بس فى الأخر انا عملت عمله مظبوطة خليت البيه الدكتور يفك وش السلندر على اساس انو يروح الصبح للمخرطة ويعمله وطبعا انا فى بلد بعيدة شوية عن المدينة اللى فيها المخرطة ودا حخيكلفنى عربية مخصوص رايح جاى على الأقل 100 جنية ففكرت وقلت طيب لية ما اروح اخد وش السلندر من عند الميكانيكى احطة فى كرتونه واروح بنفسى للمخرطة وقد كان روحت باليل لقيته فاقه قلت له لو سمحت فى واحد صاحبى عنده مخرطة فى الاسماعيلية ونفسوا بجد يخدمنى اتصلت عليه قالى ياعم صبحى هات الوش وانا حخدمك من غير فلوس خدمة يعنى وطبعا انتا متكرهش ليا الخدمة ياسطى (دى كانت اسطونه منى ) بس علشان اسحب الوش من البيه الدكتور من غير ما يزعل مهو انتم عارفين زعل الدكاترة على طول بيطير ضرس العقل هههههههه ....

المهم روحت للمخرطة قالى الوش فيه تاكل (تنقير) ولازم يتزود المنيوم قلت ماشى اللى تشوفه خدة وراح ورشة تزويد المونيوم ورجع بعد ساعة ملى التنقير اللى كان فى الوش واستنى لما برد خالص وحطة على المخرطة وخرطة على ابوه وعمل الصبابات وخلاه زيرو بجد وقالى اشترى بقى جلد للصبابات والجوان وانتا ماشى قلت اوك اخدت الطلبات ورحت للدكتور على التركيب وانتهت المشكله بحمد الله وماشى بالعربية بعدها بقالى سنه ونصفما اشتكتش....

عاوز اقول حاج البهوات الدكاترة لما بيكون تنقير فى الوش بيستسهلو الجملكة وحجات كدا ويركب الوش يعنى مسكن كدا علشان متقطعش السكة وتفضل رايح جاى عليه فانا انصح ونصحت سابقا اللى يتعرض لجوان وش السلندر ياريت ياخد الوش بنفسة ويروح المخرطة ولو فيه تنقير يزودة ويظبطة بنفسة ويخلى التقفيل للدكتور....

بالمناسبة انتظرو شرح بالصورة تغيير جوان وش السلندر من اول ما تفك الوش وتركب الجوان وازاى تربط الوش....*

اقتباس:

---

المشاركة الأصلية كتبت بواسطة forti

مجبتوش على البركة بعدين مانا كاتب كبس الموتور طلع 75% هل ده وحش ؟
الزيت لسه هتابعه انا لسه العربية ممشتش بيها كتير

---

كبس الموتور على الأقل لازم يكون 80 بس 75 برضوا قريبه....

اقتباس:

---

المشاركة الأصلية كتبت بواسطة sakr1964

والله وكأنى بقرا تجربتى الشخصية مع الفيفورت 1994 بتاعتى برضو بعد مجبتها غيرت 3 جوانات وش سلند فى 6 شهور تقريبا بس فى الأخر انا عملت عمله مظبوطة خليت البيه الدكتور يفك وش السلندر على اساس انو يروح الصبح للمخرطة ويعمله وطبعا انا فى بلد بعيدة شوية عن المدينة اللى فيها المخرطة ودا حخيكلفنى عربية مخصوص رايح جاى على الأقل 100 جنية ففكرت وقلت طيب لية ما اروح اخد وش السلندر من عند الميكانيكى احطة فى كرتونه واروح بنفسى للمخرطة وقد كان روحت باليل لقيته فاقه قلت له لو سمحت فى واحد صاحبى عنده مخرطة فى الاسماعيلية ونفسوا بجد يخدمنى اتصلت عليه قالى ياعم صبحى هات الوش وانا حخدمك من غير فلوس خدمة يعنى وطبعا انتا متكرهش ليا الخدمة ياسطى (دى كانت اسطونه منى ) بس علشان اسحب الوش من البيه الدكتور من غير ما يزعل مهو انتم عارفين زعل الدكاترة على طول بيطير ضرس العقل هههههههه ....

المهم روحت للمخرطة قالى الوش فيه تاكل (تنقير) ولازم يتزود المنيوم قلت ماشى اللى تشوفه خدة وراح ورشة تزويد المونيوم ورجع بعد ساعة ملى التنقير اللى كان فى الوش واستنى لما برد خالص وحطة على المخرطة وخرطة على ابوه وعمل الصبابات وخلاه زيرو بجد وقالى اشترى بقى جلد للصبابات والجوان وانتا ماشى قلت اوك اخدت الطلبات ورحت للدكتور على التركيب وانتهت المشكله بحمد الله وماشى بالعربية بعدها بقالى سنه ونصفما اشتكتش....

