عرض للطباعة
السلام عليكم:
لسه كنت جايب العربية مستعمل لانوس وبعدين رحت لميكانيكي فقاللي مستوي الزيت سئ جدا فقاللي هنحط موبيل 10000 قولتله ماشي فلاقيته جايبلي جركنين موبيل 5000 الكلام ده من 3 اسابيع لما كشفت علي الزيت وانا بطلع المؤشر لقيته نقط نقطتين زي الميه وجربته علي ايدي لقيته خفيف.
مش عارف ايه اللي حصل حد يفيدني بعد اذنكم.
زيت موبيل اللي بيمشي 10000 كم .. إسمه موبيل 1 و جركن واحد 4 لتر و سعره في حدود 275 جنيه .
و أضمن شيئ إنك تجيبه من محطات موبيل .
شكرا جدا علي الرد انا كنت متلغبط زبصيت علي الجركن لاني اخدته طلع زي ما انت بتقول بس بالنسبة للزوجة ازاي بعد 3 اسابيع تبقي بالحالة دي.
لو و العربية باردة ..بيبقى الزيت خفيف قوى ..عندى كدا برضوا ..و فى نا بتقول انو بيبقى كدا علشان يوصل لاجزاء الموتور عند الدووارة اسرع...فا حضرتك دور العربية شوية ...وبطلها 5 دقايق او 10 دقايق واكشف عليه هتلاقى اللزوجة تكاك انشاء الله
والله انا مش عارف اعمل ايه مع الموقع ده كل شوية الواحد بيستفيد شكرا جدا علي الرد
معلش يعنى هو يعنى ايه جابلك جركنين 5000 عشان يبقى 10000 هو بيجمع ولا ايه
العربية بتاخد 3.5 لتر من زيت واحد بس والجركن بيكون 4 لتر او ستة فى نوعيات تانية وكون انه يحطلك اكتر من التلاتة ونص لتر دا يبقى بيدمر لك العربية طبعا
دي كانت غلطة مني هو كان جركن واحد فقط بس الجزئية بتاعة اني فحصت الزيت والعربية بارده علشان كده الزيت كان خفيف هي دي اللي ما كنتش اعرفها وشكرا علي الاهتمام.
تمام كدا بس عموما الموبيل زفت فعلا
والناس هنا بتنصح للشل الاصفر وانا عن نفسى هغير شيل المرة الجاية عشان هغير الفلتر بقى معاه وتخلى بالك من مقاس الزيت اللى بيحطهولك فى العربية عشان الزيت لما بيزيد عن القيمة العظمى ليه هيبهدلك الاوسيهات والسيل اللى فى المحرك فياريت تخليها مظبوطة على المقاس بتاعها وتعرف هو المقاس القياسى بتاع المحرك كام مع او بدون تغيير الفلتر , لانى انا عندى فى الاوبل من غير تغيير الفلتر بتاخد تلاتة وبالفلتر 3.5 لتر .
الموبيل عن تجربه بيتبخر جدا والشيل الاصفر خدت فيه مقلب ومالاقيتش منه غير لتر واحد الباقى فى العربيه !! كان مغشوش واخيرا جبت زيت الامارات ولاقيته ماشاء الله ممتاز والموتور صوته اهدى بكتيييييييير
انا بجيب شل الاصفر ماشاء الله ممتاز بقالى دلوقتى حوالى 12 سنة مع الكل عربية بغيرها
والزيت موبيل ده بيتباع فين يا refaat
علي فكره اما اخدت اسبوع ايقاف بسبب السؤال ده
.
.
جرب شيل الاصفر
من مكان موثوق ..
موتور اللانوس بياخد 3.75 لتر زيت شامل الفلتر ... و ينصح بتغيير الفلتر مع كل غيار زيت .
انا التغيير القادم ان شاء الله ناوي اغير موبيل 1 .... لان صوت الموتور عندي اصبح عالي جدا .
بالنسبه لموضوع البخر الجامد او ان لونه يفضل اصفر مده طويله ... كده يبقي مضروب .... و اعتقد ده راجع الي ان الميكانيكي هوه اللي بيجيبه لصاحب السياره ( الله اعلم بيجيبه منين .. الضمير مات خلاص ) ...او ان صاحب السياره بيجيبه من اقرب محل بيبيع زيوت ( بردو الضمير مات خلاص ) .
لذلك انا انصح اي حد عاوز يجيب موبيل 1 ... يجيبه من محطات موبيل الكبيره .... يعني مثلا انا بجيبه من موبيل سنتر و ده مركز معتمد لشركه موبيل خلف محطه موبيل العروبه -صلاح سالم .... و فيه جميع منتجات شركه موبيل من زيوت او مياه خضراء او زرقاء او حمراء و زيوت فرامل و خدمه تغيير الزيت .
و لذلك موبيل 1 مش بيتبخر معايا ... و لونه بيتغير بعد اول اسبوعين استخدام و ده شيء كويس و بيدل علي ان الزيت بينظف اجزاء الموتور الداخليه و لذلك لونه بيتغير .... ( يعني ده دليل علي كفاءه الزيت ) ...
انا عاوز اغير من موبيل 1 لنوع تاني لان صوت الموتور عندي عامل زي موتور الديزل و العربيه عامله 33000 كم فقط .