نصائح وإرشادات لحديثي العهد ببروتون

السلام عليكم،

بما إنني في حُكم أحد ملاك بروتون برسونا الآن، اتمنى من أخواني الفضلاء خبراء بروتون أن يتفضلوا علينا - أنا وغيري من ملاك بروتون الجدد - ببعض النصائح والإرشادات من واقع خبرتهم وتجربتهم مع العربية والتعامل مع التوكيل ومراكز الخدمة والصيانات وما إلى ذلك.

وحيث أن العربية دي إن شاء الله، هتكون أول عربية جديدة بالنسبة لي بفضل لله ومنّه، فلو في أي توجيهات أو تلميحات أو إرشادات أو تعليمات ينبغي مراعاتها وأخذها في الاعتبار - بوجه عام - للحفاظ على العربية من البداية بإذن الله، والحصول على الاستفادة المتوقعة منها، وإطالة عمرها الافتراضي عمومًا، فـياليت تتكرموا تسدوها وتبينوها لنا مشكورين مأجورين بإذن الله.

وجزاكم الله خيرًا جميعًا، حاضرًا وغائبًا.

وعذرًا إن كنت أثقلت عليكم بكثرة المواضيع في الأونة الأخيرة.

أول نصيحة .. الالتزام بمواعيد الصيانة الدورية على الأقل أول أربع صيانات ... وإن كنت أنا مش عارف هاكمل معاهم أصلا ولا لأ

بس على الأقل هاكمل مع عصام صفا ... إلا لو قرفني هو كمان ... وإن كان معاملته أفضل من التوكيل وبينجز عنهم كتير في الوقت


تاني نصيحة .. الدعاء دائما أن يحفظ الله طريقك وإيانا من شرورها ويرزقك خيرها

....

الحمد لله ما شاء الله لا قوة إلا بالله ... العربية مش هاتحتاج منك حاجة بإذن الله فقط المتابعة البسيطة من سوائل زي مياه المساحات وضبط الهواء ومستوى الزيت ... ولو مش بتخرج بيها بصورة متكررة في اليوم هاتلها غطا وتشيله مرة في اليوم وقت مشوارك وتحطه تاني لما ترجع .. هايفرق معاك في نظافتها قوي .. وأيضا حفظها من الأعين وقانا الله وإياكم منها سواء حاسدين أو محسودين

حاجة كمان ... كل المعطرات اللى في السوق مش هاتعمل معاك حاجة والعربية جديدة .. وأحسن حاجة تجيب زجاجة العطر ذو الأساس المائي من الأزهر من بتوع العطور اللى هناك اللى بيترش على الفرش والستائر وترش منه على الموكيت والفرش ... أنا ما جربتش غير الياسمين وريحته جميلة جدا وفرقت ... وبصراحة حتى مش أنا اللى جايبه ده المدام هى اللى جايباه بعد ما زهقت من المعطرات اللى أنا بشتريهالها ومش بتعمل معاها نتيجة

فرش العريبة لو عندك أطفال ... لأن تنظيفه رخم برغم إنه غامق ومش بيتوسخ بسرعة

الدواسات بتاعتها صغيرة عليها وهاتحتاج مقاس أكبر من اللى جاي معاها عشان تحافظ على الموكيت بتاعها أكتر ... بس خد بالك إن في مقاس كبير جبته مش مريح عند السواق لأنه بيدخل تحت دواسة البنزين ويكرمش تحتها برغم إنه مضبوط عند الكراسي التانية فشيلت الدواسة بتاعة السوق بس وحطيت اللى جاية معاها عند السواق فقط لأنها متفصلة على المكان وإن كان مقاسها صغير عليه


يارب تستلم على خير

اقتباس:

---

المشاركة الأصلية كتبت بواسطة d . A .\ ayman

أول نصيحة .. الالتزام بمواعيد الصيانة الدورية على الأقل أول أربع صيانات ... وإن كنت أنا مش عارف هاكمل معاهم أصلا ولا لأ

بس على الأقل هاكمل مع عصام صفا ... إلا لو قرفني هو كمان ... وإن كان معاملته أفضل من التوكيل وبينجز عنهم كتير في الوقت


تاني نصيحة .. الدعاء دائما أن يحفظ الله طريقك وإيانا من شرورها ويرزقك خيرها

....