عاوز اقول حاج البهوات الدكاترة لما بيكون تنقير فى الوش بيستسهلو الجملكة وحجات كدا ويركب الوش يعنى مسكن كدا علشان متقطعش السكة وتفضل رايح جاى عليه فانا انصح ونصحت سابقا اللى يتعرض لجوان وش السلندر ياريت ياخد الوش بنفسة ويروح المخرطة ولو فيه تنقير يزودة ويظبطة بنفسة ويخلى التقفيل للدكتور....

بالمناسبة انتظرو شرح بالصورة تغيير جوان وش السلندر من اول ما تفك الوش وتركب الجوان وازاى تربط الوش....*

---

تسلم مشاركتك يا عم صبحى طبعا بس انا اتوقع ان المشكله عندى مكنتش فى جوان الوش و خلاص لكن تقريبا فى مواسير الميه الى جوه الموتور و الله اعلم .. و يا رب الايام دى مترجعش انا بقيت بخاف اسمع كلمت وش السلندر هههههههههه

انت كنت بتحط للعربية مية حنفية ولو لفترة بسيطة ؟

اقتباس:

---

المشاركة الأصلية كتبت بواسطة forti

تحياتى لحضرتك و مرورك و اتفق معاك اوى فى موضوع الركنة .. اما موضوع السيارات الاوربية الفكرة ان العربيات دى بتبقى معفيه من الجمارك فى حالة زى والدى مش اكتر لكن لو علينا هنجيب زيرو من الاول مش فكرة مقدس العربيات الى جاية من برة .. بس اختلف معاك فى نقطة المواصفات الاوربية يعنى بمعنى هل الاوكتافيا الى بتنزل مصر مختلفه عن الى بتنزل المانيا فى الدهان و نوعية البلاستيك و دورة التبريد الى اخره .. اظن لا و مع ذلك العربيات دى هنا زى الفل
بشهادة الناس هنا فى القسم و تحياتى مرة تانيه لمشاركتك

---

1. حضرتك تقدر تجيب عربية زيرو للمعاقين بردو ومتدفعش جمارك - مش لازم مستعمل ولا حاجة - لا وممكن خليجي كمان - وممكن تستوردها انت او حد يبعتهالك من اي حتة علي كوكب الارض باسم والد سيادتك وتروح تخلص عليها في الجمرك
2. انا كنت عايش في المانيا فترة وحبيت اجيب عربية وانا نازل وكان قي 2009 ايام الازمة المالية العالمية والعربيات برخص التراب ووقع اختياري علي ابل فكترا وكان ضمانها في المانيا 7 سنوات - فطلبت من الشركة تديني شهادة ضمان تلزم الوكيل في مصر بالضمان ده لان اياميها كانت تبع منصور وضمانها سنة واحدة - المهم وافقوا بس طلبوا مني ان الشهادة حتستبعد الحجات اللي الوكيل مبيطلبهاش في عربياته زي انظمة الامان المختلفة والاير باج الجانبية وشوية حجات كده ... الخ
3. لما طلبت منهم نموزج الضرايب علشان استرد قيمة الضرايب وانا بصدر العربية لقيتهم اتفاجئوا جدا اني حبعتها مصر وبعدين وضحولي ان في حجات في العربية اللي انا مختارها (مواصفات اوروبي) مش حتنفع في الجو الحار زي الدهان والبلاستيكات وحجات كتييير ... الخ ونصحوني اني اختار واحدة تانية من عندهم من اللي بالمواصفات الخليجي علشان تناسب الحر

اقتباس:

---

المشاركة الأصلية كتبت بواسطة amrelsaqqa

انت كنت بتحط للعربية مية حنفية ولو لفترة بسيطة ؟

---

لا يا عمرو خالص

اقتباس:

