ساعدونى فى عربيتى الماروتى 2013

**lidosasa** · 16-01-2013 01:01 PM

المشاركة الأصلية كتبت بواسطة aya122010

بالنسبه للسرعه هيه سريعه ما شاء الله على التالت و الرابع بتدى معاك جامد بس الاول و التانى مش اووى و كانوا ناس كتير بيقولو خفيفه انا النهارده كنت سايقه على الدائرى و ماشيه على سرعه 100 و فى وسط عربيات نقل و كانت ثابته جدا محستهاش خفيفه زى ما بيقولوا يعنى كانوا بيقولولى ان لو فى طريق سفر مثلا و عربيه نقل معديه جمبى ممكن تطيرنى من الهوا انا النهارده كنت لوحدى على الدائرى و سريع و عربيات نقل جمبى و على سرعه 100 و اكتر كمان بس قبل ال 120 كده و كانت ما شاء الله ثابته جدا و سريعه جدا بالنسبه لوفره البنزين هيه فعلا موفره جدا و انا حسيت بالفرق بينها و بين الهيونداى علشان كنت بسوق هيونداى بتاعت بابا على طول فهى موفره بنزين فعلا و ثابته جدا هيه بصراحه عجبانى اوووى و مفرحنى ان نظرتى جت فى محلها و مسمعتش للناس اللى بيقولوا وحشه و توكتوك و التريقه دى كل ده علشان مجربوهاش و الله

حضرتك لسه شارية العربية من أسبوعين يعنى لسه فى التليين خدى بالك وأوعى تزودى السرعة عن 80 كيلو لأن الحديد لسه بياخد على بعض والسرعة العالية مش كويسة على العربية اللى بتلين . والله أعلى وأعلم

**abdo7000** · 17-01-2013 02:30 AM

ياريت تقولي لنا اية الاخبار وهل المشكلة اتحلت وعرفتي السبب ؟
وبالتوفيق ان شاء الله

**aya122010** · 22-01-2013 02:41 AM

اه يا جماعه المشكله اتحلت الحمد لله و طلعت من البنزين لانه دلوقتى بيزودوه مايه خدوا بالكم حطوا من بنزينه الوطنيه بس لان الموضوع اتكرر مع عربيه خالى و عربيه ابن خالتى برده بعد ما حاطوا بنزين وهم مش معاهم ماروتى واحد اوكتفيا وواحد فيرنا فخدوا بالكم من البنزين

**LORD.ADeL** · 30-01-2013 04:31 PM

استاذا ايه ياريت تحولي تتعملي مع كم بنزينه معينه جنب منطقه عندك لان فعلا كلامك صح وحصلت معايا حوار بنزين وميه دة وبرجل عربيه خالص وعدت ع خير حمدلله مهم بس ماتزودي سرعتك عن 100 لانك فى فترة تلين فترة الالف كليووو وبعد كدة تضبطيها واذا عايزة تقفلي امبير قفليه بس مش انصحك بكدة خفه عربيه بتبقى من فوق ال100 هتحسي ان عربيه هطير بلاش تزودي عن 100 سؤاء فى تلين او بعد تلين وربنا يسترها علينا كلنا ان شاء الله والله مستعان..