انا هاسيب الموضوع كله وأمسك فى دى يا شهدى .. و مش حرام عليك تقول كده يعنى عندكم مطر وبحر ... مش تراعى مشاعر أخواتك الى هنا الى بيسقعوا بس :angry26:
عرض للطباعة
يا مزاجك العالى :)
ربنا يباركلك فيها
ربن يبارك لك فيها
السؤال المهم عندي
عامله ايه في المطبات مع التحميل
وقصدي بالمطبات المطبات بتاعت الارياف
لاني كنت مسافر دمياط من اسبوعين
والناس امام كل قريه ماشاء الله عاملين جبال مش مطبات
حاجه بهدله علي الاخر
لحد ما تسمع رد الاستاذ شهدي اسمحلي أديك تصبيره :angelme: حافظ دايما على ضغط الكاوتش على 35 وان شاء الله العربيه مش هتحك. أنا بسافر المنوفيه كتير وكل مره بيبقى معايا 3-4 غيري والحمد لله العربيه مش بتحك مع ان المطبات هناك زي ما بتقول كده كل واحد عامل مطب قدام بيته والشارع بتاعنا هناك فيه 6 مطبات في مسافه 300 متر وكلها مطبات بيتي اللي هيه زلط وأسمنت مش أسفلت بس مش بتحك لأني موسوس من ناحيه ضغط العجل وبحب العجل يكون بيدبدب دايما مش بحب العربيه تأنتخ وهيه ماشيه.
ربنا يباركلك فيها
بس لو كانو نزلو العربيه دى بموتور 2000 سى سى كانت كسحت بجد وبقت على عرش السيارات فى مصر
انا عمى معاه كارينز هاى لاين خليجى جربت سواقتها وهيا لسه زيرو وانا غير راضى عن اداء الموتور اطلاقا تحس ان العربيه سلحفاه اومكتومه فى السحب بس للامانه التجربه كانت لحد سرع 80 بس مش اكتر
تحياتى
بخصوص موضوع بعد الدريكسيون نزله لتحت خالص وهتلاقيه قرب منك كتير انا شخصيا بسوق كدة وعشان كمان هيسهل عليك كتير التحكم فى الدريكسيون بايد واحدة
والله عندك حق فى كلامك الشئ الوحيد إللى مزعلنى موضوع المساحة لأن شنطة الكارينز كان بيقعد فيها طفلين كبار أوممكن كمان ثلاثة وفى السفر ميكنش فيه مشكلة طبعا السبورتاج أقل مساحة ويعيبها أكثر فى موضوع المساحة السقف المنخفض
وخد كمان النقطة الهامة دية كنبة الكارينز وضعية الجلوس فيها رائعة وغير وضعية الجلوس كمان ممكن اربعة افراض يجلسوا فيها من غير مشاكل
وخد دية كمان عندما تطوى الكنبة الخلفية المساحة رهيبة ومش موجودة فى عربية زيها غير ان الطى بيكون مستقيم جدا
يا عمنا بصراحة انت جيت على الجرح الكارينز مساحتها مفيش عربية تانية ممكن تعوضها ده غير كمان ان عيوبها لاتذكر - إيه يعنى بطة كل العربيات دلوقتى بطة
وبعدين الكارينز بتجيب 160 كم / ساعة مع اتزان مقبول جدا بس انت جمد قلبك ودوس وتقريبا كل مواتير الكيا تعتبر معمرة و مشكلها أيضا لاتذكر
يا حبيبتى يا كارينزمش كده ولا إيه