الموضوع: حجزت الصني بس خايف اوي !

المشاركة الأصلية كتبت بواسطة saint2011

معظم المشاكل كانت فى الدفعات الأولى والحمد لله أتحلت كلها وعن نفسى أنا كنت من الدفعات الأولى من أول 1500 سيارة أتباعت ورغم كده الحمد لله معنديش مشاكل فلا تقلق ولو ظهرت عندك أى مشكلة ههتتعمل فى الضمان ومبروك مقدما

الله يبارك فيك يا باشا و ربنا يطمنك

المشاركة الأصلية كتبت بواسطة elmoski

يعني افهم من كلامك يا باشا ان المشاكل دي كانت في الدفعات الاولي فقط و اتحلت في الدفعات الجديدة ولا انا معرض للمشاكل دي وهغير الليلة دي في الضمان

الدفعات الاولى فقط واي مشكلة تانيه بتظهر بيحاول المصنع يصلحها في الدفعات اللي بعدها

المشاركة الأصلية كتبت بواسطة elmoski

السلام عليكم ..

انا نزلت اول امبارح و حجزت الصني من عند مرعي و هستتلم ان شاء الله شهر فبراير..

المهم انا لاقيت اكتر من واحد بيشتكوا ان فيه مشكلة في الفرامل و الطنابير بيؤدي لحدوث صفارة و كلام من ده و واحد هنا في المنتدي كان عامل موضوع انه غير الحاجات دي في الضمان - فأنا بصراحة مرعوب و فكرت اني اخد فلوسي تاني و اجيب حاجة تانية لان مش معقول اشتري عربية زيرو ونا عارف انه فيها عيب سواء كان التيل او في منظومة الفرامل بصفة عامة فأنا عاوز رأيكم علما بأني ركبت عربية صاحبي معاه من شهرين تلاته تقريبا و لاقيت موضوع الصفارة ده بس مش ملحوظ بالمرة وبناءا علي تجربتي للعربية روحت حجزت .. لكن الاخ اللي عامل موضوع هنا في المنتدي وبيقول انه غير حاجات وكدة عملي نو من القلق فياريت مشورتكم بسرعة عشان انا عاوز اطمن بالله عليكم

السلام عليكم
أنا كنت حاجز نيسان سوبر صالون وانتظرت الاستلام لمدة شهرين وأسبوع. وبعدين لغيت الحجز. وخلال الشهرين دول كنت دائما بدور على النت على مميزات وعيوب العربية. ولاحظ الآتي بناء على المعلومات الموجودة على الإنترنت وبناء على الخبرة العملية مع الشركة ومع مالكي العربية نفسها:
1. استجابة الشركة المصنعة تكاد تكون معدومة لأي شكاوى تتعلق بالتسليم. أنا اشتكيت لشركة نيسان مصر، ثم نيسان دبي، ولا مجيب.
2. في يوم، الوكيل اتصل بيا عشان استلم ولما روحت هناك لقيت العربية متخربشة. ورفضت الاستلام ولكن كانت فرصة ألاحظ السوبر صالون على الطعبية. العربية ساجه ضعيف جدا، أنا فتحت الكبوت وبعدين حاولت أقفله تاني. لقيت الموظف بيقولي لا لا لالا سيبه أنا هفقله، قلتله ليه يعني أقلي أصلا الكبوت ممكن يطبق. وبعدين خبط على الساج بإيدي لقيته ضعيف جدا.
3. أبواب السيارة خفيفة ولازم تررزعها عشان تقفل
4. وجدت كلام كثير على النت بخصوص المساعدين والتيل والطنابير والصفارة ومش منطقي إني اشتري عربية فيها مشكلات زي دي حتى لو الضمان بيغطي العيوب دي، لأن بعد فترة الضمان هصلح كل ده على حسابي،
5. أحد جيراني اشتري نيسان صني الشكل القديم وكان جديدة معاه مكملتش ثلاث شهور تقريبا. وكان بيركن جمب عربيتي وبعدين الصبح لما كان يدور عربيته أسمع صوت بشع من الموتور. فاستغربت جدا إزاي الصوت ده من عربية جديدة وسألته على الصوت فقالي إن ده تقريبا ممكن تكون بلية الدينامو لأن العربية بعد حوالي دقيتقني الصوت بيختفي لما البلية تسخن.
6. قابلت أكثر من مالك للسيارة وكان رأي الأول هو أن السيارة ممتازة ,ليس بها أية مشكلات. والمالك الثاني نصحني بشراء نيسان الشكل القديم أفضل. والمالك الثالث قال لي أنه تلقى الكثير من التعليق على شكل السيارة (غريب شوية).

ولكن السبب الرئيسي لإلغاء الحجز هو تجاهل الشركة لشكوتي. فقمت بإلغاء الحجز وفي اليوم التالي ذهبت أنا وأخي واشتريت سيارة يباني 100% من عند سمير ريان، والحمد لله السيارة زي الفل.
والخلاصة أللي أنا عرفته عن الشركة دي إن فلسفتها هي إن طالما فيه ضمان يغطي ويصلح كل المشكلات يبقى ما فيش مشكلة، يعني لامو أخذه الواحد يتشتم مش مشكلة أهم حاجة إن فيه حد هيعتذرلك.
فكر كويس واستخير ربنا، وحط في دماغك أنك أنت اللي هتدفع ثمن العربية ولازم تكون راضي عنها مائة في المائة وربنا يوفقك للي فيه الخير.