الحمد لله ما شاء الله لا قوة إلا بالله ... العربية مش هاتحتاج منك حاجة بإذن الله فقط المتابعة البسيطة من سوائل زي مياه المساحات وضبط الهواء ومستوى الزيت ... ولو مش بتخرج بيها بصورة متكررة في اليوم هاتلها غطا وتشيله مرة في اليوم وقت مشوارك وتحطه تاني لما ترجع .. هايفرق معاك في نظافتها قوي .. وأيضا حفظها من الأعين وقانا الله وإياكم منها سواء حاسدين أو محسودين

حاجة كمان ... كل المعطرات اللى في السوق مش هاتعمل معاك حاجة والعربية جديدة .. وأحسن حاجة تجيب زجاجة العطر ذو الأساس المائي من الأزهر من بتوع العطور اللى هناك اللى بيترش على الفرش والستائر وترش منه على الموكيت والفرش ... أنا ما جربتش غير الياسمين وريحته جميلة جدا وفرقت ... وبصراحة حتى مش أنا اللى جايبه ده المدام هى اللى جايباه بعد ما زهقت من المعطرات اللى أنا بشتريهالها ومش بتعمل معاها نتيجة

فرش العريبة لو عندك أطفال ... لأن تنظيفه رخم برغم إنه غامق ومش بيتوسخ بسرعة

الدواسات بتاعتها صغيرة عليها وهاتحتاج مقاس أكبر من اللى جاي معاها عشان تحافظ على الموكيت بتاعها أكتر ... بس خد بالك إن في مقاس كبير جبته مش مريح عند السواق لأنه بيدخل تحت دواسة البنزين ويكرمش تحتها برغم إنه مضبوط عند الكراسي التانية فشيلت الدواسة بتاعة السوق بس وحطيت اللى جاية معاها عند السواق فقط لأنها متفصلة على المكان وإن كان مقاسها صغير عليه


يارب تستلم على خير

---

جزاك الله خيرًا يا باشا.

صحيح كنت عايز أجيب لها غطاء إن شاء الله، يا ترى أجيب إيه، وألاقيه فين؟

إيه الأخبار يا شباب؟

هل من ناصحٍ أمين؟

فين خبراء بروتون المخضرمين وغيرهم من أخوانا الأفاضل؟

اقتباس:

---

المشاركة الأصلية كتبت بواسطة motarjim

جزاك الله خيرًا يا باشا.

صحيح كنت عايز أجيب لها غطاء إن شاء الله، يا ترى أجيب إيه، وألاقيه فين؟

---

بعد لف وتمحيص في موضوع الغطيان ... في نوعين من الغطيان

النوع الأول هو قماش الخيام البدوية ... وده بيكون معالج وضد المياة لا ينفذ ذرة من المياة وفي نفس الوقت قماش وليس بلاستيك ... وقوي جدا بصورة لا يمكن تخيلها وبيتفصل بالمقاس عند بتوع الخيام ودول نادرا لما تلاقيهم في القاهرة ولكنهم هايكونوا مثلا في مطروح وسيناء والأماكن دي

كنت عامل عند واحد في الشرقية غطاء لسيارة بيجو 505 من حوالي 20 سنة أنا ووالدي ... الغطاء ده تقريبا رميته يمكن من حوالي سنتين فقط يعني فضل يستخدم لمدة 10 سنوات زي الفل وثلاث لخمس سنوات أخرى يستخدم وهو مهترئ ولكنه جيد الحال

لكن عيبه القاتل إن وزنه تقيل جدا .. وعملية شيله وحطه على العربية صعبة ورخمة .. وكان غالي بمقاييس وقتها ... حوالي 300 جنيه في ذلك الوقت

....

النوع التاني هو أي غطاء من أي حد وخلاص هايبوظ كل سنة وتغيره مع مطلع كل صيف

....

