الموضوع: صلحت العفشة

السلام عليكم

كنت عملت الموضوع ده من يومين كده عشان العفشة
http://www.nilemotors.net/Nile/328996-a.html

و بعد استفسارات و اقتراحات من الاعضاء مشكورين و كشف عند العفشجى و تم التشخيص
تيش الميزان + عمل جوايط لمساتر الفرامل و ينزل المساعدين عشان يكشف عليهم و على البطاحات

روحت للميكانيكى بتاعى و تم التشخيص انه البطاحات خلاص سلمت نمر و هيه السبب فى الى بيحصل للعربية

روحت اجيب البطاحات بقى روحت الاول للمنير فى فيصل ملقتش الجى ام كان فى الكورى مجتهمش و جبت من عنده تيش الميزان كورى و شكله نضيف

و بعد كده نزلت على المواردى فى المنيل اجيب البطاحات لقيتها الجى ام و شكلها عنده من مده الكيس قديم بس مش مقطع و عليه اللزقة بتاعه الجى ام بس شكله غير الى كان راكب فى العربية

و روحت للميكانيكى و حلينا الجنبين و ودينا جناب المساتر يتعملها الجوايط و ركبنا البطاحات و الكبايات طلعت شغاله لسه ( الحمد لله )

نازل من البيت الساعه 11 تقريبا راجل 7 كده

العربية قبل ما تتعمل

مش ثابته فى المطرة ( المياه ) - بتعمل حركات فجائية فى اوقات غريبه - اصوات تخبيط كتير

بعد ما خلصت بقى

الاصوات اختفت الحمد لله مفاضليش غير صوت الماتور الى مش عايز يهدى ده - عديت بيها على مياه و معملتش الحركات بتاعتها - حاسس انها بقت ارسى على الارض ( بس لسه مجربتهاش فى الجرى و فى الملفات - مكانتش بتعوم قبل كده فى الملفات حتى يوم المطره عربية غريبه )

اجمالى ما تم صرفه

220 بطاحات
70 تيش ميزان
100 جنية للخراط ( حاسسهم كتير شوية بس خدوا وقت معاه كان بيوسع و بيعمل مسامير و شغلانه للجنبين كل جنب مسمارين )
30 جنية تركيب البطاحات فى المساعدين و الكشف على المساعدين
40 جنية مصنعية الميكانيكى
10 جنية اكرامية

كلمة اخيره

بجد شكرا دايو و شكرا جى ام البطاحات الاصليه بتاعه الفابريكه اتغيرت بعد 10 سنين استخدام فى اسوء انواع الطرق فى العالم و جنبين الماستر نفس النظام - السوست الامامية لسه حالتها كويسه الحمد لله و بامانة مش عارف تيش الميزان ده اتغير قبل كده ولا لا

و شكرا نايل موتورز و اعضاء نايل موتورز خليتوا عندى حب غريب لميكانيكا السيارات عموما
و شكرا لقسم الدايو كله دايما واقفين مع بعض و بنفيد بعض ان شاء الله

المشاركة الأصلية كتبت بواسطة tarek_2005

ظبط زوايا ولا لاء بعد الشغل ده

لا لسه مظبتش زوايا رجعت مش قادر بس العربية مبتحدفش حتى مع الفرامل و بترد لوحدها بس هظبط زوايا قريب ان شاء الله