-
كيف انظف الصني الجديدة
السلام عليكم و رحمة الله و بركاته
معلش سؤال سريع ربنا يكرمكم .. دلوقتي انا انضف العربيه ازاي ؟
في الجراج عايزين يمسحوها بفوطه زفره بس انا قولتلوا لا .. و جبتله فوطه صفره بس و وقولتله بلاش ميه كتير علشان البرومه .. فلما بينضفها مش بحسنها بتنور .. فانضفها ازاي في نوع فوطه معينه و لا اعمل ايه ؟؟
مع العلم ان العربيه لونها احمر
شكرا جزيلا
-
بلاش تبقى فوطه متوسخه لان بيبقا فيها حبيبات رمل بتجرح في العربيه و بلاش صابون عادي من بتاع المواعين والحجات دي لانه بيطفي لمعة العربيه
في فمحلات الاكسسوارات انواع مساحيق للسيارات بس مش فاكر اسمها للاسف و ان شاء الله باقي الاعضاء يفيدوكي
-
مبروك عليك السيارة وربنا يديك خيرها ويكفيك شرها
بص ياسيدى انت تجيب فوطة قديمة من اللي بنستخدمها في الحمام
وتقطعها لقطعتين او اربعة حسب حجمها
وبعدين تغسل الفوطة بالمياه بس وتسيبها تنشف لحد ماتبقى مندية حاجة بسيطة وتمسح العربية بيها وانت بتسخن العربية وهتلاقيها فلة وسيبك من اي حاجة تانية
وبالمناسبة في الأول هتلاقيهابتسيب وبرة خفيفة جدا وبعد فترة من الأستخدام الوبرة بتروح
ودا بناءا على تجربة وبلاش تخلي حد يمسحهالك بأي حاجة تانية وبلاش الغسيل الكتير خليها كل فترة
وياريت تعمل ده قبل ماتغطي العربية والصبح مش هتحتاج تمسحها
-
ممكن فوطة مايكرو فيبر، بس برضه هاتلم تراب، للأسف لا مفر من الفوطة الزفرة بس تبقى بتاعتك وتنفضها كويس من التراب قبل ما تمسح وتشيلها معاك
-
للاسف يا معلم مفيش حاجه بتلمع زى الفوطه الزفره, انا جربت الفوطه الصفرا وكانت بتغلبنى عشان اعرف اطلع التراب, وجربت الميكروفايبر وكانت افضل بس برضه ساعات مكانتش بترضى تنضف حلو, وفى الاخر رجعت للفوطه الزفره, بس انا اللى بانضف بيها عشان حاسس ان البواب فى بينه وبين البويه تار بايت و بينتقم منها:breakpc2:.
فى حاجه واحد صاحبى كان قاللى عليها بس الصراحه مجربتهاش وهى فوطه اسمها "جلد غزال" ودى بتبقى زى الورق المقوى بتتبل فى الميه وتتعصر بحيث تبقى منديه وتتمسح بيها العربيه, صاحبى بيقوللى ممتازه بص الصراحه انا مجربتش.
للاسف دى لعنه العربيات الغامقه(انا عربيتى سودا)
ربنا يوفقك يا كبيير
-
اعتذر لمدام جومانا, انا ماخدتش بالى من الاسم.
الف مبروك السياره, وربنا يوفقك
-
-
-
انا جربت اعمل فوطة زفرة بس للاسف الموضوع فشل علشان كانت بتسيب زيت على العربية بقيت انفض العربية كل يوم بالفرشة الكبيرة بتاعة العربيات و خلاص او لما بكون فى بيت العيلة البواب هو اللى بيغسلها
تحياتى
-
للاسف الفوطه الزفره هى اكتر حاجه بتنضف و مع الوقت بتأثر على الدهان
انا عن نفسى بسيب العربيه متربه و بغسلها كل فتره بشامبو خاص للسيارات
Content Relevant URLs by
vBSEO 3.6.0 PL2