رجالة نيسان صني 2013 عايز نصايحكم

السلام عليكم
أنا حاجز لوجان أوتوماتيك من شهر مع توكيل رينو
بس السعر زاد ألفين لغاية دلوقتي وهيزيد اتنين زيهم وكله هيبان في أوتوماك
فبصراحة مستكتر أدفع 85 ألف على عربية كل مميزاها إنها أوتوماتيك وعالية عن الأرض وعوامل الأمان air bag يتيمة
دورت ولقيت نيسان صني تمام جدا وإمكانياتها ممتازة على سعرها اللي بقى 104
روحت شوفتها امبارح وعجبتني عامة بس حاسس إن الكراسي بالعرض ضيقة شوية وإن الكاوتش مش قد كده
أنا عندي أدفع 104 في نيسان ولا إني أتجمرك 85 في لوجان
إيه رأيكم في العربية وفراملها على السرعات وعفشتها مع المطبات والنقر ومعاملة الوكيل في الصيانات وتكاليفها وكل حاجة في صني 2013؟
ودمتم بود

وبالمناسبة أحب أشكر أستاذ Ahmedtv على موضوعه *استلام العربية* حد اقتبسه في قسم اللوجان لما سألت وفيه تفاصيل كأني بقرأ كتاب how to فربنا يكتبها في ميزان حسناته إن شاء الله

انا سقتها بس مش مسافة كافية للحكم
الصنى فى راى افضل واوسع وصفقه رابحة عن الوجان
اتوكل على الله فيها وفعلا الكاوتش بتاعها سىء

بص الصني اريح و اوسع من معظم العربيات اللي في السوق و لو تقدر تجيبها يبقا حلو اوي و الكاوتش هو سئ بس ممكن تتعايش معاه و ممكن تبيعه وتجيب نوع احسن

باشا لا يوجد وجه للمقارنة بين العربيتين الصنى ركوبة تانية خالص سواء فى الموتور و الفتيس الاوتوماتيك الرائعين و الفرامل الحديد ... اليابانى يبانى حتى لو اتجمع فى الصومال ...
انا عامل بالعربية ٧٠٠٠ كيلو الى الان الفئة EX و لله الحمد لا يوجد اى شكوى منها ....
مميزات الصنى عن اللوجان :
@ موتور بسعة لترية اقل (بتشم البنزين) و هورس بور اعلى من اللوجان ٩٩ للصنى مقابل ٩٠ للوجان
@ وزن اخف من اللوجان يؤدى الى تسارع افضل
@ اثبت من اللوجان على السرعات العالية بشكل ملحوظ
@ اعتقد برضه سعر اعادة البيع فى صالح الصنى
@ فرامل الصنى المدعمة بال abs & ebd بالاضافة ل BA اظن لا تقارن باللوجان
كفاية كدة عشان اللوجان صعبت عليا xD

العربية كمساحة داخلية كبيرة جدا وموفرة للبنزين وعفشتها مرحة فى المطبات والنقر وتحكمها كويس اوى
هوا الكاوتش اللى صينى وسىء بس شغال...والوكيل محترم طبعا مش محتاجة كلام فهى صفقة جميلة جدا بالنسبة لسعرها واحسن من اللوجان...وده رأى الشخصى....وربنا يوفقك للخير

توكل على الله صفقة رابحة مقابل الفلوس المدفوعه فيها ولا يوجد وجه للمقارنة مع اللوجان او أى عربية أخرى أغلى منها ب30000 جنية كفاية منظومة الفرامل abs, ebd, ba بجانب 2 أير باجز وسع الصالون وأستهلاك أقتصادى للبنزين توكيل محترم بالمقارنة بالتوكيلات الأخرى

الفارق فى السعر = 20 الف جنية
وبالتالى فكلاهما فئتين مختلفتين
لو معاك فلوس الصنى فتوكل على الله
لو العملية مزنقة يبقى لوجان
بالمناسبة كلا العربيتين فلوسهم فيهم والافضل كقيمة مقابل سعر كلا فى حدود مبلغه

اقتباس:

---

المشاركة الأصلية كتبت بواسطة saint2011

توكل على الله صفقة رابحة مقابل الفلوس المدفوعه فيها ولا يوجد وجه للمقارنة مع اللوجان او أى عربية أخرى أغلى منها ب30000 جنية كفاية منظومة الفرامل abs, ebd, ba بجانب 2 أير باجز وسع الصالون وأستهلاك أقتصادى للبنزين توكيل محترم بالمقارنة بالتوكيلات الأخرى

