الموضوع: كيا سيراتو 2013 هاى لاين الشكل الجديد وصلت اسكندريه والسعر !!!!!!!!!!!!!!!!!!!!!!!!!

عاجل



اصابة حسين و انشراح بانحشار في الزور و شرخ في البلعوم بعد سماع سعر السيراتو ام ١٧٠٠٠٠ جنيه

السلام عليكم ورحمة الله وبركاته
اخوكم رامى ودى يمكن تانى مشاركة ليا فى المنتدى بس تقريبا بقالى اكتر من شهر بتصفح المنتدى المهم بقى سيبوكو من حرق اللغة ده والناس تقولى ازيك وعامل ايه والشويتين دول
1- مبدأيا كده انا بحترم السيراتو القديمة جدا يليها الريو اللى ان شاء الله حجزتها النهاردة.
2- عارفين ده معناه ايه اننا نشترى عربية بالتقفيل والضيق حسب وصف أ/ جسام ده ان دل على شىء دل على عدم الثقافة بالسيارة واننا بنشترى شكل فقط لا غير ولا يهمنا التفاصيل (طبعا الكلام موجه للناس اللى بتدور على الشكل الجديد واخر موديل يعنى كده كده هما ضاييعين )
3- انا كنت بدور على عربية مستعملة منذ 5 شهور وكنت حاطط مبلغ حوالى 80000 ج وموش لاقى عربية محترمة او بالمعنى الصحيح تكون بيتى ومتحافظ عليها وقررت بعد استخارة المولى سبحانه فى الجديد فالقيت النيسان الصنى الجديدة سوبر صالون او الفل اوبشن وانا عندى ثقة فى العربية دى بس راجعت نفسى كتير قبل ما احجز الريو وكانت المقارنة صعبة جدا خاصتا فرق السعر بس التفكير جه بعد زيادة السيارات بطريقة مفجعة فا محدش يستغرب من اسعار السيارات فى الفترة اللى جاية عشان هيه حتزيد اكتر بعد شهر اواتنين ويا سلام بقى لما الضرايب تزيد واسعار البنزين تزيد وايام طويلة اسف على الاطالة اللى عايز اقوله ازاى اننا كشعب نحارب ده وانا كنت عايز اعمل موضوع بس لقيت مشاركة الناس فى موضوع كيا سيراتو الجديدة بشكل عام فا قلت اخد رأى الناس هنا الاول
بجد يا اخونا لازم نحاول نوقف المهزلة دى ازاى؟ عن طريق نجيب كل كبيرة وصغيرة عن العربية كاعادة المنتدى ونكتبها ونعمل مواضيع كتير نقول فيها المميزات والعيوب للسيارة ونحاول كلنا نشترك عشان كله يستفيد ونجيب الاسعار للسيارات ونحط لينكات لمواضيع المقارنات ولما نشوف مين اللى حيكسب
موش كده وبس يا ريت اللى عنده واحد عايز يشترى العربية دى ينصحه بالتأنى شوية ولو عاجباه العربية يستنى لما تنزل وكيل عشان التجار يعرفو انهم بيتعاملو مع شعب موش جاهل وانا ابتديت من مكانى فى العمل وكان فى واحد صاحبى كان ناوى يحجز معايا العربية (ريو 2013) ولكن قالى لا يا عم انا حستنى السيراتو الجديدة لما تنزل وانا فى اللحظة اللى بكتب فيها مستنى اوريه التقرير الجميل ده
فى النهاية اسف على الاطالة وارجو انى ما كنش زودتها يعنى
السلام عليكم ورحمة الله

المشاركة الأصلية كتبت بواسطة hossam_elwani

كيا سيراتو 2013 هاى لاين عمانى الشكل الجديد وصلت اسكندريه والسعر !!!!!!!!!!!!!!!!!!!!!!!!!

[gdwl]170000 لحلوح [/gdwl]

ولسه السعر بكره حيزيد 2000 او 3000

وان شاء الله بكره حعمل تقرير مدعوم بالصور لعيونكم وبالتفاصيل

وملحوظه صغيره العربيه مخيبه للامال والسيراتو القديمه والالنترا يتفوقو عليها بجداره

تحياتى

تم تعديل الموضوع بواسطتي
مشرف عام 1

أ / حسام القى نظرة على التقرير ده من السعودية ولينا كلام تانى بعدين عشان معنى الكلام اللى بتقوله ان العربية فى المواصفة اللى حتنزل مصر ما تستاهلش حتى يتبص عليها
http://www.nilemotors.net/Nile/330479-2013.html