استشاره ضروريه للابيزا 98

**sherif_m72** · 26-07-2008 04:34 AM

واحد صاحبى واقع فى مشكله مع ابيزا 98 واكيد هنلاقى حلها هنا ان شاء الله
اولا طبلة الكونتاك
اما يدخل المفتاح تستجيب الطبله وتفتح اول تكه بتاعة توصيل الكهرباء وكمان التكه بتاعة الدوارة بس متنطقش خالص الا بعد عدة محاولات وهز المفتاح فى جميع الاتجاهات المهم انها فى الاخر بتدور الان ما هو العيب وما هو حله (ده المشكله الاولى )
ثانيا تنتيش فى الموتور
اما بيكون ماشى على السلانسيه بتنتش جامد اوى اوى لدرجه انك تحس ان الموتور بيتخلع من مكانه
واما بيقف وتكون العربيه لسه دايره بتحس انها بتقطع ومهنجه ومش مظبوطه (التقطيع بيبقى بنسبه 1-2-3 فرووم 1-2-3 فرووم) الان ما هو العيب وما هو الحل
دلوقتى انا قولتله ان العيبين مرتبطين ببعض وده عن طريق الطبله
السؤال؟
هل كلامي صح ؟
ولو كان صح يكون ايه الحل بس يكون بعيد عن تغيير الطبله !
ارجو الرد بأْيضاح لو سمحتم لآنى قولتله انى هعرض الموضوع على عباقرة السيات وهما هيوجهوك للصح ومش عاوز اخلف وعدى معاه
شاكر ليكم جدا مقدما وارجو الاهتمام

**sherif_m72** · 26-07-2008 04:49 AM

نسيت اقولكم ان برضه مؤشر البنزين وقف لوحده ومش عارفين حله ايه

**Adham** · 26-07-2008 12:58 PM

غير الكونتاكت
كدة الكونتاكت بايظ و مش بيلمس كهرباء كويس
مش بيلقط كهرباء للموتور للدوارة في الاول
و لما بيهرب كهرباء و العربية دايرة بيخلليها تقطع

اما مؤشر البنزين روح لخالد كوستا في الحرفيين
قد يكون العيب في العداد
او في العوامة
او اي حاجة في النص, التوصيلات يعني

**Omar M** · 26-07-2008 01:31 PM

كان عندى نفس مشكلة الكونتاكت فى الأبيزا... و االعربية كانت تبدور بصعوبة الى أن بطلت تدور خالص
المشكلة كانت فى فيشة الكونتاكت ( القلب ) أتغيرت و كلة بقى تمام

**MotorX** · 26-07-2008 03:17 PM

كانت عندي نفس المشكلة في ابيزا 98 ، هاتروح لاي واحد شغال في الإبيزا هايغيرلك حاجة اسمها فبرة الكونتاكت وبس كده ، اما بالنسبة للتنتيش على السلانسيه أسبابه كتير ((سلوك بوجيهات ، طلمبة بنزين ، البوجيهات نفسها ،.....إلخ)) ، وكده يبقى لازم ميكانيكي يبص عليها علشان يقولك فيها ايه.

**sherif_m72** · 27-07-2008 02:06 AM

اولا انا بشكركم كلكم جدا والله ومن كل قلبى على المتابعه السريعه دى
هو فعلا طلع العيب من الطبله
روحنا النهارده المغرب لواحد كهربائى وحل الفبره ولقينا الفيشه مهزوزه فركبها جامد وبتحكيم وبعد كده اتظبطت كل الامور وكمان عمل تشيك اب على الدايرة كلها ولقاها كلها سليمه
الغريب فى الموضوع اننا لقينا مؤشر التانك اشتغل لوحده من غير اى مشاكل و من غير اى تدخل
والكهربائى قالنا ان المفتاح ده مبوش شويه ومش متحكم فى الطبله (يعنى انت ممكن تنزع المفتاح من الكونتاك والعربيه دايرة )فده ممكن يسبب مشكله فيما بعد
هل الكلام ده مزبوط ولا لآ
وهل ينفع تغيير قلب الطبله بدون تغيير المفتاح
وهل بكده نكون حلينا العيب ده
انا اسف على الاطاله وعلى الاسئله الكتير بس انا نتعشم فى كرمكم يا سيتاويه
شاكر جدا ليكم

**mohamed ibiza** · 28-07-2008 08:50 PM

الحمد لله تم حل مشكلة الطبلة اما مشكلة الرجرجة في السلانسيه ظبط كهربا و نضف الانجكشن بالاسبراي الامريكي من بنزينة توتال ب 20 جنيه و غير بوجيهات و اهم حاجة الكهربا و و الانجكشن ظبطهم و ان شاء الله تتظبط