المشاركة الأصلية كتبت بواسطة man1974

السلام عليكم
أنا كنت حاجز نيسان سوبر صالون وانتظرت الاستلام لمدة شهرين وأسبوع. وبعدين لغيت الحجز. وخلال الشهرين دول كنت دائما بدور على النت على مميزات وعيوب العربية. ولاحظ الآتي بناء على المعلومات الموجودة على الإنترنت وبناء على الخبرة العملية مع الشركة ومع مالكي العربية نفسها:
1. استجابة الشركة المصنعة تكاد تكون معدومة لأي شكاوى تتعلق بالتسليم. أنا اشتكيت لشركة نيسان مصر، ثم نيسان دبي، ولا مجيب.
2. في يوم، الوكيل اتصل بيا عشان استلم ولما روحت هناك لقيت العربية متخربشة. ورفضت الاستلام ولكن كانت فرصة ألاحظ السوبر صالون على الطعبية. العربية ساجه ضعيف جدا، أنا فتحت الكبوت وبعدين حاولت أقفله تاني. لقيت الموظف بيقولي لا لا لالا سيبه أنا هفقله، قلتله ليه يعني أقلي أصلا الكبوت ممكن يطبق. وبعدين خبط على الساج بإيدي لقيته ضعيف جدا.
3. أبواب السيارة خفيفة ولازم تررزعها عشان تقفل
4. وجدت كلام كثير على النت بخصوص المساعدين والتيل والطنابير والصفارة ومش منطقي إني اشتري عربية فيها مشكلات زي دي حتى لو الضمان بيغطي العيوب دي، لأن بعد فترة الضمان هصلح كل ده على حسابي،
5. أحد جيراني اشتري نيسان صني الشكل القديم وكان جديدة معاه مكملتش ثلاث شهور تقريبا. وكان بيركن جمب عربيتي وبعدين الصبح لما كان يدور عربيته أسمع صوت بشع من الموتور. فاستغربت جدا إزاي الصوت ده من عربية جديدة وسألته على الصوت فقالي إن ده تقريبا ممكن تكون بلية الدينامو لأن العربية بعد حوالي دقيتقني الصوت بيختفي لما البلية تسخن.
6. قابلت أكثر من مالك للسيارة وكان رأي الأول هو أن السيارة ممتازة ,ليس بها أية مشكلات. والمالك الثاني نصحني بشراء نيسان الشكل القديم أفضل. والمالك الثالث قال لي أنه تلقى الكثير من التعليق على شكل السيارة (غريب شوية).

ولكن السبب الرئيسي لإلغاء الحجز هو تجاهل الشركة لشكوتي. فقمت بإلغاء الحجز وفي اليوم التالي ذهبت أنا وأخي واشتريت سيارة يباني 100% من عند سمير ريان، والحمد لله السيارة زي الفل.
والخلاصة أللي أنا عرفته عن الشركة دي إن فلسفتها هي إن طالما فيه ضمان يغطي ويصلح كل المشكلات يبقى ما فيش مشكلة، يعني لامو أخذه الواحد يتشتم مش مشكلة أهم حاجة إن فيه حد هيعتذرلك.
فكر كويس واستخير ربنا، وحط في دماغك أنك أنت اللي هتدفع ثمن العربية ولازم تكون راضي عنها مائة في المائة وربنا يوفقك للي فيه الخير.

الف شكر يا باشا ..

عموما انا بخصوص التسليم فكانت المفجأة اني بدل ما كنت هستلم بعد شهر و نصف كلموني و هستلم الاسبوع ده...

بالنسبة لموضوع المشاكل الاخوة الافاضل قالو ان المشكلة دي كانت في الدفعات الاولي فقط و تم حلها و يمكن ده طمني شوية مع العلم ان صاحبي معاه العربية من شهر 8 يعني من الدفعات الاولي ولم الاحظ المشاكل المذكورة غير صفارة خفيفة جدا غير ملحوظة والله و ساعات بتحصل و ساعات لأ و بجد كانت غير ملحوظة لاني سوقت العربية و جربتها بنفسي..
نيجي لنقطة رزع الباب هو فعلا لازم تدفعة جامد شوية عشان يقفل بس مش زي الاسبرانزا مثلا لأني كنت من ملاكها...

بالنسبة للصاج انا شايفة كويس مش وحش يعني زيه زي اللي موجود في كل العربيات اللي في نفس الفئة.. بس مش هنقارنه بصاج الفانتازيا مثلا لكن ممكن يتقارن بالهيونداي و الكيا .

غير كدة العربية ناعمة جدا جدا عفشة افضل مليون مرة من الكوري (وعلي فكرة الحاج معاه سيراتو )

لو هنتكلم عن خامات العربية من الداخل بصراحة مش قد كدة وهنا الكيا و الهيونداي تتفوق عنها بمراحل..
علي العموم انا توكلت علي الله في الصني و دعواتكم معايا يا رجالة