أو تجيب أثنين واحد قماش تغيره مع مطلع كل صيف من الرخيص أبو 80 جنيه مثلا أو أقل في التوفيقية

وواحد ووتر بروف مبطن للشتاء نوع محترم مثلا من سبير كار اللى في التجمع كان بـ 240 جنيه تقريبا السنة اللى فاتت بس برضه هايبوظ ومش هايستحمل

أنا بحسبها بقيمة عدد غسلات العريبة اللى كنت هاغلسلها لو مش عليها الغطاء وقيمة ترييح دماغي من وجع الغسيل وقيمة الحفاظ على دهان السيارة من الشمس ... وكمان لأن العربية مش بتاعتي في المقام الأول والخروج بها مش متكرر على مدار اليوم ومش بيتشال ويتحط كذا مرة في اليوم ... كل ده مقارنة بسعر الغطاء

و الله يا باشا هي النصائح العامة لأي عربية مهما كانت ماركتها و الأستاذ أيمن أعطاك تفاصيل جميلة

بالنسبة للغطاء

فيه شركة مصرية بتعمل غطيان مقرها في منطقة حلوان
غطيانها متفصلة بالظبط على مقاس العربية ....... و بتعمل عليها كمان علامة و لوجو بروتون

تقريبا ثمن الغطا من 175 أو 180 جنيه مش فاكر
بس غطاء محترم بجد (و لكنه غالي شوية ) بس خفيف ... سهل التنظيف معاه شنطة محترمة هانزلك صورة له بعد لما ألاقيها
و أفضل كتير من الصيني اللي في السوق و مش بيشقق مع الشمس (حتى الآن )

اقتباس:

---

المشاركة الأصلية كتبت بواسطة d . A .\ ayman

بعد لف وتمحيص في موضوع الغطيان ... في نوعين من الغطيان

النوع الأول هو قماش الخيام البدوية ... وده بيكون معالج وضد المياة لا ينفذ ذرة من المياة وفي نفس الوقت قماش وليس بلاستيك ... وقوي جدا بصورة لا يمكن تخيلها وبيتفصل بالمقاس عند بتوع الخيام ودول نادرا لما تلاقيهم في القاهرة ولكنهم هايكونوا مثلا في مطروح وسيناء والأماكن دي

كنت عامل عند واحد في الشرقية غطاء لسيارة بيجو 505 من حوالي 20 سنة أنا ووالدي ... الغطاء ده تقريبا رميته يمكن من حوالي سنتين فقط يعني فضل يستخدم لمدة 10 سنوات زي الفل وثلاث لخمس سنوات أخرى يستخدم وهو مهترئ ولكنه جيد الحال

لكن عيبه القاتل إن وزنه تقيل جدا .. وعملية شيله وحطه على العربية صعبة ورخمة .. وكان غالي بمقاييس وقتها ... حوالي 300 جنيه في ذلك الوقت

....

النوع التاني هو أي غطاء من أي حد وخلاص هايبوظ كل سنة وتغيره مع مطلع كل صيف

....

أو تجيب أثنين واحد قماش تغيره مع مطلع كل صيف من الرخيص أبو 80 جنيه مثلا أو أقل في التوفيقية

وواحد ووتر بروف مبطن للشتاء نوع محترم مثلا من سبير كار اللى في التجمع كان بـ 240 جنيه تقريبا السنة اللى فاتت بس برضه هايبوظ ومش هايستحمل

أنا بحسبها بقيمة عدد غسلات العريبة اللى كنت هاغلسلها لو مش عليها الغطاء وقيمة ترييح دماغي من وجع الغسيل وقيمة الحفاظ على دهان السيارة من الشمس ... وكمان لأن العربية مش بتاعتي في المقام الأول والخروج بها مش متكرر على مدار اليوم ومش بيتشال ويتحط كذا مرة في اليوم ... كل ده مقارنة بسعر الغطاء

---

الله يفتح عليك يا ريس بكل خير.

وفيت وكفيت وكل حاجة...