---

توكيل رينو لا يقل عن توكيل نيسان ان لم يكن افضل على الاقل فى اسكندرية
واسأل مجرب
عموما هذة المقارنة لا تجوز لان العربيتين فى فئتين سعريتين مختلفتين
اللوجان الاوتوماتيك تقارن بالساجا او الفيرنا الاوتوماتيك او الافيو الاوتوماتيك وطبعا هى افضلهم

اقتباس:

---

المشاركة الأصلية كتبت بواسطة blazer

انا سقتها بس مش مسافة كافية للحكم
الصنى فى راى افضل واوسع وصفقه رابحة عن الوجان
اتوكل على الله فيها وفعلا الكاوتش بتاعها سىء

---

ده رأيي برضه وموضوع الوسع إن شاء الله هتأكد منه في أوتوماك

اقتباس:

---

المشاركة الأصلية كتبت بواسطة youssef_u

بص الصني اريح و اوسع من معظم العربيات اللي في السوق و لو تقدر تجيبها يبقا حلو اوي و الكاوتش هو سئ بس ممكن تتعايش معاه و ممكن تبيعه وتجيب نوع احسن

---

تمام ولو همشي بيه فترة هيبقى لغاية كام كيلو؟

اقتباس:

---

المشاركة الأصلية كتبت بواسطة ahmedpjt

باشا لا يوجد وجه للمقارنة بين العربيتين الصنى ركوبة تانية خالص سواء فى الموتور و الفتيس الاوتوماتيك الرائعين و الفرامل الحديد ... اليابانى يبانى حتى لو اتجمع فى الصومال ...
انا عامل بالعربية ٧٠٠٠ كيلو الى الان الفئة ex و لله الحمد لا يوجد اى شكوى منها ....
مميزات الصنى عن اللوجان :
@ موتور بسعة لترية اقل (بتشم البنزين) و هورس بور اعلى من اللوجان ٩٩ للصنى مقابل ٩٠ للوجان
@ وزن اخف من اللوجان يؤدى الى تسارع افضل
@ اثبت من اللوجان على السرعات العالية بشكل ملحوظ
@ اعتقد برضه سعر اعادة البيع فى صالح الصنى
@ فرامل الصنى المدعمة بال abs & ebd بالاضافة ل ba اظن لا تقارن باللوجان
كفاية كدة عشان اللوجان صعبت عليا xd

---

يا باشا ربنا يباركلك فيها وعقبال البي إم
هقولك حاجة فقط عشان أنا متأكد منها بس بلاش ضرب :) اللوجان الأوتوماتيك 110 حصان وأتقل من المانيوال

متفق مع حضراتكم في النقاط كلها بس عايز أعرف كام حاجة بعد إذنكم
الوكيل متعب ولا معقول في معاملته والصيانات الدورية؟
هل فيه خدمة الونش تبع التوكيل؟
لو ماشي بالصني على 110-120 الفرامل تقف معاك بعد كام متر من خلال تجربة واقعية؟
الكاوتش اللي نازلة بيه يمشي معاك كام كيلو من غير ما يأثر عالأداء قبل ما تغيره؟
سؤال مهم: هل الصني مصفحة من تحت؟
وبعدين إيه حكاية التوكيل اللي له كذا موزع؟ أنا روحت للي في ش المساحة مودرن موتورز
أنهي أحسن أوتو إيجبت ولا مودرن موتورز ولا السبع ولا ولا؟ :) وأنهي فيهم اللي نيسان الأصلي، التوكيل يعني؟

اقتباس:

---

المشاركة الأصلية كتبت بواسطة dr_matrix

العربية كمساحة داخلية كبيرة جدا وموفرة للبنزين وعفشتها مرحة فى المطبات والنقر وتحكمها كويس اوى
هوا الكاوتش اللى صينى وسىء بس شغال...والوكيل محترم طبعا مش محتاجة كلام فهى صفقة جميلة جدا بالنسبة لسعرها واحسن من اللوجان...وده رأى الشخصى....وربنا يوفقك للخير

