حبة اسئلة عن الزينون واضاءة الفوانيس

**الجنرال** · 17-01-2013 11:57 AM

السلام عليكم يا شباب

بجد انا مبسوط انى انضميت للمنتدى ده وبجد انتوا مش متخيلين انا بستفيد منكوا ازاي

انا كنت عايز اعمل حاجة علشان اخلي اضاءة الفوانيس عندي اقوى شوية

وكنت بفكر فى الزينون .. لحد ما قريت هنا شوية عن انواع لمبات جديدة زي فيليبس رالي ومعرفش ايه

فحابب اسألكوا عليها الاول قبل ما اعمل اى حاجة .. وعندي حبة اسئلة وطعمان فى كرم الاجابة منكوا:

1- انا فهمت اني ممكن اغير اللمبات وده ممكن يبقى كفاية (لو ركبت تونجسرام او فيليبس رالي) او انى اغير خالص واركب الزينون .. انتوا شايفين انهى الاحسن؟؟
2- فى حبة مصطلحات محتاج اعرفها: زي الكتاوت والرينجات والبروجيكتور والعدسة .. ايه دول وعبارة عن ايه؟؟ وبيعملوا ايه؟؟
3- في الحالتين سواء لمبات بس او زينون، ياريت لو ممكن تقولولي على احسن مكان اروحله اشتري منه الحاجات دي ويركبهالي كمان (معلش لانى لسه جديد فى الموضوع ده :) )

متشكر جدا ليكوا مقدما على الرد :)

**WARD** · 18-01-2013 06:04 PM

انا عندى نفس الاسئلة ياريت حد من الاخوه الخبراء فى الموضوع دا يفيدنا.

**الجنرال** · 18-01-2013 06:20 PM

محدش معبرنا للاسف

**midooo_119** · 18-01-2013 06:57 PM

المشاركة الأصلية كتبت بواسطة الجنرال

السلام عليكم يا شباب

بجد انا مبسوط انى انضميت للمنتدى ده وبجد انتوا مش متخيلين انا بستفيد منكوا ازاي

انا كنت عايز اعمل حاجة علشان اخلي اضاءة الفوانيس عندي اقوى شوية

وكنت بفكر فى الزينون .. لحد ما قريت هنا شوية عن انواع لمبات جديدة زي فيليبس رالي ومعرفش ايه

فحابب اسألكوا عليها الاول قبل ما اعمل اى حاجة .. وعندي حبة اسئلة وطعمان فى كرم الاجابة منكوا:

1- انا فهمت اني ممكن اغير اللمبات وده ممكن يبقى كفاية (لو ركبت تونجسرام او فيليبس رالي) او انى اغير خالص واركب الزينون .. انتوا شايفين انهى الاحسن؟؟
الزينون افضل لو عندك عدسات و الهالوجين افضل لو مش عندك عدسات و مش عاوز تتدفع كتير
2- فى حبة مصطلحات محتاج اعرفها: زي الكتاوت والرينجات والبروجيكتور والعدسة .. ايه دول وعبارة عن ايه؟؟ وبيعملوا ايه؟؟
البروجيكتور هو العدسه زى فوانيس البى ام و الاسبيرانزا دى وظيفتها تجميع الضوء من اللمبة و توجيهه من غير تشتيت عالارض عشان مايأذيش عين الى قدامك .. الرينج دى بتبقى حلقه بتتعمل عشان تنور لو معندكش بروجيكتور يعنى منظر بس .. الكتاوت بتقوى الاضاء للمبة و بتحمى دراع النور انه يتحرق
3- في الحالتين سواء لمبات بس او زينون، ياريت لو ممكن تقولولي على احسن مكان اروحله اشتري منه الحاجات دي ويركبهالي كمان (معلش لانى لسه جديد فى الموضوع ده :)
الهالوجين انصحك بالتونجسرام عند الابيارى فالتوفيقية اما الزينون الافضل من تجيبه من شارع دمشق محلات كتير وانواع كتير و بيركبوه هناك
متشكر جدا ليكوا مقدما على الرد :)
تحت امرك

**الجنرال** · 18-01-2013 07:46 PM

يا سلام .. تسلم الايادي يا باشا .. :)

طيب بما ان صدرك واسع .. ممكن تقولي اجيب زينون منين وبكام؟؟ انا عايز نوع نضيف وممكن ادفع لحد الف جنيه (شامل كل حاجة لحد ما يركب كمان :) )

وشكرا ليك مقدما

**Loay94** · 19-01-2013 10:04 PM

المشاركة الأصلية كتبت بواسطة الجنرال

يا سلام .. تسلم الايادي يا باشا .. :)

طيب بما ان صدرك واسع .. ممكن تقولي اجيب زينون منين وبكام؟؟ انا عايز نوع نضيف وممكن ادفع لحد الف جنيه (شامل كل حاجة لحد ما يركب كمان :) )

وشكرا ليك مقدما

انت ممكن تجيب كيت عبارة عن زينون و رينج و بروجيكتور و بتبدأ من 750 لحد 950 و يبقي جبت كله من غير متخرج عن الاف جنيه