اقتباس:

---

المشاركة الأصلية كتبت بواسطة tutankhamoun

و الله يا باشا هي النصائح العامة لأي عربية مهما كانت ماركتها و الأستاذ أيمن أعطاك تفاصيل جميلة

بالنسبة للغطاء

فيه شركة مصرية بتعمل غطيان مقرها في منطقة حلوان
غطيانها متفصلة بالظبط على مقاس العربية ....... و بتعمل عليها كمان علامة و لوجو بروتون

تقريبا ثمن الغطا من 175 أو 180 جنيه مش فاكر
بس غطاء محترم بجد (و لكنه غالي شوية ) بس خفيف ... سهل التنظيف معاه شنطة محترمة هانزلك صورة له بعد لما ألاقيها
و أفضل كتير من الصيني اللي في السوق و مش بيشقق مع الشمس (حتى الآن )

---

توت باشا، صباحك مُبارك....

يا ريت تشوف لي تفاصيل الشركة دي، وإن شاء الله أتواصل معاهم واجيبه. ولو عثرت له على صور، يبقى تمام.

اقتباس:

---

المشاركة الأصلية كتبت بواسطة motarjim

توت باشا، صباحك مُبارك....

يا ريت تشوف لي تفاصيل الشركة دي، وإن شاء الله أتواصل معاهم واجيبه. ولو عثرت له على صور، يبقى تمام.

---

+1

صباح الفل عليكم جميعا

http://i47.tinypic.com/244tron.jpg

http://i46.tinypic.com/nznjex.jpg

اقتباس:

---

المشاركة الأصلية كتبت بواسطة motarjim

توت باشا، صباحك مُبارك....

يا ريت تشوف لي تفاصيل الشركة دي، وإن شاء الله أتواصل معاهم واجيبه. ولو عثرت له على صور، يبقى تمام.

---

هاجيبلك رقم تليفونهم النهاردة إن شاء الله لو قدرت .... و أنا نزلتلك الصور الخاصة بالغطاء

اقتباس:

---

المشاركة الأصلية كتبت بواسطة d . A .\ ayman

+1

صباح الفل عليكم جميعا

---

صباح الفل و الجمال و الياسمين و الورود عليكم جميعا و على كل مصر و كل المصريين و العالم كله من شرقه لغربه

اقتباس:

---

المشاركة الأصلية كتبت بواسطة tutankhamoun

http://i47.tinypic.com/244tron.jpg

http://i46.tinypic.com/nznjex.jpg

---

الله عليك يا أستاذ توت...بسم الله ما شاء الله، ولا قوة إلا بالله.

أكيد حضرتك عارف إني عايز أشكرك، ولكن لا أجد في معاجم اللغة العربية وقواميس الإنجليزية ما يفي بذلك.

فجزاك الله خيرًا،

Thanks a billion!

اقتباس:

---

المشاركة الأصلية كتبت بواسطة tutankhamoun

هاجيبلك رقم تليفونهم النهاردة إن شاء الله لو قدرت .... و أنا نزلتلك الصور الخاصة بالغطاء

يا ريت يا باشا الله يعزّك، ويا هل تُرى في عندهم مقاس برسونا زي جين تو كده؟

صباح الفل و الجمال و الياسمين و الورود عليكم جميعا و على كل مصر و كل المصريين و العالم كله من شرقه لغربه

---

ألا عِم صباحًا أيها الأخ الغالي....وكن دومًا لنا كالنبراس الهادي في ليل الدياجي!