---

اللهم آمين وشاكر ليك جدا. هل الكاوتش بيأثر على الفرامل بشكل يقلق؟

اقتباس:

---

المشاركة الأصلية كتبت بواسطة saint2011

توكل على الله صفقة رابحة مقابل الفلوس المدفوعه فيها ولا يوجد وجه للمقارنة مع اللوجان او أى عربية أخرى أغلى منها ب30000 جنية كفاية منظومة الفرامل abs, ebd, ba بجانب 2 أير باجز وسع الصالون وأستهلاك أقتصادى للبنزين توكيل محترم بالمقارنة بالتوكيلات الأخرى

---

بالضبط. منظومة الفرامل أكتر عامل جاذبني ليها

اقتباس:

---

المشاركة الأصلية كتبت بواسطة hossam_gabre

الفارق فى السعر = 20 الف جنية
وبالتالى فكلاهما فئتين مختلفتين
لو معاك فلوس الصنى فتوكل على الله
لو العملية مزنقة يبقى لوجان
بالمناسبة كلا العربيتين فلوسهم فيهم والافضل كقيمة مقابل سعر كلا فى حدود مبلغه

---

حضرتك كأنك قريت أفكاري بس من 79.5 ل 83.5 في اللوجان اللي المفترض فئة اقتصادية يبقى رينو بتطفش عملاءها بايديها

اقتباس:

---

المشاركة الأصلية كتبت بواسطة hossam_gabre

توكيل رينو لا يقل عن توكيل نيسان ان لم يكن افضل على الاقل فى اسكندرية
واسأل مجرب
عموما هذة المقارنة لا تجوز لان العربيتين فى فئتين سعريتين مختلفتين
اللوجان الاوتوماتيك تقارن بالساجا او الفيرنا الاوتوماتيك او الافيو الاوتوماتيك وطبعا هى افضلهم

---

+1 بصراحة شديدة ما شوفتش حد اشترى لوجان واشتكى من التوكيل وإذا حصل بيتابعو معاه لحد ما يبقى راضي

على فكرة الموضوع مش للمقارنة وإنما للتعرف على السيارة من أصحاب الصني 2013 أو من ساقوها
وآسف إذا ماكنتش وضحت من الأول

اقتباس:

---

المشاركة الأصلية كتبت بواسطة khaled online

اللهم آمين وشاكر ليك جدا. هل الكاوتش بيأثر على الفرامل بشكل يقلق؟


بالضبط. منظومة الفرامل أكتر عامل جاذبني ليها


حضرتك كأنك قريت أفكاري بس من 79.5 ل 83.5 في اللوجان اللي المفترض فئة اقتصادية يبقى رينو بتطفش عملاءها بايديها


+1 بصراحة شديدة ما شوفتش حد اشترى لوجان واشتكى من التوكيل وإذا حصل بيتابعو معاه لحد ما يبقى راضي

---

بالعكس
شوف العربيات التانية اللى ممكن تجيبها بنفس المبلغ وقارن
ساجا - افيو - فيرنا وكلهم اوتو
حتلاقى اللوجان افضل وسائل امان وتوكيل ووسع داخلى وارتفاع عن الارض واعتمادية وخامات
ونفس الكلام على الصنى
صنى - اوبترا - اكسنت ار بى - بروتون جين 2
حتلاقى افضل توكيل - افضل وسائل امان - افضل اعتمادية هى الصنى

وزى ما انت قولت الموضوع مش للمقارنة بين العربيتين انما لتصحيح مسار المقارنة

الفرامل بتاعتها ممتازة جدا وده طبعا على السرعات اللى اقل من 120 وممكن 120 كتير كمان واكيد اداء الفرامل وثبات العربية هبتحسن لو ركبت كاوتش تانى زى بريدجستون مثلا وفى تقارير فى القسم الاعضاء تفضلوا شاكرين غيروا الكاوتش وكاتبين انطباعهم والفرق قبل وبعد دور عليها هتفيدك كتير........... انما عموما فرامل ممتازة ومش مأثر عليها الكاوتش اللى فيها (وده راى الشخصى)

أستاذي HOSSAM_GABRE يافندم احنا متفقون ولا وجه للخلاف. فكرتي ببساطة إن اللي هيدفع حاجة وتمانين في زيرو يضغط على نفسه في الأول ويصبر ويجيب الأحسن وربنا يبارك للي معاه اللوجان ويبارك للي معاه الصني