---

المشاركة الأصلية كتبت بواسطة mo7a_mo7a

1. حضرتك تقدر تجيب عربية زيرو للمعاقين بردو ومتدفعش جمارك - مك من اش لازم مستعمل ولا حاجة - لا وممكن خليجي كمان - وممكن تستوردها انت او حد يبعتهالي حتة علي كوكب الارض باسم والد سيادتك وتروح تخلص عليها في الجمرك
2. انا كنت عايش في المانيا فترة وحبيت اجيب عربية وانا نازل وكان قي 2009 ايام الازمة المالية العالمية والعربيات برخص التراب ووقع اختياري علي ابل فكترا وكان ضمانها في المانيا 7 سنوات - فطلبت من الشركة تديني شهادة ضمان تلزم الوكيل في مصر بالضمان ده لان اياميها كانت تبع منصور وضمانها سنة واحدة - المهم وافقوا بس طلبوا مني ان الشهادة حتستبعد الحجات اللي الوكيل مبيطلبهاش في عربياته زي انظمة الامان المختلفة والاير باج الجانبية وشوية حجات كده ... الخ
3. لما طلبت منهم نموزج الضرايب علشان استرد قيمة الضرايب وانا بصدر العربية لقيتهم اتفاجئوا جدا اني حبعتها مصر وبعدين وضحولي ان في حجات في العربية اللي انا مختارها (مواصفات اوروبي) مش حتنفع في الجو الحار زي الدهان والبلاستيكات وحجات كتييير ... الخ ونصحوني اني اختار واحدة تانية من عندهم من اللي بالمواصفات الخليجي علشان تناسب الحر

---

1 - انا مكنتش اعرف خالص النقطة دى .. بس فى نفس الوقت انا معرفش حد بره ولا عمرى سافرت
2 - تماااام
3 - يمكن بقى بس لدرجه الدهان و البلاستيكات !!

دكتور مصطفى

اولا حمدالله على السلامه من كابوس الامتحانات ده

(عقبالى يارب ) :khd:

انا برضه عملت زيك كده بس عشان المكنه قفشت مكنش فيها زيت تقريبا او الزيت كان قليل اوووى

وبرضه غيرت البلوك اللى تحت بس الكلام ده للفليشيا :wink:

ويالا بقى شد حيلك عشان تخلص ورق المرور عشان انا زيك لسه معملتش فيه اى حاجه

تحيــــاتـــى

اقتباس:

---

المشاركة الأصلية كتبت بواسطة mostafa.ramdan

دكتور مصطفى

اولا حمدالله على السلامه من كابوس الامتحانات ده

(عقبالى يارب ) :khd:

انا برضه عملت زيك كده بس عشان المكنه قفشت مكنش فيها زيت تقريبا او الزيت كان قليل اوووى

وبرضه غيرت البلوك اللى تحت بس الكلام ده للفليشيا :wink:

ويالا بقى شد حيلك عشان تخلص ورق المرور عشان انا زيك لسه معملتش فيه اى حاجه

تحيــــاتـــى

---

الله يسلمك يا درش .. ربنا يسهل ان شاء الله و اثبته فى الرخصة

انا هحكيلك عن تجربه واحد صحبى فى الفيفوريت بتاعته

اول ما جابها كان كل 6 شهور او اقل لازم يعملها وش سلندر عشان بيضرب و العربيه بتسخن منه على طول
بعد ما تعب معاها و قرف منها الميكانيكى الى بيتعامل معاه قالوا غير طرمبة المياه و من ساعه مغيرها و العربيه معاه كويسه قعد بيها حوالى 4 سنين تقريبا من غير مشاكل بس حاليا فيها بدايات وش برضه

تقريبا الاسكودا فى الفتره دى كله كده

و فعلا المفروض لما الوش بيضرب بتودى وش السلندر للمخرطة و لو فيه نقص بتروح تتملى و بعد كده يبرد و يروح المخرطه يتخرط ميركبش زى ما هوه كده و ده حصل معايا فى النوبيرا لما قطعت سير كاتينه الميكانيكى فتح لقى الوش فيه نقر كده و حتت متاكله من نفسه عمل كل الكلام ده من غير ما يقولى حتى بس خلانى اروح مع الميكانيكى نجيب الوش بعربيه من عنده عشان اطمن للشغل مش اكتر فلازم الميكانيكى يكون امين و حريص على ان الشغل الى يطلع من عنده يبقى كويس جدا مش مجرد شغل طالع و بعد شهرين تروحله تانى تعمل نفس الشغلانة

اقتباس:

---

المشاركة الأصلية كتبت بواسطة forti

1 - انا مكنتش اعرف خالص النقطة دى .. بس فى نفس الوقت انا معرفش حد بره ولا عمرى سافرت
2 - تماااام
3 - يمكن بقى بس لدرجه الدهان و البلاستيكات !!

---

حد يفيدني انا بشتري عربيه معاقين لم يمر عليها فترة الحظر..هي لسه هتكمل 3سنين خلال شهر ونصف..ما اجراءات فك الحظر وبتاخد وقت ادد ايه