كيف اعرف ان الموتور 1300 او 1500

**uhlphp** · 25-07-2008 07:32 PM

عاوز اعرف موتور السيارة هل هو 1300 ام 1500
والسبب ان وانا بشترى العرابية المازدا 323 موديل 81 التاجر فى السوق قال ان صاحب العرابية مغيير الموتور الى 1500 استيراد ولكن مثبت فى الرخصة على انة 1300 بس فهل هذا الكلام صح وهل المفروض وجود بيانات على الموتور توضح انه 1500 .
انا بحثت على جسم الموتور لم اجد غير قطعة سودا من الناحية الداخلية للموتور مكتوب عليها رقم ومن اعلاه رقم 5 كبير .
واشكركم على الرد

**thegoodhacker** · 26-07-2008 01:17 AM

اهم ما في الموضوع هو نمرة الموتور لابد ان تتاكد ان نمرة الموتور في الرخصة مطابقة لنمرة الموتور نفسه علشان ما يحصلش مشاكل معاك في الفحص القادم .......... لان اي موتور جديد يتم تركيبه بدل الموتور القديم لابد له من ورق يتضمن نمرة الموتور و سعة الموتور........ لو نمرة الموتور غير متطابقة مع النمرة اللي في الرخصة يبقي ابعد عن العربية دي و اشتري دماغك احسن.....

**Nader** · 26-07-2008 02:40 AM

الموتور لو مش مثبوت في الرخصة ومش معاك ورقة مش

هتعرف ترخص العربية دي، ولو الورق معاك هتدوخ السبع دوخات.

**banboty** · 26-07-2008 07:44 AM

المشاركة الأصلية كتبت بواسطة Nader

الموتور لو مش مثبوت في الرخصة ومش معاك ورقة مش

هتعرف ترخص العربية دي، ولو الورق معاك هتدوخ السبع دوخات.

اذا كان الموتور متغير و غير مثبت في الرخصة فأكيد الموتور له ورق إفراج جمركي و موجود في ملف العربية في المرور بأسم صاحبه , هنا الموضوع هيبقى سهل في حله ,
لانه بيتعمل توكيل خاص بيبيع الموتور فقط .. من الشخص صاحب الافراج الى المشترى اللى هيعمل نقل ملكية ..

اما سؤال الاخ صاحب الموضوع

فالحل بسيط , لان مواتير المازدا 1500 بتكون 5 غيار مش 4 زي 1300 ...
وفي الغالب الكل بيشترى الموتور بالفتيس

**uhlphp** · 26-07-2008 03:14 PM

انا متشكر لكم جداً
وكنت عاوز اعرف رقم الموتور بيكون موجود فين على جسم الموتور عشان اتاكد من الرقم اللى مكتوب فى الرخصة وهل هناك رقم او شى محدد نقدر نعرف بيه الموتور 1300 ام 1500
يعنى لو حد بيشتر موتور 1500 ازاى بيعرف انه 1300 او 1500 لابد من وجود حاجة تخلى الى بيشترى يعرف قدرة الموتور قد اية .
واشكركم على الرد

**uhlphp** · 27-07-2008 10:27 PM

انا بعتذر قبل ما اتكلم عشان محدش يزعل منى
مفيش حد عارف وهو بيشترى موتور 1500 ازاى بيعرف انه 1300 او 1500 لابد من وجود حاجة تخلى الى بيشترى يعرف قدرة الموتور قد اية .
انا عارف طبعاً ان اكيد فى ورق للموتور مكتوب فية قدرة الموتور ولكن لازم يكون ايضاً هناك شئ على جسم الموتور يوضح هو قد ايه .
وشاكر لكم ولكل من يتفضل بالرد

**MMamdouh** · 28-07-2008 11:43 AM

للاسف معرفش فى المازدا... لكن فى الدايو بيبقى فيه كود للموتور (غير رقم الموتور) و بيبقى من ضمن الكود السعة اللترية

MMamdouh

**banboty** · 28-07-2008 06:05 PM

المشاركة الأصلية كتبت بواسطة uhlphp

انا متشكر لكم جداً
وكنت عاوز اعرف رقم الموتور بيكون موجود فين على جسم الموتور عشان اتاكد من الرقم اللى مكتوب فى الرخصة وهل هناك رقم او شى محدد نقدر نعرف بيه الموتور 1300 ام 1500
يعنى لو حد بيشتر موتور 1500 ازاى بيعرف انه 1300 او 1500 لابد من وجود حاجة تخلى الى بيشترى يعرف قدرة الموتور قد اية .
واشكركم على الرد

مش هتعرف تقرأه لانه على بلوك الموتور من الجنب الشمال , و لو عاوز هتضطر تعمل زي ما بتاع بصمة الموتور في المرور بيعمل , بيجيب ورقة و يتنيها و يشخبط بقلم كوبيا لغاية اما ياخد البروز بتاع الارقام .

اما قصة 1300 او 1500 انا رديت عليك في مداخلتى الاخيرة و قلت لك من الفتيس

-

الموضوع: كيف اعرف ان الموتور 1300 او 1500

LinkBack

أدوات الموضوع

عرض

-

-

-

المواضيع المتشابهه

عاوز اعرف كود الموتور 1500 twin cam

سيفيك 93 1500 ام لانسر 99 1300

ايه الفرق بين الاكسنت 1300 و 1500 سي سي

اكسيل 1500 ولا 1300 cc

الفرق بين السيريون 1300 و 1500

الكلمات الدلالية لهذا الموضوع

المفضلات

المفضلات

ضوابط المشاركة