كيف انظف الصني الجديدة

**gomana85** · 15-01-2013 06:21 PM

السلام عليكم و رحمة الله و بركاته
معلش سؤال سريع ربنا يكرمكم .. دلوقتي انا انضف العربيه ازاي ؟
في الجراج عايزين يمسحوها بفوطه زفره بس انا قولتلوا لا .. و جبتله فوطه صفره بس و وقولتله بلاش ميه كتير علشان البرومه .. فلما بينضفها مش بحسنها بتنور .. فانضفها ازاي في نوع فوطه معينه و لا اعمل ايه ؟؟
مع العلم ان العربيه لونها احمر

شكرا جزيلا

**youssef_u** · 15-01-2013 07:11 PM

بلاش تبقى فوطه متوسخه لان بيبقا فيها حبيبات رمل بتجرح في العربيه و بلاش صابون عادي من بتاع المواعين والحجات دي لانه بيطفي لمعة العربيه

في فمحلات الاكسسوارات انواع مساحيق للسيارات بس مش فاكر اسمها للاسف و ان شاء الله باقي الاعضاء يفيدوكي

**EMO_ELNEMS** · 15-01-2013 07:39 PM

مبروك عليك السيارة وربنا يديك خيرها ويكفيك شرها
بص ياسيدى انت تجيب فوطة قديمة من اللي بنستخدمها في الحمام
وتقطعها لقطعتين او اربعة حسب حجمها
وبعدين تغسل الفوطة بالمياه بس وتسيبها تنشف لحد ماتبقى مندية حاجة بسيطة وتمسح العربية بيها وانت بتسخن العربية وهتلاقيها فلة وسيبك من اي حاجة تانية
وبالمناسبة في الأول هتلاقيهابتسيب وبرة خفيفة جدا وبعد فترة من الأستخدام الوبرة بتروح
ودا بناءا على تجربة وبلاش تخلي حد يمسحهالك بأي حاجة تانية وبلاش الغسيل الكتير خليها كل فترة
وياريت تعمل ده قبل ماتغطي العربية والصبح مش هتحتاج تمسحها

**Sehsss** · 15-01-2013 07:43 PM

ممكن فوطة مايكرو فيبر، بس برضه هاتلم تراب، للأسف لا مفر من الفوطة الزفرة بس تبقى بتاعتك وتنفضها كويس من التراب قبل ما تمسح وتشيلها معاك

**khaled25_9** · 15-01-2013 08:59 PM

اعتذر لمدام جومانا, انا ماخدتش بالى من الاسم.
الف مبروك السياره, وربنا يوفقك

**drmagieed** · 15-01-2013 09:06 PM

متابع

**canner** · 15-01-2013 09:39 PM

انا جربت اعمل فوطة زفرة بس للاسف الموضوع فشل علشان كانت بتسيب زيت على العربية بقيت انفض العربية كل يوم بالفرشة الكبيرة بتاعة العربيات و خلاص او لما بكون فى بيت العيلة البواب هو اللى بيغسلها

تحياتى