اقتباس:

---

المشاركة الأصلية كتبت بواسطة tutankhamoun

هاجيبلك رقم تليفونهم النهاردة إن شاء الله لو قدرت .... و أنا نزلتلك الصور الخاصة بالغطاء

---

عملت بحث سريع عبر جوجل عن شركة متخصصة في أغطية السيارات بحلوان، طلع لي حاجة اسمها "توب كڤر إيجيبت"، قصدك علي المكان ده يا ريس؟

اقتباس:

---

المشاركة الأصلية كتبت بواسطة tutankhamoun

هاجيبلك رقم تليفونهم النهاردة إن شاء الله لو قدرت .... و أنا نزلتلك الصور الخاصة بالغطاء



صباح الفل و الجمال و الياسمين و الورود عليكم جميعا و على كل مصر و كل المصريين و العالم كله من شرقه لغربه

---

جزاكم الله خيرا يا أخي الحبيب

متابع :-)

ربنا يباركلك فيها اخونا العزيز ويجعلهالك خير الدواب :)
بالتوفيق يامترجم باشا

اقتباس:

---

المشاركة الأصلية كتبت بواسطة motarjim

الله عليك يا أستاذ توت...بسم الله ما شاء الله، ولا قوة إلا بالله.

أكيد حضرتك عارف إني عايز أشكرك، ولكن لا أجد في معاجم اللغة العربية وقواميس الإنجليزية ما يفي بذلك.

فجزاك الله خيرًا،

thanks a billion!

---

مفيش يا باشا داعي ......ده أحنا أخوات و أهم حاجة أن ربنا يسهلها علينا جميعا و نساعد بعض

اقتباس:

---

المشاركة الأصلية كتبت بواسطة motarjim

ألا عِم صباحًا أيها الأخ الغالي....وكن دومًا لنا كالنبراس الهادي في ليل الدياجي!

---

ربنا يباركلك و يكرمك على الكلام الحلو ده

اقتباس:

---

المشاركة الأصلية كتبت بواسطة motarjim

عملت بحث سريع عبر جوجل عن شركة متخصصة في أغطية السيارات بحلوان، طلع لي حاجة اسمها "توب كڤر إيجيبت"، قصدك علي المكان ده يا ريس؟

---

أيوة بالظبط هي دي يا باشا ...... لو عملوا البرسونا قبل كدا
كل اللي أنت هاتعمله تقوله يعملك واحد لعربيتك إن شاء الله .
لو معملوش .... هاتضطر تروحلهم بالعربية لغاية المصنع علشان يرفع المقاسات .
بس أعتقد أنهم عملوا كتير للبرسونا ..

اقتباس:

---

المشاركة الأصلية كتبت بواسطة d . A .\ ayman

جزاكم الله خيرا يا أخي الحبيب

---

جزاك الله كل خير يا أستاذ أيمن ....... ربنا يباركلك يارب و يستر طريقك

اقتباس:

---

المشاركة الأصلية كتبت بواسطة tutankhamoun

أيوة بالظبط هي دي يا باشا ...... لو عملوا البرسونا قبل كدا
كل اللي أنت هاتعمله تقوله يعملك واحد لعربيتك إن شاء الله .
لو معملوش .... هاتضطر تروحلهم بالعربية لغاية المصنع علشان يرفع المقاسات .
بس أعتقد أنهم عملوا كتير للبرسونا ..

---

تمام ياريس، اتصلت بهم النهادرة الصبح، وسألتهم، قالوا لي متوافر عندهم للبرسونا، وسعره 250 جنيه، وفي واحد أسمك منه شوية، ويزيد عنه 100 جنيه، يعني بـ 350، والاتنين مش مقاومين للمياه Non-waterproof.

إيه رأي حضرتك؟

اقتباس:

---

المشاركة الأصلية كتبت بواسطة motarjim

تمام ياريس، اتصلت بهم النهادرة الصبح، وسألتهم، قالوا لي متوافر عندهم للبرسونا، وسعره 250 جنيه، وفي واحد أسمك منه شوية، ويزيد عنه 100 جنيه، يعني بـ 350، والاتنين مش مقاومين للمياه non-waterproof.

إيه رأي حضرتك؟

---

صباح الخير مترجم باشا .
أنا رأيي خليك في الخفيف أبو 250 جنيه .... لأنه سهل الشيل و الحط

أنا فاكر أنهم قالوا أنك ممكن تجيب الغطاء بتخفيض لو عملت طلبية فيها عدد مُعين .
ما تشوفهم كدا عايزين كام و شوف الناس اللي عايز الغطاء على المنتدى كام واحد و حاول تحصل على التخفيض ده .