اقتباس:

---

المشاركة الأصلية كتبت بواسطة Dr_MaTrix

الفرامل بتاعتها ممتازة جدا وده طبعا على السرعات اللى اقل من 120 وممكن 120 كتير كمان واكيد اداء الفرامل وثبات العربية هبتحسن لو ركبت كاوتش تانى زى بريدجستون مثلا وفى تقارير فى القسم الاعضاء تفضلوا شاكرين غيروا الكاوتش وكاتبين انطباعهم والفرق قبل وبعد دور عليها هتفيدك كتير........... انما عموما فرامل ممتازة ومش مأثر عليها الكاوتش اللى فيها (وده راى الشخصى)

---

هدور عليها وأستفيد. أنا مش ملاحق بصراحة كان كل تركيزي على اللوجان في الفترة اللي فاتت لغاية ما حفظتها زي ظهر ايدي

متفق مع حضراتكم في النقاط كلها بس عايز أعرف كام حاجة بعد إذنكم
الوكيل متعب ولا معقول في معاملته والصيانات الدورية؟
هل فيه خدمة الونش تبع التوكيل؟
لو ماشي بالصني على 110-120 الفرامل تقف معاك بعد كام متر من خلال تجربة واقعية؟
الكاوتش اللي نازلة بيه يمشي معاك كام كيلو من غير ما يأثر عالأداء قبل ما تغيره؟
سؤال مهم: هل الصني مصفحة من تحت؟
وبعدين إيه حكاية التوكيل اللي له كذا موزع؟ أنا روحت للي في ش المساحة مودرن موتورز
أنهي أحسن أوتو إيجبت ولا مودرن موتورز ولا السبع ولا...؟ وأنهي فيهم اللي نيسان الأصلي، التوكيل يعني؟

يا باشا انت يومين هنا تدور كويس على المواضيع وفى مواضيع متجمع فيها اراء الاعضاء عن العربية.....يومين بس هتلاقيك لميت كل حاجة فى العربية والوقت معاك

http://www.nilemotors.net/Nile/295379-7.html

اقتباس:

---

المشاركة الأصلية كتبت بواسطة dr_matrix

يا باشا انت يومين هنا تدور كويس على المواضيع وفى مواضيع متجمع فيها اراء الاعضاء عن العربية.....يومين بس هتلاقيك لميت كل حاجة فى العربية والوقت معاك

---

أوكيه بس نقطة التوكيل جاوبني عليها معلش، علما بأني شفت موضوع أستاذ Ahmedtv:
http://www.nilemotors.net/Nile/306720-a.html
بس مش واضح بالنسبة لي الفرق أنهي فيهم التوكيل الأصلي؟

اقتباس:

---

المشاركة الأصلية كتبت بواسطة khaled online

أوكيه بس نقطة التوكيل جاوبني عليها معلش، علما بأني شفت موضوع أستاذ ahmedtv:
http://www.nilemotors.net/nile/306720-a.html
بس مش واضح بالنسبة لي الفرق أنهي فيهم التوكيل الأصلي؟

---

الموضوع فى النيسان مختلف شوية عن معظم السيارات الاخرى
السيارة تجميع محلى
ومش اى تجميع محلى لا دا اللى بيجمعها شركة نيسان نفسها يعنى فرع شكة نيسان فى مصر مش وكيل بيجمع زى غبور او منصور
فبالتالى المصنع ليه فرع فى مصر ومالوش وكيل
طيب والصيانة
المصنع مش بيعمل صيانة ولكن توجد مراكز خدمة معتمدة
زى مودرن موتورز ودا اقدم مركز خدمة لنيسان فى مصر وكان الوكيل المعتمد زمان قبل ما نيسان تعمل مصنع فى مصر
وفيه كمان السبع , اوتو ايجيبت , المحمل , مركز مرعى للصيانةبالاسكندرية , الهندسية للسيارات , الخ
كلها مراكز خدمة معتمدة بتعمل صيانة تحت اشراف الشركة الام ( نيسان مصر ) وحتلاقى الفروق بين هذة المراكز مش كبيرة ومش جوهرية باستثناء الفروق الناتجة عن مهارات الفنيين العاملين فى هذة المراكز .
طيب نيجى لحاجة تانية اللى هى المبيعات
فيه بقى الموزعين المعتمدين وتقريبا كل مراكز وتوكيلات الصيانة بتبيع
بالاضافة الى بعض المراكز الاخرى زى العالمية للسيارات ( عبد اللطيف الجميل ) او احمد مرعى اللى كان بيبيع فقط لحد ما فتح مركز صيانة .
باختصار شديد لا يوجد توكيل لنيسان فى مصر لان المصنع نفسه له فرع فى مصر ولكن يوجد مراكز خدمة معتمدة تحت اشراف الشركة الام
ومراكز صيانة نيسان هى من افضل مراكز الصيانة فى مصر ويضاهيها فى ذلك توكيل رينو .

