الموضوع: كيا سيراتو 2013 هاى لاين الشكل الجديد وصلت اسكندريه والسعر !!!!!!!!!!!!!!!!!!!!!!!!!

المشاركة الأصلية كتبت بواسطة ahmed samy

ايه الهبل ده ؟
ماهو حقهم ، لما شافو الكورولا من سنتين بتتباع بنفس السعر الغريب ده ( وهي في نفس الفئة السعرية )
و بعدين برضه الكروز قربت من ١٦٥ الف ( وهي نفس الفئة السعرية)

يبقى اشمعنى هيونداي وكيا يعني ما يضحكوش على الناس ؟؟؟
اشمعنى هم مايعملوش فلوس كتير ؟؟؟

و ساعدهم على كده الانتشار اللي عمله الموديلين القدام و سمعة الشركتين بالمموديلات الجديدة الكبيرة و الشكل

الكروز بــ 150000 مش اكتر

انا شفت الفئة الاولى فى المصرية بجرين بلازا سعرها 132000 جم , طبعا غاليه واكيد الهاى لاين حتعدى ال 170 ألف وبالنسبة لشكلها مش عاجبنى انا شايف ان الموديل القديم شكله أحسن , مشكلة الشكل الجديد فى كيا ان كل الموديلات شكلها قريب من بعضه يعنى وش الريو قريب من وش السيراتو الجديدة ومن وش الكارينز الجديدة هم واخدين اتجاه مرسيدس و بى ام ولا ايه ؟!!! يعنى عشان تعرف العربية نوعها ايه محتاج تبص على ضهر العربية

المشاركة الأصلية كتبت بواسطة gobeltoffire

هو الاكيد ان دى مش الهاى لاين و فى فئات اعلى من كده لسه هتنزل . و ده برضه مش سعرها اللى هتنزل بيه رسمى ده سعر استغلال دلوقتى من التجار على اساس انها كام عربيه بس اللى موجودين فى مصر كلها و السعر بتاع الفئه دى هينزل 15 الف على الاقل . اللى يهمنى بقى العربيه الهاى لاين لما تنزل بالسعر ده هتكون بالموتور العادى بتاع الالنترا و لا ال gdi ؟؟؟و السيفتى فيها هيكون ايه ؟؟ نقول مثلا 6 ايرباج + esp +ebd و لا اقل من كده بالسعر ده ؟؟؟؟؟ اه و كمان الايموبلايزر هينزل اساسى و لا الناس هتنزل تربط العربيه بجنزير فى اقرب عمود ؟!!!!!!!

احمد ربنا انهم بينزلوها ب ايرباج او اتنين تقولى 6 هههههه كده العربيه هتبقى ب 200 الف