صحيح موضوع مش مقاومين للمياه دي غريبة ..... أنا كدا مش عارف اللي عندي مقاوم للماء و لا لاءة ؟؟
ده أنا هاعمل تجربة عليه و أبقى أقولك .

اقتباس:

---

المشاركة الأصلية كتبت بواسطة tutankhamoun

صحيح موضوع مش مقاومين للمياه دي غريبة ..... أنا كدا مش عارف اللي عندي مقاوم للماء و لا لاءة ؟؟
ده أنا هاعمل تجربة عليه و أبقى أقولك .

---

صباح الفل يا باشا، معلش يا ريس، يبدو أني كنت فاصل وأنا بأكلمهم أمبارح، لاني كنت صاحي من قبل الفجر بسويعات.

الأستاذة إللي ردت علىّ، قالت لي الاتنين الخفيف والأكثر سُمكًا مش مبطنين، من غير بطانة داخلية يعني، إنما حتة مقاومة الماء waterproof، فاعتقد هما الاتنين مقاومين للماء، وانا كنت باكلمهم وأنا نايم، فعذرًا للخطأ غير المقصود.

تسجيل متابعة
موضوع مهم
جزاكم الله خيرا

اقتباس:

---

المشاركة الأصلية كتبت بواسطة yoyo.yasso

تسجيل متابعة
موضوع مهم
جزاكم الله خيرا

---

وجزاكِ أختنا الفاضلة.

اتمنى من الأخوة الافاضل ملاك بروتون القدامي والمحدثين ألا يبخلوا علينا بالنُصح والإرشاد.

الف مبروك يا باشا على العربية وعايز اقولك لا تقلق رجالة المنتدى دايما بيخدموا بعض وخصوصا قسم البروتون اجدع ناس انا والله حبيت العربية من كتر ماهما بيساعدوا بعض وبيوقفوا بجنب بعض وربنا يباركلك فى العربية ويكفيك شر الطريق

اقتباس:

---

المشاركة الأصلية كتبت بواسطة m7md87

الف مبروك يا باشا على العربية وعايز اقولك لا تقلق رجالة المنتدى دايما بيخدموا بعض وخصوصا قسم البروتون اجدع ناس انا والله حبيت العربية من كتر ماهما بيساعدوا بعض وبيوقفوا بجنب بعض وربنا يباركلك فى العربية ويكفيك شر الطريق

---

الله يبارك في حضرتك يا أستاذ محمد، وعقبالك كده إن شاء الله...

بلا الرجالة في القسم هنا ربنا يبارك لهم، ويقدرهم على فعل الخير دومًا، ناس محترمة بجد دون مجاملة يعني.

السلام عليكم ورحمة الله وبركاتة

دى اول مشاركة ليا هنا فى المنتدى وكنت عاوز اعرف واجا اوتوماتك مو 2006 تعملها كام لان معروض عليا عربية وان شاء الله ناوى اشتريها انا اتفرجت عليها وشوفتها انا والميكانيكى بتاعى وقالى حالتها بسم الله ماشاء الله كويسة
بس كنت عاوز اعرف هو الاتوماتك بتاعها ليه مشاكل ولا بيشتغل كويس وايه هى العيوب الى ممكن القيها فى العربية
هى الحالة العامة للعربية كويس بس هى رشة برة نضافة وفيها المساعد اليمين خفيف ومكنة القزاز اليمين اقدام عايزة يتعدل السير بتاعها والحساسات بتاعت البركنج مشموجودة بس المكنة راكبة وبها اربع فرد كوتش جداد وبطارية جافة جديدة وهى عاملة 125000 كيلو
فكنت عاوز اعرف هى بالحاله دى تعملها كام فلوس ويريت تردو عليا بسرعة لان صاحب العربيه مستنى منى الرد بكرة بالليل ومشعايز اتخم فيها وهى كدة تبقى كويسة ولا فى حاجة اركز عليها تاى قبل مشترى
واسف انى طولت عليكم