التوكيل بتاع نيسان ليه كذا مركز خدمة زى السبع ومودرن واوتو ايجيبت وفى انحاء الجمهورية كلها ليه مركز خدمة معتمد وكلهم توكيل اصلى زى ما انت بتسأل بس احسنهم اوتو ايجيبت وبعدين السبع وده على حسب اراء الاعضاء هنا ....وصلت؟؟؟

اقتباس:

---

المشاركة الأصلية كتبت بواسطة HOSSAM_GABRE

الموضوع فى النيسان مختلف شوية عن معظم السيارات الاخرى
السيارة تجميع محلى
ومش اى تجميع محلى لا دا اللى بيجمعها شركة نيسان نفسها يعنى فرع شكة نيسان فى مصر مش وكيل بيجمع زى غبور او منصور
فبالتالى المصنع ليه فرع فى مصر ومالوش وكيل
طيب والصيانة
المصنع مش بيعمل صيانة ولكن توجد مراكز خدمة معتمدة
زى مودرن موتورز ودا اقدم مركز خدمة لنيسان فى مصر وكان الوكيل المعتمد زمان قبل ما نيسان تعمل مصنع فى مصر
وفيه كمان السبع , اوتو ايجيبت , المحمل , مركز مرعى للصيانةبالاسكندرية , الهندسية للسيارات , الخ
كلها مراكز خدمة معتمدة بتعمل صيانة تحت اشراف الشركة الام ( نيسان مصر ) وحتلاقى الفروق بين هذة المراكز مش كبيرة ومش جوهرية باستثناء الفروق الناتجة عن مهارات الفنيين العاملين فى هذة المراكز .
طيب نيجى لحاجة تانية اللى هى المبيعات
فيه بقى الموزعين المعتمدين وتقريبا كل مراكز وتوكيلات الصيانة بتبيع
بالاضافة الى بعض المراكز الاخرى زى العالمية للسيارات ( عبد اللطيف الجميل ) او احمد مرعى اللى كان بيبيع فقط لحد ما فتح مركز صيانة .
باختصار شديد لا يوجد توكيل لنيسان فى مصر لان المصنع نفسه له فرع فى مصر ولكن يوجد مراكز خدمة معتمدة تحت اشراف الشركة الام
ومراكز صيانة نيسان هى من افضل مراكز الصيانة فى مصر ويضاهيها فى ذلك توكيل رينو .

---

:S_thum1[1]::S_thum1[1]::S_thum1[1]::S_thum1[1]:

HOSSAM_GABRE و Dr_MaTrix
ألف ألف شكر وعقبال ما تبقو تنصحوني أجيب بي إم ولا مرسيدس أحسن :)

اقتباس:

---

المشاركة الأصلية كتبت بواسطة khaled online

hossam_gabre و dr_matrix
ألف ألف شكر وعقبال ما تبقو تنصحوني أجيب بي إم ولا مرسيدس أحسن :)

---

ربنا يكرمك ويزيدك واحنا تحت امرك

:)))

-النيسان صني أحسن .... كله قال كده أشمعنى انا بقى :7_6_5v[1]:
-بس لو بتحب الجري دور كمان شويه :bye2:

طبعا الصني افضل بمراحل في كل حاجه هتحس انك راكب عربيه فعلا ومبروك مقدما بس الحق احجز بقي عشان تستلم بدري عشان عليها حجوزات كتير جدا بالطوابير

شكرا يا رجالة. اللوجان كده بخ والبركة في توكيلهم رينو
http://www.nilemotors.net/Nile/330634-a.html
أنا لغيت الحجز وربنا يسهل في غيرها