الموضوع: اسبرانزا 516

المشاركة الأصلية كتبت بواسطة hugan

اهلا بيك
اظن والله اعلم سبب عدم الرد
هو الاستغراب
لان ال 516 عربيه كلاسيكيه قوي
يعني عربيه وقوره ومؤدبه وتقدر تقول فاتها سن الشباب
علشان كد ه مفيش حد بيعمل فيها حركات
ولا بيعاملها علي انها عروسه جميله ومحتاجه شويه تزويق
عربيه الاداء الهاديء
بهدوووووووووء
زي عماد اديب
ستني يمكن حد يقدر يجاوب علي اسئلتك
ونورت القسم

هى اى نعم كلاسيكية بس هى برضه شبابية و مش محتاجة دلع هى لوحدها مدلعة عشان كده سموها الوزة و تحياتى لك

المشاركة الأصلية كتبت بواسطة hugan

معاك ياباشا
هي عربيه كويسه ورخيصه وبنت ناس
الحمد لله اليوم اتممت ال 110000 كيلو استهلاك
وغيرت بزيت شيل الترا
وبصراحه حاولت اقنع نفسي بفرق بينه وبين موبيل 1
لكن حتي الان مش لاقي

و صوت الموتور اخباره ايه و السحب اخباره ايه انا على فكرة مش بحاول اقنعك بنوع الزيت و لكن انا برمى ودنى دائمآ بصوت العربية و عشان كده قولت لحضرتك فى مشاركة سابقة بعد اربع سنين اكتشفت ان موبيل 1 مختلف كتير عن شيل و تحياتى لك

المشاركة الأصلية كتبت بواسطة hugan

انا فاهم قصدك
بصراحه موبيل 1 باستخدمه من وقت شراء العربيه يعني من اكتر من 4/5 سنين
بينزل كامل بدون اي احتراق او نقصان
غير ان انا مش مقتنع ان نوعيه الزيت ممكن يفرق في سحب العربيه او صوت الموتور
مش عارف
في اعتقادي ان وظيفه الزيت هي منع الاحتكاك والتاكل بين اجزاء الموتور ليس اكثر
يعني الموضوع مالوش علاقه بالسحب
المرتبط اكثر بالبنزين ومشاكله وكهرباء العربيه
وموبيل وشل ال 2 تخليقي بالكامل
مش عارف كلامي صح ولا غلط
ها شوف الصبح والعربيه بارده صوت الموتور يكو عامل ازاي

كلامك مضبوط و لكن انا قصدى فى مسألة السحب احساسك بالعربية بنعومة السحب مش بقوة السحب بمعنى ان الموتور لما يكون صوته هادىء احساسك بالسحب بيكون احسن من ان الموتور بيرزع او بيخبط فى بعضه جامد عشان مثلآ توصل لسرعة معينة هو ده الفرق و جرب الصبح تدور العربية و اسمع الصوت حتحس بالفرق و اعتقد ان ده هيعود بالفائدة على الموتور و تحياتى لك

المشاركة الأصلية كتبت بواسطة hugan

للامانه في نعومه نسبيه في السحب
لكن النعومه دي بحس بيها بعد غيار الزيت وكانت موجوده مع موبيل
لكن للامانه
صوت الموتور اقل بحاجه بسيطه
هايبان علي الاقل بعد 6000 كيلو الزيت عامل ايه

و جرب فى السرعة العالية بعد 3 rpm حتحس بالفرق ( فرق الصوت ) و تحياتى لك