الموضوع: نصائح وإرشادات لحديثي العهد ببروتون

المشاركة الأصلية كتبت بواسطة tutankhamoun

هاجيبلك رقم تليفونهم النهاردة إن شاء الله لو قدرت .... و أنا نزلتلك الصور الخاصة بالغطاء



صباح الفل و الجمال و الياسمين و الورود عليكم جميعا و على كل مصر و كل المصريين و العالم كله من شرقه لغربه

جزاكم الله خيرا يا أخي الحبيب

المشاركة الأصلية كتبت بواسطة motarjim

الله عليك يا أستاذ توت...بسم الله ما شاء الله، ولا قوة إلا بالله.

أكيد حضرتك عارف إني عايز أشكرك، ولكن لا أجد في معاجم اللغة العربية وقواميس الإنجليزية ما يفي بذلك.

فجزاك الله خيرًا،

thanks a billion!

مفيش يا باشا داعي ......ده أحنا أخوات و أهم حاجة أن ربنا يسهلها علينا جميعا و نساعد بعض

المشاركة الأصلية كتبت بواسطة motarjim

ألا عِم صباحًا أيها الأخ الغالي....وكن دومًا لنا كالنبراس الهادي في ليل الدياجي!

ربنا يباركلك و يكرمك على الكلام الحلو ده

المشاركة الأصلية كتبت بواسطة motarjim

عملت بحث سريع عبر جوجل عن شركة متخصصة في أغطية السيارات بحلوان، طلع لي حاجة اسمها "توب كڤر إيجيبت"، قصدك علي المكان ده يا ريس؟

أيوة بالظبط هي دي يا باشا ...... لو عملوا البرسونا قبل كدا
كل اللي أنت هاتعمله تقوله يعملك واحد لعربيتك إن شاء الله .
لو معملوش .... هاتضطر تروحلهم بالعربية لغاية المصنع علشان يرفع المقاسات .
بس أعتقد أنهم عملوا كتير للبرسونا ..

المشاركة الأصلية كتبت بواسطة d . A .\ ayman

جزاكم الله خيرا يا أخي الحبيب

جزاك الله كل خير يا أستاذ أيمن ....... ربنا يباركلك يارب و يستر طريقك

المشاركة الأصلية كتبت بواسطة motarjim

تمام ياريس، اتصلت بهم النهادرة الصبح، وسألتهم، قالوا لي متوافر عندهم للبرسونا، وسعره 250 جنيه، وفي واحد أسمك منه شوية، ويزيد عنه 100 جنيه، يعني بـ 350، والاتنين مش مقاومين للمياه non-waterproof.

إيه رأي حضرتك؟

صباح الخير مترجم باشا .
أنا رأيي خليك في الخفيف أبو 250 جنيه .... لأنه سهل الشيل و الحط

أنا فاكر أنهم قالوا أنك ممكن تجيب الغطاء بتخفيض لو عملت طلبية فيها عدد مُعين .
ما تشوفهم كدا عايزين كام و شوف الناس اللي عايز الغطاء على المنتدى كام واحد و حاول تحصل على التخفيض ده .