الموضوع: عربيتي الالنترا اتسرقت

المشاركة الأصلية كتبت بواسطة freeman207

عند مين ب 800 ياباشا ةايه مميزاته ياريت تقولنا كل التفاصيل بعد اذنك لانى رحت لادريان قالى 1300 ولازم تشحن الشريحة كل شهر ب 50 جنيه

حضرتك فى مستورد اعرفه فى 6 اكتوبر - وال 800 جنيه شامله التركيب - الجهاز عيبه الوحيد انه بيجى من غير موقع تقدر تتابع معاه العربيه وتحركاتها - يعنى من الاخر مينفعش مع شركه
مميزات الجهاز زى كل الاجهزه اللى فى السوق
العربيه أول لما تشتغل بتبعتلك رساله وأول لما الكونتاكت يتقفل بتبعت لك رساله
لو الانذار اشتغل بتبعت لك رساله وده معتمد على نوع الانذار اذا كان فيه الخاصيه ديه ولا لأ
تقدر تسمع اللى بيحصل جوه العربيه بس الصوت بيبقى مش واضح خالص
تقدر تكلم العربيه فى اى وقت - والعربيه ترد عليك برساله على طول
تقدر تظبط ان العربيه تبعت لك رساله لو سرعتها زادت عن حد معين - على سبيل المثال لو زادت عن 100 كيلو فى الساعه تبعتلك رسالة سرعه
تقدر توقف العربيه فى اى مكان جوه مصر وتعيد تشغيلها تانى
تقدر تظبط العربيه انها لو اتحركت ازيد من 300 متر من مكانها ان العربيه تبعت لك رساله
الرساله اللى بتجيلك فيها مكان العربيه والساعه والتاريخ وسرعة العربيه ورقم الجهاز بتاعك
وطبعا الاحدثيات ديه بتدخلها على الجوجل ماب بيظهرلك مكان العربيه فين بالظبط - وطبعا لو معاك موبيل فيه انترنت بتفتح اللينك على طول وتعرف عربيتك فين
.
.
وبالمناسبه - فيه ناس كتييييييييييييير فى التوفقيه بتبيع الجهاز ده وبنفس السعر تقريبا - بس انا اللى خلانى اشترى من المستورد ده ان فعلا جربوا الجهاز ده عندنا فى الشركه وكانوا بيشكروا جدا فيه والكلام ده لمدة 4 شهور - لكنهم رفضوا انهم يخدوا جهاز من غير موقع

بخصوص الاشتراك الشهرى لخط التليفون ملهاش غير حل واحد - انك يكون خطك فودافون والعربيه يركب فيها خط فودافون - ويتعمل على باقه اسمها حكاوى فريندز - وبعدها تشترك فى خدمة رسائل حكاوى فريندز - ده بيخليك تدفع 3 جنيه فقط شهريا وفى المقابل بيديك 50 رساله يوميا ل 3 أرقام فودافون - وهما دول ال 3 أرقام اللى بتسمح لهم انهم يدخلوا على نظام العربيه

المشاركة الأصلية كتبت بواسطة Land_Cruiser

من فضلك يافندم معظم اللى بيبقى محتاج يركبه بيبقى مش عايز يطلع العربيه من الضمان علشان لسه جديده فهل يا ترى عند حضرتك فكره اذا كان تركيبه بيطلع من الضمان و لا لأ ؟

للأسف انا معرفش فى هيونداى بيعملوا ايه-انا خلصت الضمان خلاص 82000 كيلو - لكن اللى شبه أكيد - ان التوكيلات بتعمل حاجه من اتنين يا أما بتخرج العربيه كلها من الضمان - يا أما بتخرج كهربة العربيه بالكامل من الضمان